ДЕКАБРӖН 23—29

ПСАЛОМ 118:121—176

31-мӗш юрӑ тата кӗлӗ | Малтанхи сӑмахсем (1 мин.)

ТУРӐ СӐМАХӖНЧИ ХАКЛӐ ЧӐНЛӐХСЕМ

1. Кирлӗ мар ҫӗртенех йывӑрлӑхсем курас мар тесен мӗн тумалла?

(10 мин.)

Туррӑн заповечӗсене юратӑр (Пс 118:127; w18.06 17 с., 5, 6 абз.).

Усала курайми пулӑр (Пс 118:128; w93-U 4/15 17 с., 12 абз.).

Иеговӑна итлӗр, йывӑрлӑхсем патне илсе пыракан лару-тӑрусенчен пӑрӑнӑр (Пс 118:130, 133; Ыт 22:3).

Уҫса хунӑ Библи выртать, ун хыҫӗнче ылтӑн укҫасемпе ылтӑн катӑкӗсем.

ХӐВӐРТАН ЫЙТӐР: «Туррӑн заповечӗсене ытларах юратас тесен тата усала курайми пулас тесен манӑн мӗн-мӗн тумалла?»

2. Турӑ Сӑмахӗнче хаклӑ чӑнлӑхсем шыратпӑр

(10 мин.)

Пс 118:160. Ҫак сӑвӑ йӗрки тӑрӑх, пирӗн мӗн пирки иккӗленмелле мар? (w23.01 2 с., 2 абз.).

Манӑн хурав
Ку эрнере вуланӑ Библи сыпӑкӗсенче эсир мӗнле хаклӑ чӑнлӑхсем тупрӑр?

Манӑн хурав

3. Библи вулани

(4 мин.) Пс 118:121—152 (th 2 урок).

ЫРӐ ХЫПАР САРМА ВӖРЕНЕТПӖР

4. Калаҫу пуҫлӑр

(3 мин.) КИЛТЕН КИЛЕ ЫРӐ ХЫПАР САРАТПӐР (lmd 1 урок, 5 пункт).

5. Интереса аталантарӑр

(4 мин.) КИЛТЕН КИЛЕ ЫРӐ ХЫПАР САРАТПӐР. Ҫынна хӑйне интереслентерекен информацие jw.org сайтра мӗнле тупмаллине кӑтарт (lmd 8 урок, 3 пункт).

6. Вӗренекенсене хатӗрлӗр

(5 мин.) Пухусене сиктерекен вӗренекенпе калаҫни (lmd 12 урок, 4 пункт).

ХРИСТИАНСЕН ПУРНӐҪӖ

121-мӗш юрӑ

7. Сирӗн пурнӑҫра укҫа нихӑҫан та пӗрремӗш вырӑнта ан пултӑр

(15 мин.). Сӳтсе явни.

Кам укҫана юратма пуҫланӑ, ҫавсем «хӑйсене нумай хӗн-асап курмалла тунӑ» (1Тм 6:9, 10). Пурнӑҫра укҫа пӗрремӗш вырӑнта пулсан эпир мӗнле асапсем курма пултаратпӑр? Акӑ темиҫе тӗслӗх.

Эпир Иеговӑн ҫывӑх тусӗсем пулма пултараймӑпӑр (Мф 6:24).
Пирӗн кирек мӗн чухлӗ укҫа пулсан та, пире яланах сахал пулать (Ек 5:9).
Пире тӗрӗс мар ӗҫсенчен, сӑмахран, суйса улталассинчен, вӑрлассинчен тата сутӑнчӑкла хӑтланассинчен, пӑрӑнма йывӑртарах пулать (Ыт 28:20). Илӗртӳ хыҫҫӑн кайсан эпир ҫавӑншӑн хамӑра хамӑр айӑпласа ҫӳрӗпӗр, ырӑ ята ҫухатӑпӑр, Иегова та пире ырлама пӑрахӗ.