Туррӑн тусӗсем усал ӗҫсем тӑвассинчен пӑрӑнаҫҫӗ

Сатана ҫынсене усал тума астарать. Кам Турӑ тусӗ пуласшӑн, унӑн Иегова мӗн кураймасть, ҫавна кураймалла мар (Псалом 96:10). Тӗслӗхрен, Турӑ тусӗсем ҫак ӗҫсене тӑвассинчен пӑрӑнаҫҫӗ:

Ясарлӑ пурнӑҫ. «Аскӑнланса ан ҫӳре» (Исход 20:14). Мӑшӑрланиччен арлӑх ҫыхӑнӑвӗсенче пулни те тӗрӗс мар (1 Коринф 6:18).

Ӗҫке ерни. «Ӗҫке ернисем... Турӑ патшалӑхне кӗреймӗҫ» (1 Коринф 6:10).

Ҫын вӗлерни, аборт. «Ан вӗлер» (Исход 20:13).

Вӑрлани. «Ан вӑрла» (Исход 20:15).

Суя. Иегова «суя чӗлхене» кураймасть (Притчи 6:17).

Пусмӑрлани тата хаяр ҫилӗ. «Усал ҫынна, пусмӑрлама юратакана [Иегова] кураймасть» (Псалом 10:5). «Ӳт ӗҫӗсем [шутне кӗрет]... ҫилӗ капланса килни» (Галатия 5:19, 20).

Азартлӑ вӑйӑсем. «Эпӗ сире... ҫӑткӑн... ҫынсемпе ан хутшӑнӑр... тесе ҫыртӑм» (1 Коринф 5:11).

Расӑсем е халӑхсем хушшинчи курайманлӑх. «Хӑвӑр тӑшманӑрсене юратма ан чарӑнӑр тата хӑвӑра хӗсӗрлекенсемшӗн кӗл тӑвӑр» (Матфей 5:43, 44).

Турӑ пире мӗн калани ырӑлӑх парать. Япӑх ӗҫсем тӑвассинчен пӑрӑнма яланах ҫӑмӑл мар. Иеговӑпа унӑн Свидетелӗсем пулӑшнипе эсӗ Турра кӳрентерекен ӗҫсенчен пӑрӑнма пултаратӑн (Исаия 48:17; Филиппы 4:13; Еврейсем 10:24, 25).