Jesuh Leitungah A Om Lai-in Bangteng Sem A Hiam?

Mi tampite in Jesuh pen bangmah a sem thei lo a suaktung naungek, kamsang mipil, ahih kei leh a si dektak mi khat bangin ngaihsun uh hi. Ahih hang, leitunga a nuntakna thute kan leng, ama thu i thei semsem ding hi. Hih sin ding thu-ah Jesuh ii a thupi pena a nasep pawlkhat le tuate na hamphatpih theih dan kikum ding hi hang.

1. Jesuh ii a thupi pen nasep in bang a hiam?

‘Pasian’ Ukna hanga lungdamna thu hilh’ pen Jesuh ii a thupi pen nasep hi. (Luka 4:43 sim in.) Mihingte’ buaina khempeuh a vengsak thei gam, ahih kei leh kumpi ki-ukna khat pen Pasian in phut ta ding ahihlam a lungdamhuai thu na taangko hi.a Tua a lungdamhuai thu pen Jesuh in kum thum le a lang sung, hanciam takin na taangko hi.​—Matthai 9:35.

2. Jesuh in bang hang na lamdangte bawl a hiam?

‘Jesuh tungtawnin Pasian in lim le na lamdangte bawlin na hong sem hi,’ ci-in Lai Siangtho in gen hi. (Sawltak 2:22) Jesuh in Pasian’ piak vangliatna tawh huihpi daisak, mi tul tampi an vak a, cinate damsakin, a site nangawn zong hingkiksak hi. (Matthai 8:23-27; 14:15-21; Marka 6:56; Luka 7:11-17) Hih na lamdangte in Jesuh pen Pasian’ sawl mi ahihlam hong theisak hi. Jehovah in mihingte’ buaina khempeuh vengsak dingin thahatna a neihlam zong hong lak hi.

3. Jesuh’ nuntakzia pan bang sin thei i hiam?

Jesuh in na khempeuhah Jehovah’ thu mang hi. (Johan 8:29 sim in.) Langpannate kawmkalah a Pa in a sepsaknopte a sih dongin cihtakna tawh sem hi. Tua in mihing te’n haksatna kawmkalah zong Pasian’ na sem thei uh ahihlam hong theisak hi. Tua bang dan tawh Jesuh in ‘ama khekhap i zuih theih nadingin etteh ding lim hong nusiat hi.’​—1 Peter 2:21.

5. Jesuh in a manpha thute hong hilh

Jesuh in Pasian Gam lungdamna thu a taangko banah zat theih pah ding thute zong hilh hi. A minthang mahmah Mualtung Thuhilhna lak pan thu pawlkhat na ngaihsut theih nadingin Matthai 6:14, 34 le 7:12 sim in. Tua khit teh hih dotnate kikum un:

• Hih Lai Singtho munte-ah Jesuh in i zat theih pah ding bang thute hong hilh a hiam?

• Hih thute pen tu hunah zong a zat taak lai hiam?

6. Jesuh in na lamdangte bawl

Jehovah in Jesuh pen nalamdang tampi a bawl theih nadingin vangliatna na pia hi. Gentehna-in, Marka 5:25-34 sim in. Ahih kei leh VIDEO hong in. Tua khit teh a nuai-a dotnate kikum un.

VIDEO: A Cina Numei Khat Hong Damsiangkik (5:10)

• Hih video sungah, cina nu in bang um a hiam?

• Hih nalamdang bawlna-ah bang in na lungsim hong sukha a hiam?

Johan 5:36 sim in. Tua khit teh hih dotna kikum un:

• Jesuh’ bawl na lamdangte in ama thu bang “kilangsak” a hiam?

TOMLAKNA

Jesuh in Pasian Gam thu taangko a, na lamdangte zong bawlin, na khempeuhah Jehovah’ thu mang hi.

Kikupkikna

• Leitunga a nuntak sungin Jesuh ii a thupi pen nasep in bang a hiam?

• Jesuh’ bawl na lamdangte in bang thu kiciansak a hiam?

• Zat theih pah ding bang thute Jesuh in hilh a hiam?

THEIH BEH NADING

Jesuh in bang thu tam gen pen a hiam?

“Pasian Gam Pen Jesuh Adingin Bang Hang Thupi A Hiam?” (Vilnatausang, October 1, 2014)

Jesuh in na lamdangte bawl takpi ahihlam i muan theih dan sim in.

“Jesuh’ Bawl Na Lamdangte Panin Bang Sin Thei Na Hiam?” (Vilnatausang, July 15, 2004)

Jesuh ii angsung khual lohna hangin mikhat a nuntakna a kikhel dan sim in.

“Kei Ading Bek Na En Kha Ing” (Vilnatausang, October 1, 2014)

Jesuh ii Pasian’ na a sep hun sunga a thupi diak thupiangte, a hun tawh a banban a a kilahna en in.

“Jesuh ii Leitung Nuntak Sunga A Thupi Diak Thupiangte” (New World Translation of the Holy Scriptures, Appendix A7)