«Ан хӑра»
1. Эпир те, Иеремия пекех, мӗнле йывӑрлӑхсемпе тӗл пулма пултаратпӑр?
1 Хӑйне пророк пулма суйласа лартсан Иеремия ҫак ӗҫе тума пултараймастӑп тесе шухӑшланӑ. Анчах та Иегова ӑна: «Ан хӑра»,— тесе шантарса каланӑ — ҫак ӗҫе тума тӗреклентернӗ (Иер. 1:6—10). Вӑтанни тата манран пулмасть тесе шухӑшлани ырӑ хыпар сарас ӗҫе хутшӑнасси ҫине витӗм кӳме пултарать. Ҫынсем ырӑ хыпара мӗнле йышӑнӗҫ-ши е пирӗн ҫине мӗнле пӑхӗҫ-ши тесе хӑш-пӗр чухне хӑраса шухӑшлатпӑр пулсан, ҫакӑ та ырӑ хыпар сарнӑ чухне чӑрмавсем кӑларса тӑратма пултарать. Ҫакӑн пек шухӑш-туйӑма эпир мӗнле сирсе яма пултаратпӑр тата ҫакӑ мӗнле пиллӗхсем парать?
2. Ырӑ хыпар сарас умӗн хӑранине чакарас тесен хатӗрленни мӗнле пулӑшать?
2 Маларах хатӗрлен. Лайӑх хатӗрленсен сахалрах хӑратпӑр. Сӑмахран, мӗнле хирӗҫлесе каланисене пула калаҫу татӑлма пултарни ҫинчен маларах шухӑшлатпӑр пулсан, ҫавӑн евӗрлӗ хирӗҫленисене сирсе яма пултаратпӑр (Ытар. 15:28). Шкулта е ырӑ хыпар сарнӑ чухне тӗл пулма пултаракан ситуацисене ҫемьепе пӗрле Турра пуҫҫапмалли каҫра мӗншӗн репетици туса пӑхас мар? (1 Пет. 3:15).
3. Иеговӑна шанни хӑранине ирттерсе яма мӗнле пулӑшать?
3 Иеговӑна шан. Иеговӑна шанни хӑранине ирттерсе яма пулӑшать. Иегова пире пулӑшу пама сӑмах парать (Ис. 41:10—13). Вӑл паракан хӳтлӗхрен шанчӑклӑраххи пулма пултарать-и вара? Унсӑр пуҫне, Туррӑн сывлӑшӗ пире кӗтмен ҫӗртен сиксе тухакан лару-тӑрура лайӑх свидетельство пама пулӑшать тесе Иисус шантарса каланӑ (Марк 13:11). Ҫавӑнпа та Иеговӑна кӗлӗ тунӑ чухне яланах святой сывлӑш ыйт (Лука 11:13).
4. Сӑваплӑ ӗҫе тӳсӗмлӗхпе туса тӑни мӗнле пиллӗхсем парать?
4 Пиллӗхсем. Эпир йывӑрлӑхсене пӑхмасӑрах тӳсӗмлӗ пулса ырӑ хыпар саратпӑр пулсан, пулас йывӑрлӑхсене ҫӗнтерме хатӗр пулатпӑр. Святой сывлӑшпа хӑватлӑланнӑ ҫынсем пекех, эпир те ҫирӗп тата хӑюллӑ пулма вӗренетпӗр (Апост. ӗҫ. 4:31). Унтан та ытларах, хӑранине Иегова пулӑшнипе ҫӗнтерсе пынӑ май эпир Иегова «пирӗн ҫӑлӑнӑҫӑмӑр» пулнине тата ытларах ӗненсе, шанса пыратпӑр (Ис. 33:2). Ҫавӑн пекех, пирӗн ӗҫсем Ҫӳлти Аттемӗре юрӑхлӑ пулнине ӑнланни пире савӑнтарать тата кӑмӑла тултарать (1 Пет. 4:13, 14). Ҫавӑнпа та Иегова пулӑшасса ҫирӗп шанса, ырӑ хыпара хӑюлӑхпа айтӑр пӗлтерсе ҫӳрер!