Библири сӑвӑ йӗркисене астуса юлма мӗн пулӑшӗ?

Сире хӑҫан та пулин хӑвӑра килӗшекен, хӑвӑра йӑпатма пултаракан, тӗрӗс мар шухӑшсемпе кӗрешме пулӑшакан тата кама та пулин кӑтартасшӑн пулнӑ сӑвӑ йӗркине е вӑл Библире ӑҫта вырнаҫнине аса илме йывӑр пулнӑ-и? (Пс. 118:11, 111). Айтӑр сӑвӑ йӗркисене астуса юлма пулӑшакан темиҫе канаша пӑхса тухар.

• JW Library^® приложенире тегсемпе усӑ курӑр. «Манӑн юратнӑ сӑвӑ йӗркисем» ятлӑ тегa тӑвӑр. Хӑвӑр астуса юлас тенӗ сӑвӑ йӗркисене ҫав тег ӑшне кӗртсе хурӑр.

• Сӑвӑ йӗркине курӑнмалли вырӑна вырнаҫтарӑр. Пӗрисем сӑвӑ йӗркине хут ҫине ҫыраҫҫӗ те ӑна куҫкӗски ҫине е холодильник ҫине ҫыпӑҫтарса хураҫҫӗ. Теприсем сӑвӑ йӗркине телефонпа ӳкерсе илеҫҫӗ те унран телефонӑн е компьютерӑн заставки тӑваҫҫӗ.

• Карточкӑсемпе усӑ курӑр. Карточкӑн пӗр енне Библири кӗнекен ятне, сыпӑкӑн тата сӑвӑ йӗркин номерне ҫырса хурӑр, тепӗр енне — сӑвӑ йӗркинче мӗн ҫырнине. Кайран карточкӑн пӗр енче мӗн ҫырнине пӑхӑр та тепӗр енче мӗн ҫырнине аса илме тӑрӑшӑр. Тепӗр майлӑ та туса пӑхӑр.