Amau Jesuh Thu At Uh

Lim sunga pasalte na mu hiam?—Amau teng pen Matthai, Marka, Luka, Johan, Peter, James, Jude leh Paul-te hi uh hi. Tua pasalte pen Jesuh tawh nungta khawm uh a, Jesuh thu a at uh hi. Amau thu sin beh lai ni.

Sawltak thum te-in Jesuh tawh thu tangko khawm uh hi. Tua mi thum-te kua hiam cih na thei na?—Matthai, Johan, leh Peter-te hi. Sawltak Matthai leh Johan in Jesuh thu na thei mahmah uh a, amau khatciat in Jesuh nuntakna thu laibu in na at uh hi. Sawltak Johan in zong Maangmuhna leh laikhak thum-te ahi Johan Masa, Johan Nihna leh Johan Thumna te na at hi. Sawltak Peter in laikhak nih na at in tuate Lai Siangtho sungah na om hi. Tua te pen Peter masa leh Peter nihna ki ci hi. Ama laikhak nihna ah, Jehovah in: ‘Hih pen ka it ka Tapa hi a, ama tungah ka lung a kim mahmah hi’ ci in vantung pan Jesuh a hopih lai hun, Peter in na at hi.

Lim sunga pasal dang te’n zong Jesuh thu laibu sungah na at uh hi. Amaute lakpan khat pen Marka hi. Jesuh a kimat lai a, thupiang khempeuh mu ahih manin tua munah Marka om thei kha ding hi. A dang khat pen Luka hi. Amah pen siavuan hi a, Jesuh a sihkhit ciang Khristian na suak pan hi ding hi.

Lim sunga na muh Lai Siangtho at a dang nihte pen Jesuh’ naute hi. Amaute min na thei uh naa?—Amau min James leh Jude hi. Amasa lam in, Jesuh na umlo uh hi. Jesuh hai-ta hi, ci-in na gen lai uh hi. Ahih hang a nung ciang Jesuh hong um uh a, Khristian hong suak uh hi.

Lim sunga na muh nunung Lai Siangtho a at pa pen Paul hi. Khristian a suak ma, a min Saul hi. Khristian-te mudah a, bawlsia hi. Paul Khristian a suaknop na’ng bangin huh hiam cih na thei naa?—Ni khat, Paul a khual zinna lampi-ah vantung pan amah mikhat in a hopihna zavat hi. Tua mi pen Jesuh hi! Jesuh in: ‘Ba’hang kei hong um mite bawlsia na hiam?’ ci-in Paul a dong hi. Tua thu a piang khit teh, Paul kikhel in Khristian hong suak hi. Paul in Lai Siangtho sunga laibu 14 at a, Rom pan Hebru ciang hi.

Nisim in Lai Siangtho i sim hi, sim mah hi lo i hia?—Lai Siangtho simna pan Jesuh thu tampi i sin thei hi. Jesuh thu tu-a sang sin ding na ut lai naa?—