Jehovah’ Ni Adingin A Kigingsa-in Om Un

1. Jehovah’ ni-ah i suahtak nadingin bang i sep ding kisam a hiam?

ကျမ်းစာမှာ “ယေဟောဝါရဲ့ နေ့” လို့ ပြောတဲ့အခါ ရန်သူတွေကို တရားစီရင်ပြီး မိမိလူမျိုးကို ကယ်လွှတ်​ပေးတဲ့ အချိန်ကို ဆိုလိုတယ်။ အတိတ်​တုန်းက ယေဟောဝါ အဲဒီလို တရားစီရင်​ခဲ့​တဲ့ အချိန်တွေ ရှိတယ်။ (ဟေရှာ. ၁၃:၁၊ ၆။ ယေဇ. ၁၃:၅။ ဇေ. ၁:၈) ကျွန်တော်တို့​ခေတ်မှာလည်း “ယေဟောဝါရဲ့ နေ့” ဟာ မဟာဗာဗုလုန် ဖျက်ဆီး​ခံရခြင်း​နဲ့ စတင်ပြီး အာမဂေဒုန် စစ်ပွဲ​မှာ အဆုံးသတ်​မယ်။ အဲဒီ “နေ့” မှာ လွတ်မြောက်ဖို့ အခုကတည်းက ကျွန်တော်တို့ ပြင်ဆင်ထားရမယ်။ “ကြီးစွာသောဒုက္ခ” အတွက် အသင့်ပြင်ထားရုံ မဟုတ်ဘဲ “အသင့်ရှိ​နေ​ကြ” ဖို့ ယေရှု သင်ပေးတယ်။ တောက်လျှောက် အသင့်ရှိ​နေဖို့ ပြောနေတာ။—မ. ၂၄:၂၁။ လု. ၁၂:၄၀။

2. Thesalonika Masa laibu pan hamphatna bang hangin ngah thei i hiam?

^၂ ယေဟောဝါရဲ့ တရားစီရင်​ရာ နေ့ကြီး​အတွက် ခရစ်ယာန်တွေ အ​သင့်​ဖြစ်နေအောင် ကူညီပေးဖို့ ခိုင်းနှိုင်းချက် အများကြီးကို သက်သာလောနိတ် ပထမစောင်​မှာ တမန်တော် ပေါလု သုံးထားတယ်။ သူတို့​ခေတ်မှာ ယေဟောဝါရဲ့ နေ့ ရောက်လာမှာ မဟုတ်မှန်း ပေါလု သိတယ်။ (၂ သက်. ၂:၁-၃) ဒါပေမဲ့ မနက်ဖြန်​ပဲ ရောက်လာတော့​မယ့် ပုံစံမျိုးနဲ့ ပြင်ဆင်ထား​ကြ​ဖို့ ညီအစ်ကို/မတွေကို တိုက်တွန်း​ထားတယ်။ ဒီ​တိုက်တွန်းချက်​က ကျွန်တော်တို့နဲ့လည်း သက်ဆိုင်တယ်။ (၁) ယေဟောဝါရဲ့ နေ့ ဘယ်လို ရောက်လာမလဲ၊ (၂) အဲဒီနေ့မှာ ဘယ်သူတွေ မလွတ်မြောက်ဘူးလဲ၊ (၃) လွတ်မြောက်ဖို့ ဘယ်လို ပြင်ဆင်ထား​နိုင်သလဲ​ဆိုတာနဲ့ပတ်သက်ပြီး ပေါလုရဲ့ ရှင်းပြချက်ကို လေ့လာ​ကြည့်ရအောင်။

JEHOVAH’ NI KOI BANGIN HONG TUNG DING A HIAM?

3. Jehovah’ ni pen koi bang danin zan a gutate bangin hong tung ding a hiam? (Lim zong en in.)

^၃ “ည​အချိန်မှာ သူခိုး လာ​သ​လို။” (၁ သက်. ၅:၂) ဒါဟာ ယေဟောဝါရဲ့ နေ့ ဘယ်လို ရောက်လာမယ်​ဆိုတာ ဖော်ပြတဲ့ ခိုင်းနှိုင်းချက် သုံးခု​ထဲက ပထမ​တစ်ခု​ပါ။ သူခိုး​တွေ​ဟာ လူတွေ အငိုက်မှာ မှောင်ရိပ် ခို​ပြီး လှုပ်ရှား​တတ်​ကြတယ်။ အဲဒီလိုပဲ ယေဟောဝါရဲ့ နေ့ ရုတ်တရက် ရောက်လာလို့ လူအများစု အံ့ဩ​သွား​ကြ​မယ်။ အဖြစ်အပျက်တွေ မြန်ဆန်​လွန်းလို့ ခရစ်ယာန်​စစ်​တွေ​တောင် အံ့ဩ​သွား​ရနိုင်တယ်။ ဒါပေမဲ့ ဆိုးညစ်သူတွေလိုတော့ ဖျက်ဆီး​ခံရ​မှာ မဟုတ်ဘူး။

4. Jehovah’ ni pen nausuak natna tawh koici kibang ding a hiam?

^၄ “ကိုယ်ဝန်ဆောင် မိန်းမ​က သားဖွား​ဝေဒနာ ရုတ်တရက် ခံစားရ​သ​လို။” (၁ သက်. ၅:၃) ကိုယ်ဝန်ဆောင် မိခင်​ဟာ ဘယ်အချိန် သားဖွား​ဝေဒနာ စ​ခံစားရမယ်ဆိုတာ အတိအကျ မသိဘူး။ ခံကို ခံရမယ်​ဆိုတာတော့ သိတယ်။ သားဖွား​ဝေဒနာ​ဟာ စပြီ​ဆိုရင် ရုတ်တရက် စတယ်။ နာကျင်တယ်။ သားဖွား​ဖြစ်စဉ် တစ်ခု​ပြီး တစ်ခု ဆက်တိုက် လိုက်လာတယ်။ အဲဒီလိုပဲ ယေဟောဝါရဲ့ နေ့ စ​မယ့် နေ့နဲ့ အချိန်ကို ကျွန်တော်တို့ မသိကြဘူး။ ဒါပေမဲ့ ရောက်ကို ရောက်လာမယ်၊ ဆိုးညစ်သူတွေ​အပေါ် တရားစီရင်ခြင်း​ဘေး ရုတ်တရက် ကျရောက်မယ်၊ ဘယ်နည်းနဲ့​မှ သူတို့ လွတ်မြောက်​မှာ မဟုတ်ဘူးဆိုတာ ကျွန်တော်တို့ သေချာပေါက် သိကြတယ်။

5. Gimna lianpi pen zingsang khuavak tawh koici kibang a hiam?

^၅ အရုဏ်ဦး​လို။ တတိယ ခိုင်းနှိုင်းချက်​မှာ​လည်း ည​အချိန် သူခိုး ခိုးတဲ့​အကြောင်း ပေါလု ထပ်​ဖော်ပြတယ်။ ဒီ​တစ်​ခေါက်တော့ ယေဟောဝါရဲ့ နေ့ကို အရုဏ်​ဦး​နဲ့ ခိုင်းနှိုင်းထား​ပုံ​ပဲ။ (၁ သက်. ၅:၄) သူခိုး​တွေ​ဟာ ည​အချိန် ခိုးရင်း အချိန် ကုန်​မှန်း မသိ ဖြစ်​သွား​လို့ အရုဏ်​တက်ချိန်​မှာ လူ​မိ​ပြီး ပေါ်​သွား​တတ်​ကြတယ်။ အဲဒီလိုပဲ ဘုရား မကြိုက်တာ​တွေ တောက်လျှောက် လုပ်ရင်း အမှောင်​ထဲ​မှာ ကျင်လည်​နေ​သူ​တွေ၊ သူခိုး​လို လူတွေဟာ ကြီးစွာသောဒုက္ခ ရောက်တဲ့အခါ ဘူး​ပေါ်​သ​လို ပေါ်လာ​ကြလိမ့်မယ်။ ကျွန်တော်တို့ကတော့ ယေဟောဝါ မကြိုက်တာ​တွေ ရှောင်​နေမယ်၊ ‘ကောင်းမြတ်ခြင်း​အမျိုးမျိုး၊ ဖြောင့်မတ်ခြင်း၊ အမှန်တရား’ နဲ့ ဆိုင်တဲ့ အကျင့်​တွေ ကျင့်​နေမယ်​ဆိုရင် အ​သင့်​ဖြစ်နိုင်တယ်။ (ဧ. ၅:၈-၁၂) ယေဟောဝါရဲ့ နေ့မှာ မလွတ်မြောက်မယ့်​သူ​တွေ​အကြောင်း ဖော်ပြဖို့ နောက်ထပ် ခိုင်းနှိုင်းချက် နှစ်ခု ပေါလု သုံး​ထား​သေးတယ်။

JEHOVAH’ NI-AH KUATE SUAKTA LO DING A HIAM?

6. Mi a tamzawte koi bang danin ihmu uh a hiam? (1 Thesalonika 5:6, 7)

^၆ “အိပ်​တဲ့သူ​တွေ။” (၁ သက်သာလောနိတ် ၅:၆၊ ၇ ကို ဖတ်ပါ။) ယေဟောဝါရဲ့ နေ့မှာ မလွတ်မြောက်မယ့်​သူတွေကို အိပ်ပျော်နေသူတွေနဲ့ ပေါလု ခိုင်းနှိုင်းထားတယ်။ အိပ်ပျော်နေသူ​ဟာ ပတ်ဝန်းကျင်ကို​ကော အချိန်ကို​ပါ သတိမမူ​မိ​လို့ ဘာတွေ ထူးသလဲ၊ ဘာလုပ်ရမလဲ မသိကြဘူး။ ဒီနေ့ခေတ် လူအများစုဟာ အိပ်မောကျ​နေ​သူ​တွေ​နဲ့ တူတယ်။ (ရော. ၁၁:၈) “နောက်ဆုံး​ကာလ” ရောက်နေပြီ၊ ကြီးစွာသောဒုက္ခ မကြာခင် ရောက်လာတော့မယ်​ဆိုတဲ့ အထောက်အထားတွေကို မသိကျိုးကျွန် ပြုထားကြတယ်။ တချို့က ကမ္ဘာ့​အပြောင်းအလဲကြီးတွေ​ကြောင့် နိုးလာပြီး နိုင်ငံတော်​သတင်း စိတ်​ဝင်စား​လာကြတယ်။ ဒါပေမဲ့ ဆက်​နိုးကြား​မနေ​ဘဲ ပြန်​အိပ်ပျော်​သွားကြတာ များတယ်။ တချို့ကျတော့ တရားစီရင်​ရာ​နေ့ ရောက်လာမယ်​ဆိုတာ ယုံပေမဲ့ လိုပါသေးတယ်​လို့ ထင်​နေကြတယ်။ (၂ ပေ. ၃:၃၊ ၄) ဒါပေမဲ့ တစ်ရက်ပြီး တစ်ရက် ကုန်​သွား​တိုင်း နိုးနိုးကြားကြား ရှိနေဖို့ ပိုအရေးကြီးလာတယ်​ဆိုတာ ကျွန်တော်တို့ အသိအမှတ်ပြုကြတယ်။

7. Pasian’ hehna a thuak ding mite pen koi bang danin zukhamte tawh kibang uh a hiam?

^၇ “မူးယစ်​တဲ့သူ​တွေ။” ဘုရား​အမျက်တော် သင့်​မယ့်​သူတွေကို မူးယစ်​တဲ့သူ​တွေ​နဲ့ ပေါလု ခိုင်းနှိုင်းထားတယ်။ အရက်​မူးနေသူတွေဟာ တုံ့ပြန်မှု နှေးကွေး​ကြတယ်။ အမှားမှားအယွင်းယွင်း ဆုံးဖြတ်​မိ​တတ်​ကြတယ်။ အဲဒီလိုပဲ ဆိုးညစ်သူတွေ​ဟာ ဘုရား သတိပေးနေပါလျက်နဲ့ ပြောင်းလဲစရာ ရှိတာ မပြောင်းလဲ​ကြ​ဘူး။ ပျက်စီး​ရာ ပျက်စီး​ကြောင်း လမ်း​ပဲ ရွေး​ကြတယ်။ ခရစ်ယာန်တွေကတော့ သတိရှိဖို့၊ အသိကပ်ဖို့ အားပေး​ခံရ​ကြတယ်။ (၁ သက်. ၅:၆) အသိကပ်တယ်ဆိုတာ “ကိစ္စရပ်တွေကို တည်တည်ငြိမ်ငြိမ်၊ အေးအေးဆေးဆေး ချင့်ချိန်​အကဲဖြတ်​ပြီး ဆုံးဖြတ်ချက်​အမှန် ချ​နိုင်​ခြင်း” ဖြစ်တယ်လို့ ကျမ်းပညာရှင်​တစ်ယောက် ပြောတယ်။ ကျွန်တော်တို့ ဘာကြောင့် တည်တည်ငြိမ်ငြိမ်၊ အေးအေးဆေးဆေး ရှိဖို့ လိုသလဲ။ လောက နိုင်ငံရေး၊ လူမှုရေး ကိစ္စတွေမှာ ဝင်​မ​ပါ​မိ​ဖို့​ပါ။ ယေဟောဝါရဲ့ နေ့ နီးလာတာနဲ့အမျှ အဲဒီကိစ္စတွေမှာ ဝင်ပါ​မိ​ဖို့ ဖိအား ပိုများလာမယ်။ ဘယ်လို တုံ့ပြန်​ရမလဲ​ဆိုတာ တွေးပူ​စရာတော့ မလိုပါဘူး။ တည်ငြိမ်​အေးဆေး နေဖို့၊ မှန်မှန်ကန်ကန် ဆုံးဖြတ်နိုင်ဖို့ စွမ်းအားတော် ကူညီပေးနိုင်တယ်။—လု. ၁၂:၁၁၊ ၁၂။

JEHOVAH’ NI-AH SUAHTAK NADINGIN KOICI KIGINGKHOL THEI I HIAM?

8. Thesalonika Masa 5:8 ah khua phawkin pilvang taka om theih nadinga hong huh ding pianziate tawh kisai bangci gen a hiam? (Lim zong en in.)

^၈ ‘ရင်အုပ်တန်ဆာ ဝတ်ဆင်​ထားပါ။ သံခမောက် ဆောင်းထား​ပါ။’ နိုးနိုးကြားကြား ရှိနေပြီး တိုက်ပွဲဝင်ဖို့ အ​သင့်​ဖြစ်နေတဲ့ စစ်သားနဲ့ ကျွန်တော်တို့ကို ပေါလု ခိုင်းနှိုင်းထားတယ်။ (၁ သက်သာလောနိတ် ၅:၈ ကို ဖတ်ပါ။) ရှေ့တန်း ရောက်နေတဲ့ စစ်သားဟာ တိုက်ပွဲ​အတွက် အချိန်ပြည့် အ​သင့်​ဖြစ်​နေ​ရတယ်။ ကျွန်တော်တို့လည်း ယုံကြည်ခြင်းနဲ့ ချစ်ခြင်း​ကို ရင်အုပ်တန်ဆာ​လို ဝတ်ဆင်​ထားပြီး မျှော်လင့်ချက်ကို သံခမောက်​လို ဆောင်းထား​ခြင်းအားဖြင့် ယေဟောဝါရဲ့ နေ့​အတွက် အသင့်ဖြစ်နေကြ​တယ်။ ဒီ​အရည်အသွေးတွေ​က တကယ် အကျိုးရှိတယ်။

9. Upna in koi bangin hong dal a hiam?

^၉ ရင်အုပ်တန်ဆာ​က စစ်သားရဲ့ နှလုံးကို ကာကွယ်ပေးသလို ယုံကြည်ခြင်းနဲ့ ချစ်ခြင်းက ကျွန်တော်တို့ရဲ့ စိတ်နှလုံးကို ကာကွယ်ပေးတယ်။ ယေဟောဝါကို ဆက်​ဝတ်ပြု​နေဖို့၊ ယေရှုနောက် ဆက်​လိုက်ဖို့ ကူညီပေးတယ်။ ယုံကြည်ခြင်းက ယေဟောဝါကို စိတ်နှလုံး အကြွင်းမဲ့ ရှာဖွေသူ​တွေ ဆုချ​ခံရမယ်ဆိုတာ စိတ်ချစေတယ်။ (ဟီ. ၁၁:၆) အခက်အခဲတွေ ကြုံရရင်တောင် ခေါင်းဆောင် ယေရှုကို ဆက်သစ္စာရှိနေဖို့ လှုံ့ဆော်ပေးတယ်။ ယုံကြည်ခြင်း တိုးများအောင် ဘာတွေ လုပ်နိုင်သလဲ။ နှိပ်စက်ညှဉ်းပန်းမှု၊ စီးပွားရေး အခက်အခဲတွေ ရှိပေမဲ့ သမာဓိ စောင့်ထိန်းတဲ့ ခေတ်သစ် စံနမူနာရှင်တွေ​အကြောင်း လေ့လာ​နိုင်တယ်။ နိုင်ငံတော် အကျိုး​စီးပွား​ကို ဦးစားထားဖို့ ဘဝကို ရိုးရှင်း​စေ​သူတွေကို အတုယူနိုင်တယ်။ ဒါဆိုရင် ရုပ်ဝါဒ ထောင်ချောက်ကို ရှောင်နိုင်​ပါလိမ့်မယ်။b

10. Pasian le mite i itna in taangko nasepna-ah thuakzawhna nei dingin koi bangin hong huh a hiam?

^၁၀ နိုးနိုးကြားကြား သတိရှိနေဖို့ မေတ္တာကလည်း ကူညီပေးတယ်။ (မ. ၂၂:၃၇-၃၉) ဟောပြောလို့ အခက်အခဲတွေ ကြုံရရင်တောင် ဘုရားကို ချစ်တဲ့ မေတ္တာက ခံနိုင်ရည် ရှိစေတယ်။ (၂ တိ. ၁:၇၊ ၈) ကိုယ်​နဲ့ ယုံကြည်ခြင်း မတူတဲ့​သူတွေကို​လည်း ကျွန်တော်တို့ ချစ်ကြတယ်။ တစ်နေ့၊ သူတို့ ပြောင်းလဲ​လာပြီး မှန်ရာ လုပ်မယ်​ဆိုတဲ့ မျှော်လင့်ချက်​နဲ့ ဆက်ဟောပြောကြတယ်။ ဖုန်းဆက်၊ စာရေး သက်သေခံ​ကြတယ်။—ယေဇ. ၁၈:၂၇၊ ၂၈။

11. Unaute i itna in koi bangin hong huh a hiam? (1 Thesalonika 5:11)

^၁၁ ညီအစ်ကို/မတွေကိုလည်း ကျွန်တော်တို့ ချစ်ကြတယ်။ “အချင်းချင်း ဆက်ပြီး နှစ်သိမ့်​အားပေး” ခြင်းအားဖြင့် ချစ်ကြောင်း ပြကြတယ်။ (၁ သက်သာလောနိတ် ၅:၁၁ ကို ဖတ်ပါ။) အတူတူ တိုက်ပွဲဝင်တဲ့ စစ်သားတွေ​လို အချင်းချင်း အားပေးကြတယ်။ စစ်သား​တစ်ယောက်ဟာ တိုက်ပွဲ​မှာ ဇောကပ်နေလို့ ကိုယ့်​ရဲဘော်ရဲဘက် မတော်တဆ ဒဏ်ရာ ရအောင် လုပ်မိ​သွားနိုင်တယ်။ တမင်သက်သက်တော့ လုပ်မှာ မဟုတ်ဘူး။ ကျွန်တော်တို့လည်း ညီအစ်ကို/မတွေ ထိခိုက်အောင် သိသိကြီးနဲ့ မလုပ်ကြဘူး။ ကိုယ့်ကို ထိခိုက်လာတဲ့အခါ လက်တုံ့မပြန်​ကြ​ဘူး။ (၁ သက်. ၅:၁၃၊ ၁၅) အသင်းတော်မှာ ဦးဆောင်နေတဲ့ ညီအစ်ကိုတွေကို လေးစားခြင်းအားဖြင့်လည်း မေတ္တာ ပြကြတယ်။ (၁ သက်. ၅:၁၂) သက်သာလောနိတ် အသင်းတော်ဆီ ပေါလု ဒီ​စာရေးတုန်းက အသင်းတော် တည်ထောင်​တာ တစ်နှစ် မပြည့်သေး​ဘူး။ ဒါကြောင့် ခန့်အပ်ခံ အမျိုးသားတွေ အတွေ့အကြုံ နည်းနေသေးပုံ​ရတယ်။ အမှားတွေ လုပ်မိ​ပုံ​ရတယ်။ ဒါပေမဲ့ လေးစား​ခံထိုက်​ကြတယ်။ ကြီးစွာသောဒုက္ခ နီးလာတာနဲ့အမျှ အသင်းတော် အကြီးအကဲတွေရဲ့ ညွှန်ကြားချက်ကို ကျွန်တော်တို့ အခု​ထက် ပို​အားထား​လာ​ရနိုင်တယ်။ ကမ္ဘာ့ဌာနချုပ်၊ ဌာနခွဲရုံးနဲ့ အဆက်အသွယ် ပြတ်သွားနိုင်တယ်။ ဒါကြောင့် အခုကတည်းက ကိုယ့်​အကြီးအကဲတွေကို လေးစား​ချစ်ခင်​တတ်​ဖို့ သိပ်အရေးကြီးတယ်။ ဘာတွေ​ပဲ ဖြစ်လာပါစေ ကျွန်တော်တို့ သတိ​ရှိနေရမယ်။ အကြီးအကဲတွေရဲ့ အမှားတွေကို အာရုံမစိုက်ပါနဲ့။ ခရစ်တော်ကတစ်ဆင့် သူတို့ကို ယေဟောဝါ လမ်းညွှန်​နေတယ်​ဆိုတဲ့ အချက်ကို​ပဲ အာရုံစိုက်ပါ။

12. Lametna in i ngaihsutna koi bangin kemcing a hiam?

^၁၂ သံခမောက်​က စစ်သားရဲ့ ခေါင်းကို ကာကွယ်ပေးသလို ကယ်တင်ခြင်း ရမယ်ဆိုတဲ့ မျှော်လင့်ချက်က ကျွန်တော်တို့ရဲ့ အတွေးအခေါ်ကို ကာကွယ်ပေးတယ်။ မျှော်လင့်ချက်​သာ ခိုင်မာ​နေ​ရင် လောက ကမ်းလှမ်းသမျှ အချည်းနှီး​ပဲ​ဆိုတာ ကျွန်တော်တို့ အသိအမှတ်ပြုမှာ ဖြစ်တယ်။ (ဖိ. ၃:၈) တည်ငြိမ်​အေးဆေးနေဖို့လည်း မျှော်လင့်ချက်က ကူညီပေးတယ်။ အာဖရိကမှာ ဗေသလ​အိမ်သားတွေ​အဖြစ် အမှုဆောင်နေတဲ့ ဝေါလေ့စ်နဲ့ လော်ရင်ဒါ အဲဒီလို ကြုံခဲ့ကြရတယ်။ ဝေါလေ့စ်ရဲ့ အဖေနဲ့ လော်ရင်ဒါ​ရဲ့ အမေ သုံးပတ်​အတွင်း ရှေ့ဆင့်နောက်ဆင့် ဆုံးသွား​ကြတယ်။ ကိုဗစ်-၁၉ ကပ်ရောဂါ​ကြောင့် မိသားစုဆီ ဝေါလေ့စ်တို့ မပြန်​နိုင်​ကြ​ဘူး။ “သူတို့ရဲ့ နောက်ဆုံး နေ့ရက်​တွေ​အကြောင်း မဟုတ်ဘဲ ကမ္ဘာသစ်​မှာ အသက်ပြန်ရှင်လာမယ့် ဦးဆုံး နေ့ရက်​တွေ​အကြောင်း စဉ်းစားမိ​ဖို့ ရှင်ပြန်ထမြောက်ခြင်း မျှော်လင့်ချက်က ကူညီပေးတယ်။ မျှော်လင့်ချက်ကြောင့် ဝမ်းနည်းမှု၊ ဆုံးရှုံးမှုတွေကို တည်တည်ငြိမ်ငြိမ် ခံရပ်နိုင်ခဲ့တယ်” လို့ ဝေါလေ့စ် ပြောတယ်။

13. Kha siangtho i ngah nadingin bang i sep ding kisam a hiam?

^၁၃ “စွမ်းအားတော်​မီးကို မငြိမ်း​စေ​နဲ့။” (၁ သက်. ၅:၁၉) သန့်ရှင်းသော စွမ်းအားတော်ကို ကျွန်တော်တို့ ကိုယ်တွင်း​ထဲက မီးနဲ့ ပေါလု ခိုင်းနှိုင်းထားတယ်။ ဘုရား​စွမ်းအားတော်​သာ ရှိနေရင် ကျွန်တော်တို့ မှန်ရာ လုပ်ချင်စိတ် တောက်လောင်နေကြမယ်။ အင်တိုက်အားတိုက် အမှုဆောင်ကြမယ်။ (ရော. ၁၂:၁၁) ဒါဆိုရင် သန့်ရှင်းသော စွမ်းအားတော် ရဖို့ ဘာလုပ်ရမလဲ။ ဆုတောင်းနိုင်တယ်။ စွမ်းအားတော် လမ်းညွှန်မှုနဲ့ ရေးထားတဲ့ ကျမ်းစာ ဖတ်နိုင်တယ်။ စွမ်းအားတော် လမ်းညွှန်​နေတဲ့ အဖွဲ့အစည်းနဲ့ ပူးပေါင်း​နိုင်တယ်။ ဒါဆိုရင် “စွမ်းအားတော်ကြောင့် ဖြစ်ပေါ်လာတဲ့ အရည်အသွေးတွေ” ရှိလာ​ပါလိမ့်မယ်။—ဂလ. ၅:၂၂၊ ၂၃။

14. Kha siangtho i ngah den nadingin bangteng i kidop ding kisam a hiam? (Lim zong en in.)

^၁၄ ဘုရားဆီ​က သန့်ရှင်းသော စွမ်းအားတော် ရထားပြီးပြီဆိုရင် “စွမ်းအားတော်​မီးကို” ‘မငြှိမ်း’ မိ​ဖို့ ကျွန်တော်တို့ သတိထား​ကြရမယ်။ ဘုရားက အတွေးအခေါ်၊ လုပ်ရပ် သန့်ရှင်း​နေသူတွေကို​ပဲ စွမ်းအားတော် ပေးတယ်။ မသန့်ရှင်းတဲ့ အတွေး​တွေ တွေးနေမယ်၊ မသန့်ရှင်းတဲ့ အကျင့်​တွေ ကျင့်​နေမယ်​ဆိုရင် စွမ်းအားတော် ဆက်​မပေးဘူး။ (၁ သက်. ၄:၇၊ ၈) ဒါ့အပြင် သန့်ရှင်းသော စွမ်းအားတော် ဆက်​ရ​နေဖို့​ဆိုရင် “ပရောဖက်ပြုချက်တွေကို မထီမဲ့မြင် မလုပ်” မိ​ဖို့လည်း လိုတယ်။ (၁ သက်. ၅:၂၀) “ပရောဖက်ပြုချက်” လို့ ပြောတဲ့အခါ စွမ်းအားတော်က​တစ်ဆင့် ဘုရား ပေးတဲ့ သတင်း​စကားတွေကို ဆိုလိုတယ်။ အဲဒီထဲမှာ ယေဟောဝါရဲ့ နေ့၊ ကျွန်တော်တို့ ခေတ်​ကာလရဲ့ အရေးကြီးမှုနဲ့​ပတ်သက်တဲ့ သတိပေးချက်​တွေ ပါတယ်။ ကိုယ့်​ခေတ်မှာ အာမဂေဒုန် ရောက်လာ​ဦး​မှာ မဟုတ်ဘူးလို့ ကျွန်တော်တို့ မတွေး​ကြ​ဘူး။ အဲဒီ​နေ့ ရောက်လာတော့မယ်​ဆိုတဲ့ စိတ်နဲ့ နေ့တိုင်း သန့်ရှင်းတဲ့ အမူ​အကျင့်​တွေ ကျင့်ကြံ​နေကြတယ်။ “ဘုရားတရား ကိုင်းရှိုင်း” နေကြတယ်။—၂ ပေ. ၃:၁၁၊ ၁၂။

“THU KHEMPEUH ENTEL PHA UN”

15. A man lo thute le dawite’ khemna i thuak loh nadingin bang sem thei i hiam? (1 Thesalonika 5:21)

^၁၅ သိပ်မကြာခင် “ငြိမ်းချမ်းပြီ၊ လုံခြုံပြီ” လို့ ဘုရားကို ဆန့်ကျင်သူတွေ တစ်နည်းနည်းနဲ့ ကြေညာ​ကြ​မယ်။ (၁ သက်. ၅:၃) နတ်ဆိုးတွေရဲ့ ဝါဒ ပျံ့သွား​လို့ လူအများစု လမ်းလွဲသွားကြမယ်။ (ဗျာ. ၁၆:၁၃၊ ၁၄) ကျွန်တော်တို့​ကော။ “အရာရာကို မှန်မမှန် အသေအချာ စစ်ဆေး” မယ်​ဆိုရင် လှည့်စား​ခံရ​မှာ မဟုတ်ဘူး။ (၁ သက်သာလောနိတ် ၅:၂၁ ကို ဖတ်ပါ။) “စစ်ဆေး” လို့ ပြန်ဆို​ထားတဲ့ ဂရိ ဝေါဟာရ​ကို ကျောက်​မြတ်ရတနာ​တွေ စစ်​တာနဲ့ ဆက်စပ်​သုံးလေ့​ရှိတယ်။ ကျွန်တော်တို့ ကြားရတာ၊ ဖတ်ရတာတွေ မှန်မမှန် စစ်ဆေးဖို့ ပြောနေတာ။ သက်သာလောနိတ် အသင်းသားတွေ​တောင် အဲဒီလို စစ်ဆေး​ခဲ့​ရရင် ကြီးစွာသောဒုက္ခ နီးကပ်​လာတဲ့ ကာလမှာ အသက်ရှင်နေတဲ့ ကျွန်တော်တို့ ပိုလို့တောင် စစ်ဆေး​ကြရမယ်။ တခြားသူတွေ ပြောသမျှ မျက်စိမှိတ် ယုံမယ့်အစား ကိုယ်​ကြားရတာ၊ ဖတ်ရတာတွေ​ဟာ ကျမ်းစာမှာ ပြောတာ၊ အဖွဲ့အစည်း ပြောတာနဲ့ ကိုက်မကိုက် စဉ်းစား​ဆင်ခြင်​နိုင်စွမ်း သုံးပြီး စစ်ဆေး​ကြရမယ်။ ဒါဆိုရင် နတ်ဆိုးတွေရဲ့ ဝါဒဖြန့်မှု၊ အလိမ်အညာတွေ​ကြောင့် လှည့်စား​ခံရ​မှာ မဟုတ်ဘူး။—ပညာ. ၁၄:၁၅။ ၁ တိ. ၄:၁။

16. Lametna kician bang nei i hiam? Bang thu i khensat ding kisam a hiam?

^၁၆ ကြီးစွာသောဒုက္ခ​မှာ ဘုရား​ကျေးကျွန်တွေ အုပ်စုလိုက်​အနေနဲ့ လွတ်မြောက်မယ်​ဆိုတာ ကျွန်တော်တို့ သိကြတယ်။ တစ်ယောက်ချင်းစီ​အနေနဲ့တော့ မနက်ဖြန် ဘာဖြစ်မယ်ဆိုတာ မသိကြဘူး။ (ယာ. ၄:၁၄) ကြီးစွာသောဒုက္ခ​ကို ကပ်ကျော်​သည်​ဖြစ်စေ၊ အဲဒီ​မတိုင်ခင် သေသွား​သည်​ဖြစ်စေ သစ္စာရှိနေမယ်ဆိုရင် ထာဝရ​အသက် ဆုချ​ခံရမယ်။ ဘိသိက်ခံတွေ​က ကောင်းကင်မှာ ခရစ်တော်​နဲ့​အတူ အုပ်ချုပ်​ကြရမယ်။ တခြား​သိုးတွေ​က ပရဒိသု ကမ္ဘာမြေမှာ အသက်ရှင်​ကြရမယ်။ အဲဒီ​မျှော်လင့်ချက်ကို အာရုံစိုက်​ရင်း ယေဟောဝါရဲ့ နေ့​အတွက် အသင့်ရှိ​နေ​ကြရအောင်။