Ырӑ хыпар сарас ӑсталӑха лайӑхлататпӑр. Библи вӗренекенсене хӑйсен пурнӑҫне Турра халаллама тата шыва кӗме пулӑшатпӑр

ҪАКӐ МӖНШӖН ПИТӖ КИРЛӖ: Иеговӑна юрӑхлӑ пулас тесен Библи вӗренекенсен хӑйсен пурнӑҫне Турра халалламалла тата шыва кӗмелле (1Пт 3:21). Кам Турра халалланипе килӗшӳллӗ пурӑнать, ҫавсен хӑйсемпе Турӑ хушшинчи ҫывӑх хутшӑнусем пур (Пс 90:1, 2). Христианин хӑйӗн пурнӑҫне пӗр-пӗр ҫынна, ӗҫе е организацие мар, Иеговӑна халаллать. Ҫавӑнпа Библи вӗренекенсен Турра юратма тата ӑна пархатарлӑ пулма вӗренсе пымалла (Рм 14:7, 8).

ҪАКНА МӖНЛЕ ТУМАЛЛА:

• Вӗрентнӗ чухне вӗренекенрен вӑл Иегова ҫинчен мӗн ҫӗнни пӗлнине ыйтса пӗлӗр. Кашни кун Библи вулани тата яланах Иеговӑна кӗлтуни питӗ кирлӗ пулнине палӑртӑр (1Фс 5:17; Иак 4:8).

• Вӗренекене хӑйӗн пурнӑҫне Турра халаллама тата шыва кӗме хавхалантарӑр. Ҫавӑн пекех ӑна пӗчӗк тӗллевсене пурнӑҫлама, сӑмахран, пухӑвӑн тӗлпулӑвӗсенче хуравсем пама тата кӳршӗсене, пӗрле ӗҫлекенсене ырӑ хыпар пӗлтерме пулӑшӑр. Асра тытӑр: Иегова хӑйӗншӗн никама та вӑйпа ӗҫлеттересшӗн мар. Пурнӑҫа Турра халалласси вӑл — кашни хӑй тӗллӗн тумалли йышӑну (Сак аст 30:19, 20).

• Иеговӑна савӑнтарас тесе тата шыва кӗме юрӑхлӑ пулас тесе Библи вӗренекене кирлӗ улшӑнусем тума хавхалантарӑр (Ыт 27:11). Характерӑн хӑш-пӗр енӗсене тата йӑласене улӑштарма йывӑр пулма пултарать, ҫавӑнпа вӗренекене «авалхи этемӗн ӗлӗкхи пурӑнӑҫ йӗркине пӑрахса... ҫӗнӗ ҫын» пулса тӑма, тен, пулӑшу кирлӗ пулӗ (Эф 4:22—24, ҪС). Унпа «Библи пурнӑҫа улӑштарать» ярӑмри статьясене сӳтсе явӑр.

• Иеговӑшӑн ӗҫлени сире мӗнле савӑнӑҫ пани ҫинчен ӑна каласа парӑр (Ис 48:17, 18).