Кӗҫ-вӗҫ пурнӑҫ лайӑхланасси ҫинчен пурне те каласа парар!

Ноябрь уйӑхӗнче эпир кӗҫ-вӗҫ пурнӑҫ лайӑхланасси ҫинчен каласа парас тесе ытларах вӑй хурӑпӑр (Пс 36:10, 11; Ӳлӗм 21:3—5). Кампание туллин хутшӑнмашкӑн хӑвӑн графика улшӑнусем кӗрт. Эсӗ ҫак уйӑхра пулӑшакан пионер пулас тетӗн пулсан, сехетсен нормине суйласа илсе 30 е 50 сехет ырӑ хыпар сарма пултарӑн.

Ҫӗнӗ тӗнче ҫинчен калакан Библири сӑвӑ йӗркине суйласа ил те унта мӗн ҫырнине май ҫитнӗ таран ытларах ҫынна пӗлтерме тӑрӑш. Сӑвӑ йӗркине суйласа илнӗ чухне хӑв пурӑнакан вырӑнти ҫынсем мӗне ӗненнине шута ил. Ҫынпа пӗрремӗш хут калаҫнӑ чухне унӑн ытларах пӗлес кӑмӑл ҫуралчӗ пулсан, ӑна «Хурал башнине» (2021 2 №, выр.) сӗн. Вӑраха ямасӑр ҫынпа тепӗр хут тӗл пулса унпа «Ӗмӗр-ӗмӗр савӑнса пурӑнӑр!» брошюра тӑрӑх Библи вӗренме пуҫлама тӑрӑш. Лайӑх пуласлӑх пирки ырӑ хыпар сарни пире питӗ пысӑк савӑнӑҫ кӳрет (Ис 52:7).

«МЫ ЖДЁМ НОВЫЙ МИР» ЮРӐ-КӖВӖЛЛӖ ВИДЕОНА ПӐХ ТА ҪАК ЫЙТУСЕМ ҪИНЕ ХУРАВЛА:

• Пӗчӗк хӗрача мӗнле чаплӑ пуласлӑха куҫ умне кӑларса тӑратать?

• Эсӗ ҫӗнӗ тӗнчери хӑш пиллӗхсене уйрӑмах кӗтетӗн?

• Хамӑрӑн шанчӑк ҫинчен шухӑшлани сана ноябрьти кампание туллин хутшӑнма мӗнле пулӑшӗ? (Лк 6:45).