Чун-чӗререн хисеплени тата хамӑра тӗрӗс тытни мӑшӑра чӑнлӑха йышӑнма пулӑшать

Христианка пулса тӑнӑ арӑмсем хӑйсене тӗрӗс тытни час-часах упӑшкисене чӑнлӑха йышӑнма пулӑшать. Анчах та хӑш-пӗр чухне арӑмӗсем ҫакна нумай ҫул хушши кӗтеҫҫӗ, ҫавӑн чухне вӗсен тӗрлӗ йывӑрлӑх тӳсме тивет (1Пт 2:21—23; 3:1, 2). Упӑшку хӑйне санпа тӗрӗс мар тытать пулсан, усала ырӑпа тавӑрма ан чарӑн (Рм 12:21). Эс хӑвна тӗрӗс тытни упӑшку ҫине кирек мӗнле сӑмахран та вӑйлӑрах витӗм кӳме пултарать.

Лару-тӑру ҫине упӑшкун куҫӗпе пӑхма тӑрӑш (Фп 2:3, 4). Хӗрхенекен кӑмӑллӑ пул, хӑвна ун вырӑнне ларт, ӑна хисеплемелли ҫинчен ан ман тата хӑвӑн ҫемьери тивӗҫсене лайӑх туса тӑр. Итлеме пӗл (Иак 1:19). Тӳсӗмлӗ пул тата упӑшкуна сана юрататӑп тесе шантар. Упӑшку санпа хӑйне ыррӑн тата хисеплӗн тытмасть пулсан та, ан иккӗлен: Иегова эсӗ шанчӑклӑ пулнине курать тата сана хаклать (1Пт 2:19, 20).

«ИЕГОВА ПУЛӐШНИПЕ КИРЕК МӖНЛЕ ҪӖКЛЕМЕ ТЕ ЙӐТСА ҪӲРЕЕТПӖР» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• Грейс Ли качча кайсан, чи малтан унӑн пурнӑҫӗ мӗнлерех пулнӑ?

• Мӗншӗн вӑл Библири чӑнлӑха йышӑннӑ?

• Шыва кӗнӗ хыҫҫӑн сиксе тухнӑ йывӑрлӑхсене тӳсме Грейса мӗн пулӑшнӑ?

• Вӑл хӑйӗн упӑшки пирки кӗлӗре мӗн каланӑ?

• Упӑшкине чун-чӗререн хисеплени тата хӑйне тӗрӗс тытни Грейса мӗнле усӑ панӑ?