˗Kwɛzlan ˈö bhë, ˈpë ꞊mɔɔn˗ ˗bha kö ˗yö kë Zoova ˗bha ꞊Gbɛkiö ˈˈpɛpɛ ˈka ˗ya ˗zɔn. Mɛn ˈbha ꞊mɔɔn˗ ˗bha ˈö ˈwɔn yaa ꞊gbɔɔnsü ˗kë, ˈö ꞊taabha ˈö˗ pö ꞊dhɛ ‹ˈˈkan ˈnën ˈö˗ wo ö ˈgü.› ˈˈKɛɛ kö ˗a ˗mɛn ˗yö ˈˈɲaannu ˗yö ö ˗zota ˗së ˈka, ˗yö ˗dho ˗a yö ꞊dhɛ ö ö ˗kɔ ˗yɛ ˈwɔn yaa ˈsɛɛn˗ ˗nu ˗bha ˗blɛɛsü ˈö ꞊kun ˗a yaa ꞊gbɔɔnsü ˗bha kë ꞊taabha. ˗A ˈbha ˗ya kë kö ˗yö ˈˈtɔŋdhɛ ˗kun mɛn ˗nu ˈö Zoova ˗dhɔ ˈyaa ˗an kë ˗an ˗gɔ. Ɛɛnˈˈ ˈˈtrʋʋ ˗nu ˈö ˗an ˗kë ɛntɛnɛtö ˗ta ɛɛnˈˈ ˈzü ˗dhɛ ˗nu ˈö dho ˗an ˗bha, ˈwaa kun ˗së kletiɛn ˗nu ˗bha ˈka. ˗A ˈbha ˗ya kë ˈzü kö ˗a mɛn ˗ya ˈˈkan bhɛɛsü, Biblö ˗wopösü, ˗dho ˗bhɔkwëë ˗nu ˗ta ˗sü ɛɛnˈˈ ˗zlanwopö ˗sü ˗bha. ꞊Dhɛ wlüünën ˈö Proverbes ˗ya ˗wɔn ꞊blɛɛ bhë ˗a ˈdhö, ˗a ˗bha ˗puö ˈwɔn yaa ꞊gbɔɔnsü ˈgü ˗sü ˈti ˈˈkan ˗a ˈgü. ˈˈSanni ˗ya kë ˈˈdhʋ̈, ˗yö ˗da ˈwɔn yaa ˈsɛɛn˗ ꞊va ˗ʒian ˗ta. ˗Gleŋ ˗mɛɛn ˈkwa˗ sü ˗a ˈgü? Kwa dua ˗mü kö ˈkwa ˈˈkan ˈwɔn yaa waa pë ˗nu ˈwo dho kwa ˗kɔ ˗da ˗an ˈgü, ˗an ˗bha. Pë ꞊dede ˈö Sadhomɔn ˗ya pö kö ˗ya ö bo ˈyö bhë.—Mat. 5:​29, 30. w24.07 16 § 10-11.

ˈMën ˗tɔ pë ꞊bhlëëbhlëësü? Yö ˈnën ˗tɔ ˗Zlan ˗bha ˗Gblüdëdhɛ nɔɔn˗ pö ˗sü ˈö mɛn dha bhë. (2 Ko. 4:1) ˈYö ˈmën ˗tɔ ˈˈsɛgbɔ? Yö ˈnën ˗tɔ ˗Zlan ˗dhɔkëmɛn ˗nu ˈwo nɔɔn˗ ˗së pö mɛn ˈˈwɛɛ ˗nu ˗dhɛ. Pɔdhö ˗bha ˈˈtʋ̈ŋ ˈgü ˈˈdhoodɔmɛn ˗nu ˗wo pë ˗nu ˈwo ˗kë ꞊dhɛ ˗bhöpë, yɔ waa ˈwëëga ˗nu ˈdhö bhë ˗an ˗da ˈˈsɛgbɔ ˈgü. ˗Kɔ do ˈö bhë ˗a ˈka Zoova ˗yö nɔɔn˗ ˗së ˈö ˗kë pë ꞊bhlëësü ˈka bhë ˗a ˗nu kwa ˗dhɛ. Zoova ˗bha ˗takundhe ˈsaa˗ ˈgü, kwa ꞊mɔɔn˗ ˗bha ˈkwa ꞊faan ꞊slɔɔ kö ˈkwa ˗zlanwopö ˗kplawo. ˈˈTʋ̈ŋ ˈbha ˗nu ˈka kwa ꞊mɔɔn ˗bha ˈkwa ˗suʋ̈ mɛnbhɩɩdhe ˗nu ˗gɔ. Kwa ˗dho bɔ ˈwɔn suu ˈö bhë ˗a ˈgü ˗kɔ ˗kë ꞊dhɛ? ˈDhɛ ˈwo˗ pö bɔmɛn ˗nu ˗dhɛ ꞊dhɛ ˈwa ˗dho ˗zlanwopö, ˗kɔ ˈwo ꞊bhɛɛ ˗a ˈka ˗kwa kwa ˈˈtʋ̈ŋ kë ˗a ˈgü. ˈˈSuʋ̈ ˈti ˗an kë kö ˗wo ˈˈkan ˗zlanwopö ˗sü ˗bha, ˈpë ˈwo˗ ˗kë ꞊ʒiaan ˈnën ˗tɔ ˗wo ꞊bhɛɛ Zoova ˗dhɛ kö ˈwo˗ pö ˗zogbandhe ˈka. Zoova ˗to mü ˈö ˗an ˗bha bhɛɛwo ˗daakë. (Këw. 4:​18, 29, 31) ˈˈSuʋ̈ ˗ya ka kë mɛnbhɩɩdhe ˗nu ˗gɔ, ˗kaa pö Zoova ˗dhɛ ˗yö mɛn ˗nu ˗dhɔ ˈö ka ˈgü bhë ˗a ˗dadhiʋ̈, kë ˈˈdhʋ̈ kö nɔɔn˗ ˗së ˗pö ˗an ˗dhɛ ˗sü ˈˈsuʋ̈ ˈya ˗dho ka kë. w24.04 16 § 8-9.

Zoova ˗dhɔ ˈö kwa ˈgü bhë, ˗yö kwa ˗blü kö ˈkwa˗ ˈtɔ kë ˈˈslʋ̈ʋ̈slʋ̈. ˗A ˗gɛn ˈnën ˗tɔ ꞊dhɛ kwa˗ ˈˈpiʋ̈ kö ˈkwa˗ pö mɛn ˈˈwɛɛ ˗nu ˗dhɛ ꞊dhɛ ꞊suawɔn ˗nu ˈnën Sɔtraan ˗ya ꞊blɛɛ Zoova ˗bha. (ˈWun. 3:​1-5; Job 2:4; Zan 8:44) Kwa ˗zlanwopö ˗ni ˈgü, mɛn ˈˈpɛpɛ ˈwo wo ˈˈtʋ to kwa ˗bha bhë kwa mɛn ꞊dede ˈö Zoova ˈdhö˗ ˈka ˗a ˗zɔn ˗an ˗dhɛ. Kwa˗ ˈˈpiʋ̈ kö mɛn ˈˈpɛpɛ ˗wa ˈwɔn dɔ ꞊dhɛ ˗a ˗bha ˈˈklʋʋsë ˈkpii˗ ˈnën ˗tɔ ˗dhɔ, ˈö˗ ˗bha mɛn ꞊kɔɔnsü ˈdhö kpɛnŋdhö. ˗Ya ˈgo mü, ˗a ˈˈtʋ̈ŋ ˈyaa ꞊gblɛɛn ˈzü kö ˗a ˗bha ˗Gblüdëdhɛ ˗yö saanˈˈ ˈˈpɛpɛ bho kwa ˗bha, ˗yö mɛn ˗nu gba zuʋ̈waannusü waa zuʋ̈gblüdhi ˗an ˈka. (Ps. 37:​10, 11, 29; 1 Zn. 4:8) ˈWɔn ˗nu ˈwo bhë ˈkwa ˗an blɛɛˈˈ mɛn ˗nu ˗dhɛ kö kwa Zoova ˈtɔ kë ˗ni ˈgü ˈˈslʋ̈ʋ̈slʋ̈. ˗A ˗kë ˈˈdhʋ̈ ˗sü ˗yö kwa zuʋ̈ˈˈ ˈˈgblü ˗dhi ˈzü, ˈyö sü ꞊dhɛ pë ˈö Zoova ˗bha ꞊Gbɛkiö ˗nu dua ˈdhö ˗mu kö ˗wa kë, kwa˗ kë ˗ni ˈgü. w24.05 18 § 12.