Кам вӑл Турӑ?
Ҫынсем нумайӑшӗ Турра ӗненетпӗр теҫҫӗ, анчах та кам вӑл Турӑ тесе ыйтсан тӗрлӗрен хуравлаҫҫӗ. Пӗрисем Турӑ вӑл — ҫынсене йӑнӑшсемшӗн айӑплама сӑлтав шыракан хаяр судья теҫҫӗ. Теприсем каланӑ тӑрӑх, ҫынсем кирек мӗн тусан та Турӑ вӗсене юратать тата каҫарать. Виҫҫӗмӗшсем Турӑ пирӗнпе пач та интересленмест теҫҫӗ. Ҫынсем ҫапла тӗрлӗрен каланӑран нумайӑшӗ Турӑ ҫинчен чӑнлӑха пӗлме май ҫук теҫҫӗ.
Турӑ кам иккенне пӗлмелле-и? Пӗлмелле. Ҫакна пӗлни пирӗн пурнӑҫа тӗллевлӗ тӑвать (Апостолсен ӗҫӗсем 17:26—28). Турӑ патне ҫывхарса пынӑҫемӗн вӑл сире хытӑрах юратӗ тата ытларах пулӑшса тӑрӗ (Иаков 4:8). Унсӑр пуҫне, Турӑ ҫинчен тӗрӗс пӗлӳ илсен пирӗн ӗмӗр-ӗмӗр пурӑнма май уҫӑлать (Иоанн 17:3).
Турӑ ҫинчен мӗнле пӗлме пулать? Хӑвӑр лайӑх пӗлекен ҫын ҫинчен, тӗслӗхрен, ҫывӑх тусу ҫинчен, шутласа пӑхӑр. Эсир туссем мӗнле пулса тӑтӑр? Эсир унӑн ятне, вӑл мӗнлерех ҫын пулнине, мӗне юратнине, мӗн ӗҫпе ӗҫленине тата пуласлӑхра мӗн тума шутланине пӗлтӗр пулӗ. Унпа ҫывӑхрах паллашнӑран вӑл сирӗн тусу пулса тӑчӗ.
Турӑпа та ҫывӑхрах паллашма пулать. Айтӑр ҫак ыйтусене сӳтсе явар:
ТУРӐ МӖН ЯТЛӐ?
ВӐЛ МӖНЛЕРЕХ ТУРӐ?
ТУРӐ ПИРӖН ВАЛЛИ МӖН ТУНӐ?
ВӐЛ ПУЛАСЛӐХРА МӖН ТӐВӖ?
ТУРӐ ҪИНЧЕН ПӖЛНИ СИРЕ МӖНЛЕ УСӐ ПАМА ПУЛТАРАТЬ?
Ҫак кӑларӑмӑн тӗллевӗ — ку ыйтусем ҫине Библи мӗнле хуравланине кӑтартасси. Тепӗр статьясенчен эсир Турӑ кам иккенне кӑна мар, унпа туслашни сире мӗнле усӑ панине те пӗлӗр.