Санӑн Турӑ ҫинчен пӗлмелле

Турӑ тусӗ пулас тесессӗн, санӑн ун ҫинчен пӗлмелле. Санӑн тусусем санӑн ятна пӗлеҫҫӗ-и тата вӗсем сана ятран чӗнеҫҫӗ-и? Паллах. Турӑ та сана хӑйӗн ятне пӗлтересшӗн тата хӑйне ятран чӗнтересшӗн. Туррӑн ячӗ — Иегова (Исход 15:3; Матфей 6:9). Ҫитменнине тата санӑн ӑна мӗн килӗшнине тата мӗн килӗшменнине пӗлмелле. Санӑн кам унӑн тусӗсемпе тӑшманӗсем пулнине пӗлмелле. Кама та пулсан пӗлсе ҫитме вӑхӑт кирлӗ. Иеговӑпа паллашас тесе вӑхӑт уйӑрса хуни тӗрӗс тесе калать Библи (Ефес 5:15, 16).

Туррӑн тусӗсем вӑл мӗн кӑмӑлланине тӑваҫҫӗ. Хӑвӑн тусусем пирки шутласа пӑх-ха. Эсӗ хӑвна тусусемпе япӑх тытатӑн пулсан тата вӗсем мӗн чӑтма пултарайманнине тӑватӑн пулсан, вӗсем санӑн тусусемех пулса юлаҫҫӗ-ши? Паллах, ҫук! Эсӗ те Турӑ тусӗ пулас тетӗн пулсан, санӑн ҫавӑн пекех вӑл мӗн кӑмӑлланине тумалла (Иоанн 4:24).

Пур тӗн те Турӑпа туслӑ пулма памасть. Иисус — Туррӑн чи ҫывӑх тусӗ — икӗ ҫул ҫинчен каланӑ. Пӗр ҫулӗ — аслӑ, ун ҫинче вара нумай ҫын. Ҫак ҫул вилӗм патне илсе пырать. Тепӗр ҫулӗ — ансӑр, ун тӑрӑх вара сахаллӑн кӑна пыраҫҫӗ. Ҫак ҫул ӗмӗрлӗх пурнӑҫ патне илсе пырать. Ҫакӑ вара, эсӗ Турӑпа туслӑх тупас тетӗн пулсан, санӑн ӑна мӗнле тӗрӗс пуҫҫапмаллине тем тесен те пӗлмеллине пӗлтерет (Матфей 7:13, 14).