Хӑв тӗллӗн Библи вӗренни нумайрах усӑ патӑр тесе тӑрӑш

МӖНШӖН ҪАКӐ ПИТӖ КИРЛӖ? Хамӑр тӗллӗн Библи тӗпченине пула эпир чӑнлӑхӑн «сарлакӑшӗпе тӑршшӗ, тарӑнӑшӗпе ҫӳллӗшӗ мӗн иккенне пӗлсе» ҫитетпӗр (Эф 3:18, 19). Унсӑр пуҫне, тӗпчени пире ҫак усал тӗнчере таса, айӑпсӑр пулма тата «пурӑнӑҫ сӑмахне» ҫирӗп тытса пурӑнма пулӑшӗ (Фп 2:15, 16). Хамӑр тӗллӗн вӗреннӗ чухне эпир хамӑра интереслентерекен ыйтусене тӗпчеме пултаратпӑр. Библи вулани тата вӗренни ытларах усӑ патӑр тесе мӗн тума пулать?

ҪАКНА МӖНЛЕ ТУМАЛЛА?

• Тӗпчемелли Библи (пичетленӗ е электронлӑ) ҫинче сӑвӑ йӗркисене палӑртса шухӑшсене ҫырса хур.

• Библи вуланӑ чухне хӑвна ҫапла ыйтусем пар: кам? мӗн? хӑҫан? ӑҫта? мӗншӗн? мӗнле?

• Мӗнпур хатӗрсемпе усӑ курса тӗпче. Темӑпа е сӑвӑ йӗркисемпе ҫыхӑннӑ информацие шыра.

• Вуланипе пурнӑҫра мӗнле усӑ курмалли пирки шухӑшла.

• Мӗн пӗлнипе пурнӑҫра усӑ кур (Лк 6:47, 48).

«ТУРӐ СӐМАХНЕ ҪИРӖП ТЫТСА ТӐМАШКӐН ӐНА ТӐРӐШСА ТӖПЧӖР» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• Тӑвансем хӑйсем тӗллӗн Библи вӗренни ҫинчен мӗн калаҫҫӗ?

• Мӗншӗн Библи тӗпчеме ларсан кашнинчех малтан кӗлтумалла?

• Библири сӑвӑ йӗркисене лайӑхрах ӑнланас тесен мӗн тумалла?

• Тӗпчемелли Библи ҫинче мӗн ҫырса хума пулать?

• Мӗншӗн мӗн вулани ҫинчен шухӑшламалла?

• Мӗн пӗлнипе мӗнле усӑ курмалла?