Лайӑхрах астуса юлас тесе ӳкерӗр

Пирӗн пурин те ҫакӑн пекки пулкаланӑ пуль: эпир мӗн те пулин тӗпчетпӗр, анчах кӑшт вӑхӑт иртсен веҫех манса каятпӑр. Иисус мӗне вӗрентнине аса илме вара йывӑрах мар. Мӗншӗн? Мӗншӗн тесен вӑл тӗслӗхсем илсе панӑ, ҫавна пула пуҫра тӗрлӗ-тӗрлӗ ӳкерчӗк тухса тӑрать. Пирӗн те мӗн тӗпченине куҫ умне кӑларса тӑратма тӑрӑшмалла. Ҫакна тума пире мӗн пулӑшӗ? Ӳкерни.

Кам мӗн те пулин ҫӗннине тӗпченӗ чухне ӳкерсе пырать, ҫавсем мӗн пӗлнине час-часах лайӑхрах астуса юлаҫҫӗ. Ӳкерни вӗсене сӑмахсене кӑна мар, шухӑшсене те лайӑхрах ӑнланма пулӑшать. Питӗ чаплӑ ӳкерчӗксем тума тӑрӑшмалла мар, ансат ӳкерни те ҫителӗклӗ. Ҫак меслет уйрӑмах ватӑ ҫынсемшӗн питӗ усӑллӑ.

Тепрехинче мӗн те пулин тӗпченӗ чухне мӗн пӗлнине ӳкерсе пӑхма тӑрӑшӑр. Хӑвӑр мӗн чухлӗ астуса юлни сире, тен, тӗлӗнтерӗ!