Theihsiamna A Neite A Maa Vang Ding Uh Hi”

1-2. Theihsiamna nei cihin bang a hiam? Koi bangin hong huh thei ding a hiam?

ကိုယ့်ကို တစ်ယောက်ယောက် မလေးမစား​ဆက်ဆံတာ၊ မတရား​ဆက်ဆံတာ၊ အထင်လွဲ​တာမျိုး ကြုံဖူး​သလား။ ဒါမှမဟုတ် ထိတ်လန့်စရာ အခြေ​အနေမျိုး ကြုံဖူး​သလား။ ကြုံဖူးတယ်​ဆိုရင် အဲဒီလို​အခြေ​အနေ​တွေမှာ ပြောမှား​ဆိုမှား၊ လုပ်မှား​ကိုင်မှား မဖြစ်ဖို့ ဘယ်လောက် ခက်သလဲ​ဆိုတာ သိမှာပါ။ ဒါပေမဲ့ အဲဒီလို​အခြေ​အနေ​တွေမှာကော တခြား​အခြေ​အနေ​တွေမှာပါ အကူ​အညီ ဖြစ်စေမယ့် အရည်​အသွေး​တစ်ခု​အကြောင်း ကျမ်းစာမှာ ဖော်ပြ​ထားတာ ကျေးဇူးတင်​စရာပါပဲ။ ဘာ​အရည်အသွေးလဲ။ ထိုးထွင်း​သိမြင်မှုပါ။

^၂ ထိုးထွင်း​သိမြင်မှု​ဆိုတာ မြင်သာတဲ့​အချက်တွေ​လောက်ကို မဟုတ်ဘဲ မမြင်သာတဲ့​အချက်​တွေကိုပါ အခြေ​ခံပြီး ဆုံးဖြတ်​နိုင်တဲ့​အစွမ်း ဖြစ်တယ်။ တစ်ခုခု ဖြစ်လာတယ် ဒါမှ​မဟုတ် တစ်ယောက်ယောက်က တစ်ခုခု လုပ်တယ်​ဆိုရင် နောက်ကွယ်က အကြောင်းရင်းကို အရင်ဆုံး စဉ်းစား​တတ်တာ ထိုးထွင်း​သိမြင်မှု​ရှိသူပဲ။ ရလဒ်​အနေနဲ့ မဆင်​မခြင် မပြောမိ မလုပ်မိ​တော့ဘူး။ ဥပမာ၊ ထိုးထွင်း​သိမြင်မှုက “နှုတ်​စောင့်စည်း” ဖို့၊ “ဆိတ်ငြိမ်စွာ နေ” ဖို့ ကူညီပေး​နိုင်တယ်။ (ပညာ. ၁၀:၁၉။ ဆာ. ၄:၄) ဒေါသ​ထိန်းချုပ်ဖို့၊ ဗွေမယူဖို့ ကူညီ​ပေးတယ်။ အကြံပေး​တည့်မတ်​တာကို လက်ခံ​ဖို့လည်း ကူညီ​ပေးတယ်။ (ပညာ. ၁၉:၂၀) ကျွန်တော်တို့ ထိုးထွင်း​သိမြင်မှု​ရှိရင် ကိုယ်တိုင်ကော ကိုယ်နဲ့ ပြောဆို​ဆက်ဆံ​သူတွေပါ ပျော်ရွှင်​မယ်။ ယေဟောဝါ​ဘုရားလည်း ဝမ်းသာ​မယ်။ အထူးသဖြင့် ခံစားချက် မထိန်းချုပ်​ဘဲ စိတ်လိုက်​မာန်ပါ ပြောမိ​လုပ်မိ​စေနိုင်တဲ့ အခြေအနေမျိုးမှာ ထိုး​ထွင်း​သိမြင်မှု​ရှိဖို့ သိပ်အရေးကြီးတယ်။ နှိမ့်ချ​နေဖို့၊ စိတ်​အေးအေး​ထားဖို့၊ ယေဟောဝါကို အပြည့်အဝ အားကိုးဖို့ ထိုးထွင်း​သိမြင်မှုက ကူညီ​ပေးနိုင်ကြောင်း ဖော်ပြတဲ့ ကျမ်းမှတ်တမ်း​သုံးခုကို သုံးသပ်​ကြည့်​ရအောင်။

KIPHATSAKNA LUNGSIM TAWH HILO-IN KINIAMKHIATNA LUNGSIM TAWH THUKKIK IN

3. Naaman in kua a hiam?

^၃ အပြောအဆို၊ အပြုအမူ မမှားဖို့​ဆိုရင် နှိမ့်ချမှု ရှိရမယ်။ (၁ ပေ. ၅:၅) နှိမ့်ချမှု ရှိဖို့ ထိုးထွင်း​သိမြင်မှုက ကူညီ​ပေးနိုင်တယ်။ ဘယ်လို​နည်းနဲ့လဲ။ နေမန်​အကြောင်း စဉ်းစား​ကြည့်ပါ။ နေမန်ဟာ အစ္စရေး​ပြည်​မြောက်ဘက်မှာ​ရှိတဲ့ ဆီးရီးယား​ပြည်မှာ နေတယ်။ ဆီးရီးယား​တပ်ရဲ့ ဗိုလ်ချုပ်​ဖြစ်ပြီး သိပ်​အရေးပါသူ ဖြစ်တယ်။ ဒါပေမဲ့ အနာကြီး​ရောဂါ စွဲနေ​ရှာတယ်။—၂ ဘု. ၅:၁။

4. Naaman in theihsiamna nei cih bangci lak a hiam?

^၄ သခင့်ကို ရောဂါကု​ပေးနိုင်တဲ့ ပရောဖက်​တစ်ယောက် အစ္စရေး​ပြည်မှာ ရှိတယ်​ဆိုပြီး နေမန်ရဲ့ ဇနီးကို အစ္စရေး​အစေခံမလေး ပြောတယ်။ (၂ ဘု. ၅:၂၊ ၃) ‘ရန်သူ​တိုင်းပြည်က ခေါ်လာတဲ့ အစေခံမလေး ပေါက်တတ်ကရ​တွေ ပြောနေ​တာ​များလား’ လို့ နေမန် တွေးချင်ရင် တွေးနိုင်တယ်။ ဒါပေမဲ့ မာန​တစ်ခွဲသားနဲ့ မငြင်း​ပစ်ဘဲ အစေခံမလေး ပြောတာကို နှိမ့်ချမှု​ရှိရှိ အရေးတယူ စဉ်းစားတယ်။ အစ္စရေး​ပြည် သွားပြီး ရောဂါ​ကုသဖို့ ဆီးရီးယား​ဘုရင်​ကိုယ်တိုင် ခွင့်ပြု​ပေး​လိုက်တယ်။—၂ ဘု. ၅:၄၊ ၅။

5. Naaman Israel atun ciang bang tuakkha a hiam?

^၅ အနာကြီး​ရောဂါ ပျောက်ကင်းဖို့ မျှော်လင့်ချက်နဲ့ အစ္စရေး​ဘုရင် ယောရံဆီ နေမန် ရောက်လာတယ်။ ဒါပေမဲ့ ယောရံက ဆီးရီးယား​ဘုရင် ရန်ရှာ​နေတာပဲလို့ ထင်သွားတယ်။ ဒီအကြောင်း ပရောဖက် ဧလိရှဲ ကြားတော့ မိမိဆီ နေမန်ကို လွှတ်လိုက်ဖို့ ယောရံကို ပြောတယ်။ (၂ ဘု. ၅:၆-၉) တကယ်တမ်း ဧလိရှဲဆီ သွားတော့ နေမန် မျှော်လင့်​ထား​သလို ဆက်ဆံ​မခံရဘူး။ ဧလိရှဲက အိမ်ထဲကနေတောင် ထွက်​မတွေ့ဘူး၊ ထွက်​မနှုတ်ဆက်ဘူး။ ရောဂါ​ပျောက်​ချင်ရင် ဘာလုပ်ရမယ်​ဆိုတာ လူလွှတ်ပြီး​တော့ပဲ ပြောခိုင်း​လိုက်တယ်။—၂ ဘု. ၅:၁၀။

6. (a) Elisha a sawl kamtai pa ii agen te bang hangin Naaman in lungkim lo a hiam? (b) Naaman nungzuite-in theihsiamna a neihlam bangci lak uh a hiam? Bang hamphatna ngah uh a hiam? (2 Kumpi 5:13, 14)

^၆ ဧလိရှဲ လွှတ်လိုက်တဲ့ လူကိုကော ပါးလိုက်တဲ့ စကားကိုပါ စစ​ချင်းတော့ နေမန် သဘော​မကျဘူး။ “တအား​ဒေါသ​ထွက်ပြီး” “စိတ်ဆိုးဆိုးနဲ့ ထွက်သွား​တယ်။” (၂ ဘု. ၅:၁၁၊ ၁၂) ဘာကြောင့်လဲ။ မိမိလို လူလေးစား​ခံရတဲ့ ဆီးရီးယား​ဗိုလ်ချုပ်ကို ဧလိရှဲ မလေးစား​ဘူးလို့ ခံစား​သွားတာ ဖြစ်နိုင်တယ်။ ဒါ့အပြင် ဆီးရီးယား​ပြည်ကို မခန့်​လေးစား​လုပ်တယ်လို့ ခံစား​သွားတာ​လည်း ဖြစ်နိုင်တယ်။ ဘာပဲဖြစ်ဖြစ် ရောဂါ​ကုသ​မခံတော့ဘဲ အိမ်ပြန်ဖို့တောင် နေမန် လုပ်နေပြီ။ ဒါပေမဲ့ ဧလိရှဲ တကယ်​ကုသ​ပေးချင်မှန်း ထိုးထွင်း​သိမြင်တဲ့ နောက်လိုက်တွေက နေမန်ကို ဝိုင်း​ဖျောင်းဖျ​ကြတယ်။ နေမန်​လည်း မာနကို ခဝါချ​ပြီး ဧလိရှဲ ပြောတဲ့​အတိုင်း နှိမ့်ချမှု​ရှိရှိ လုပ်လိုက်တယ်။ ဒီလိုနဲ့ ရောဂါ​ပျောက်ကင်း​သွားတယ်။—၂ ဘုရင်များ ၅:၁၃၊ ၁၄ ကို ဖတ်ပါ။

7. Naaman tuahkhakna pan bang sinthei i hiam? (Paunak 22:4) (Lim zong en in.)

^၇ ဘာသင်ယူနိုင်သလဲ။ ထိုးထွင်း​သိမြင်မှု ရှိသူဟာ မြင်သာတဲ့​အချက်၊ အပြင်ပန်း​ကိုပဲ ကြည့်ပြီး မဆုံးဖြတ်​ဘူး။ စိတ်အလို​မလိုက်ဘူး။ နှိမ့်ချမှု ရှိတယ်။ ကိုယ်​မသိတာ​တွေ ရှိတယ်​ဆိုတာ အသိအမှတ်​ပြုတယ်။ မသိ​တာတွေ သိလာဖို့ တခြား​သူတွေ၊ အထူးသဖြင့် ယေဟောဝါဆီက အကူ​အညီ ကျွန်တော်တို့ လိုအပ်တယ်။ နေမန်ဟာ ယေဟောဝါကို ကိုးကွယ်သူ မဟုတ်ဘူး။ ဒါပေမဲ့ အစ္စရေး​အစေခံမလေးရဲ့​စကား၊ နောက်လိုက်​တွေရဲ့​စကား၊ ယေဟောဝါရဲ့ ကိုယ်စားလှယ် ဧလိရှဲ​ပြောတဲ့​စကားကို နှိမ့်ချမှု​ရှိရှိ နားထောင်တယ်။ ထိုးထွင်း​သိမြင်မှု ရှိကြောင်း ပြလိုက်တာ​ပါပဲ။ မာန​ထိခိုက်​တယ်​ဆိုပြီး တင်းခံ​မနေဘူး။ ဒါကြောင့် မှန်ကန်တဲ့ ဆုံးဖြတ်ချက် ချနိုင်ပြီး ရောဂါ​ပျောက်ကင်း​သွားတာ။ ကျွန်တော်တို့လည်း ကျမ်းစာ​အခြေခံပြီး တစ်ယောက်ယောက် ပေးလာတဲ့ အကြံဉာဏ်ကို သဘော​မကျတဲ့​အခါ၊ အဖွဲ့အစည်း​ညွှန်ကြားချက်ကို နားမလည်​တဲ့အခါ ဘာလုပ်သင့်​သလဲ။ ကိုယ်​ပြောမယ့်​စကား၊ ကိုယ့်​တုံ့ပြန်ပုံမှာ မာန ထင်ဟပ်​နေသလား၊ နှိမ့်ချမှု ရှိရဲ့လား​ဆိုတာ အရင် စဉ်းစား​သင့်တယ်။—ပညာအလိမ္မာ ၂၂:၄ ကို ဖတ်ပါ။

HEHNA TAWH HILO-IN DAI TAKIN DAWNGKIK IN

8. Koi bang dinmun te-ah lungsim daihsak ding haksa thei a hiam?

^၈ စိတ်​အေးအေး​ထားဖို့၊ ဒေါသတကြီး မတုံ့ပြန်​မိဖို့ ထိုးထွင်း​သိမြင်မှုက ကူညီ​ပေး​နိုင်တယ်။ တစ်ယောက်ယောက် မဆင်​မခြင်၊ မထောက်​မထား ပြောဆို​ပြုမူ​လာတဲ့​အခါ ဒေါသ​ထွက်မိ​တတ်လို့ စိတ်​အေးအေး​ထားဖို့ အမြဲ မလွယ်ဘူး။ (ဧ. ၄:၂၆) ဒါပေမဲ့ အခြေ​အနေ တင်းမာ​နေချိန်မှာ ဒါဝိဒ်နဲ့ အဘိဂဲလ ထိုးထွင်း​သိမြင်မှု ရှိကြောင်း ဘယ်လို ပြခဲ့သလဲ သုံးသပ်​ကြည့်ရအောင်။

9. Nabal in David koi bangin thusim lo a hiam?

^၉ ဒါဝိဒ်နဲ့ သူ့​လူတွေဟာ ရှောလု​လက်ကနေ ထွက်ပြေး​ပုန်းရှောင်ရင်း ပါရန်​တောကန္တာရမှာ ရောက်နေ​ကြတယ်။ (၁ ရှ. ၂၅:၁) အဲဒီမှာ​ရှိနေချိန်​တစ်လျှောက်လုံး နာဗလလို့ ခေါ်တဲ့ သူဌေး​တစ်ယောက်ရဲ့ သိုးတွေ၊ သိုးထိန်းတွေ​ကို ဒါဝိဒ်နဲ့ သူ့လူတွေ စေတနာနဲ့ ကာကွယ်​ပေး​ကြတယ်။ (၁ ရှ. ၂၅:၁၅၊ ၁၆) ဒီလိုနဲ့ သိုးမွေး​ညှပ်ပွဲ ရောက်လာတော့ ဒါဝိဒ်က နာဗလဆီ တမန်တွေ လွှတ်ပြီး နှုတ်ခွန်း​ဆက်တယ်။ ပိုလျှံ​တာ​လေးတွေ ပေးဖို့ တလေး​တစား တောင်းဆိုတယ်။ (၁ ရှ. ၂၅:၆-၈) ဒါပေမဲ့ ဒါဝိဒ်နဲ့ သူ့လူတွေ ကူညီပေး​ထားတာ​တွေကို နာဗလ မထောက်ထား​တဲ့​အပြင် လုံးဝ ကျေးဇူး​မသိ​တတ်ဘူး။ ဒါဝိဒ်ရဲ့ လူတွေကို ရိုင်းရိုင်း​စိုင်းစိုင်း အော်ထုတ်ပြီး မချေမငံ ပြော​လွှတ်တယ်။—၁ ရှ. ၂၅:၁၀၊ ၁၁။

10. David le Abigail te-in theihsiamna a neihlam koi bangin lak uh a hiam? (1 Samuel 25:32, 33) (Lim zong en in.)

^၁၀ သင်သာ ဒါဝိဒ်​နေရာမှာ​ဆိုရင် ဘယ်လို နေ​မလဲ။ ဒါဝိဒ် ဘာကြောင့် အကြီးအကျယ် ဒေါသ​ထွက်​သလဲ​ဆိုတာ နားလည်နိုင်​မှာ​ပါ။ နာဗလ​ကို သတ်ပစ်ချင်တဲ့​အထိ ဒါဝိဒ် ဒေါသ​ထွက်သွားတာ။ (၁ ရှ. ၂၅:၁၃၊ ၂၁၊ ၂၂) တကယ်လည်း နာဗလ​ကို သတ်မယ်​ဆိုပြီး ထွက်လာတယ်။ ဒါပေမဲ့ လမ်းမှာ နာဗလရဲ့ ဇနီး အဘိဂဲလ​နဲ့ ဆုံတယ်။ အဘိဂဲလဟာ ထိုးထွင်း​သိမြင်မှု ရှိတယ်။ ဒါဝိဒ် အကြီး​အကျယ် ဒေါသ​ထွက်​နေပေမဲ့ လူကောင်း ဖြစ်မှန်း သိတယ်။ ဒါကြောင့် ဒါဝိဒ် ဒေါသ​ထိန်းနိုင်ဖို့၊ စိတ်​အေးအေး​ထား​နိုင်ဖို့ အစွမ်းကုန် ကူညီ​ပေးချင်တယ်။ ဒါနဲ့ လက်ဆောင်တွေ အများကြီး ယူလာ​ပေးတယ်။ ဒါဝိဒ်​ကို အကြံဉာဏ်ကောင်း ပေးတယ်။ (၁ ရှ. ၂၅:၁၈၊ ၂၃-၃၁) အဘိဂဲလရဲ့ စကား​တွေဟာ ယေဟောဝါရဲ့ အတွေး​အခေါ်နဲ့ ကိုက်ညီတယ်​ဆိုတာ ဒါဝိဒ် ထိုးထွင်း​သိမြင်ပြီး အကြံ​ပေး​တာကို နားထောင်​ခဲ့တယ်။ ဒါကြောင့် စိတ်​အေးအေး​ထားနိုင်​သွားပြီး ကြီးလေးတဲ့​အမှား မကျူးလွန်မိ​တောဘူး။—၁ ရှမွေလ ၂၅:၃၂၊ ၃၃ ကို ဖတ်ပါ။

11. I heh hun ciang theihsiamna neihna-in koi bangin hong huh ding a hiam? (Paunak 19:11)

^၁၁ ဘာသင်ယူနိုင်သလဲ။ ဒေါသ​ထွက်​စရာ အကြောင်းရင်း ခိုင်လုံ​ရင်တောင် စိတ်​အေးအေး​ထားပြီး တုံ့ပြန်​နိုင်ဖို့ ထိုးထွင်း​သိမြင်မှုက ကူညီပေး​နိုင်တယ်။ ဒါ့အပြင် ကိုယ့်စကားနဲ့ လုပ်ရပ်ရဲ့ အကျိုးဆက်ကို စဉ်းစားဖို့လည်း ကူညီပေး​နိုင်တယ်။ (ပညာအလိမ္မာ ၁၉:၁၁ ကို ဖတ်ပါ။) သူ့လုပ်ရပ်ကြောင့် ယေဟောဝါ ဘယ်လို ခံစားရမယ်​ဆိုတာ အဘိဂဲလ သတိ​ပေးလို့ ဒါဝိဒ် ဒေါသ​ချုပ်တည်း​နိုင်​သွားတယ်။ ကျွန်တော်တို့လည်း ဒေါသ​ထွက်​စရာ၊ စိတ်​အနှောင့်​အယှက်​ဖြစ်စရာ ကြုံလာတဲ့​အခါ မဆင်​မခြင် ဒေါသ​တကြီး မတုံ့ပြန်​ပါနဲ့။ (ယာ. ၁:၁၉) ယေဟောဝါဆီ ဆုတောင်းပါ။ ကိုယ့်လုပ်ရပ်​ကြောင့် ယေဟောဝါ ဘယ်လို ခံစားရ​မလဲ​ဆိုတာ အချိန်ယူ စဉ်းစားပါ။ ဒါဆို စိတ်တည်တည်​ငြိမ်ငြိမ်နဲ့ တုံ့ပြန်​နိုင်မယ်။

12. Theihsiamna neih ding le lungsim daih thei nading midangte’n bangci hong huh thei ding a hiam?

^၁၂ ဒါဝိဒ် စိတ်​ထိန်းနိုင်ဖို့၊ ဘုရားရဲ့​အမြင်ကို နားလည်ဖို့ အဘိဂဲလကို ယေဟောဝါ သုံးခဲ့​သလို ကျွန်တော်တို့ ထိုးထွင်း​သိမြင်မှု ရှိလာဖို့ တခြား​သူတွေကို သုံးနိုင်တယ်။ ဒါကြောင့် စိတ်​အနှောင့်​အယှက်​ဖြစ်စရာ ကြုံလာတဲ့​အခါ ကိစ္စရပ်​နဲ့ပတ်သက်ပြီး ယေဟောဝါ မြင်သလို မြင်တတ်​လာအောင် ကူညီပေးမယ့် ရင့်ကျက်တဲ့ ညီအစ်ကို/မ​တစ်ယောက်နဲ့ တိုင်ပင်ပါ။ (ပညာ. ၁၂:၁၅။ ၂၀:၁၈) တကယ်လို့ ကိုယ်က အဲဒီလို​ကြုံနေ​ရတဲ့ မိတ်ဆွေ​တစ်ယောက်ကို ကူညီ​ပေးရတယ်​ဆိုရင် အဘိဂဲလကို အတုယူပါ။ ကိစ္စရပ်​နဲ့ပတ်သက်ပြီး ယေဟောဝါ မြင်သလို သူ မြင်တတ်​လာအောင် ကူညီ​ပေးပါ။ တခြားသူတွေ ထိုးထွင်း​သိမြင်မှု ရှိလာဖို့၊ စိတ်​အေးအေး​ထား​နိုင်ဖို့ သင် ကူညီ​ပေးတာကို ယေဟောဝါ သေချာပေါက် ကောင်းချီးပေးမယ်။

LAUHNA LUNGSIM TAWH HILO-IN JEHOVAH MUANG NA LUNGSIM TAWH DAWNGKIK IN

13. A lauhuai dinmunte i tuahkhak ciang theihsiamna neihna in bangci hong huh thei ding a hiam?

^၁၃ ကြောက်လန့်စရာ အခြေအနေတွေနဲ့ ကျွန်တော်တို့ ကြုံရနိုင်တယ်။ ဒါပေမဲ့ ဘယ်အရာ​ထက်​မဆို၊ ဘယ်သူ့ထက်​မဆို ယေဟောဝါ ပိုတန်ခိုး​ကြီးတယ်​ဆိုတာ သတိ​ရပါ။ ဒါက ကြောက်လန့်​မနေဘဲ ယေဟောဝါကို အားကိုးဖို့ ကူညီပေး​နိုင်တယ်။ (ဆာ. ၂၇:၁) ဖြေရှင်းနည်း မရှိပုံ ပေါက်နေရင်တောင် ရင်ဆိုင်​နိုင်ဖို့ ယေဟောဝါ ကူညီ​ပေးမယ်။ ပရောဖက် ယောန​အဖြစ်ကို စဉ်းစား​ကြည့်ပါ။ ယေဟောဝါကို ယောန သိပ်ချစ်တယ်။ ဒါပေမဲ့ ခက်ခဲတဲ့​တာဝန် ကျေပွန်​နိုင်ဖို့ ထိုးထွင်း​သိမြင်မှု လိုအပ်ခဲ့တယ်။

14. Jehovah piak tavuan pen Jonah in bang hang sang ngam lo a hiam?

^၁၄ နိနဝေ​မြို့သားတွေကို တရား​စီရင်​မယ့်​အကြောင်း ကြေညာဖို့ ယောနကို ယေဟောဝါ တာဝန်​ပေးတယ်။ (ယောန ၁:၁၊ ၂) သင်သာ အဲဒီ​တာဝန်မျိုး ရရင် ဘယ်လို နေမလဲ။ အစ္စရေး​ပြည်ကနေ အဆီးရီးယား​မြို့တော် နိနဝေကို ရောက်ဖို့ တစ်လလောက် ခြေကျင်​လျှောက်​ရမယ်။ ဒါ့အပြင် အဆီးရီးယား​တွေဟာ ရန်လို​ကြတယ်၊ အကြမ်းဖက်​တယ်​ဆိုတဲ့ နာမည်ဆိုးနဲ့ ကျော်ကြား​တယ်။ နိနဝေ​မြို့ကို “လူသတ်မှု ကျူးလွန်တဲ့​မြို့” လို့တောင် ခေါ်ကြတယ်။ (နာ. ၃:၁၊ ၇) တာဝန်ကို လက်မခံဘဲ ယောန ထွက်ပြေး​တော့တယ်။—ယောန ၁:၃။

15. Jonah in Jehovah bangci muang ngam a hiam? (Jonah 2:6-9)

^၁၅ နိနဝေ​မြို့နဲ့ ဝေးရာကို သင်္ဘောနဲ့ ထွက်ပြေးတဲ့​လမ်းမှာ ယောန အသက်​အန္တရာယ် ကြုံ​လာတယ်။ ဒါပေမဲ့ အံ့ဖွယ်​နည်းနဲ့ ယေဟောဝါ ကယ်တင်ခြင်း​အားဖြင့် မိမိ ဘယ်လောက် တန်ခိုး​ကြီးကြောင်း ယောနကို အမှတ်ရ​စေတယ်။ (ယောန ၁:၁၅၊ ၁၇) ယောန သင်ခန်းစာ ရသွားတယ်။ ဘယ်လို အန္တရာယ်​ကနေ​မဆို ယေဟောဝါ ကယ်တင်​နိုင်တယ်​ဆိုတဲ့ အချက်ကို ယောန အာရုံ​စိုက်မိ​သွားတယ်။ နိနဝေ​မြို့မှာ တရား​စီရင်ခြင်း​သတင်း ကြေညာ​ဖို့​ဆိုတဲ့ တာဝန်ဟာ အဲဒီလောက်​ကြောက်လန့်​စရာ မကောင်းမှန်း သိသွားတယ်။ (ယောန ၂:၆-၉ ကို ဖတ်ပါ။) ဒီလိုနဲ့ ယေဟောဝါ အခွင့်အရေး နောက်တစ်ကြိမ် ပေးချိန်မှာ ယောန မဆိုင်း​မတွ လက်ခံပြီး နိနဝေ​မြို့ကို သွားတယ်။ သူ ဟောပြော​တာကို မြို့သားတွေ နားထောင်​ကြလို့ ဖျက်ဆီး​မခံရ​တော့ဘူး။—ယောန ၃:၅။

16. A lauhuai dinmunte i tuahkhak ciang theihsiamna neihna in bangci hong huh thei ding a hiam? (Paunak 29:25) (Lim zong en in.)

^၁၆ ဘာသင်ယူနိုင်သလဲ။ လူကို​ကြောက်တဲ့​စိတ်ကြောင့် ယေဟောဝါကို ဝတ်မပြုဘဲ မနေ​သင့်ဘူး။ (ပညာအလိမ္မာ ၂၉:၂၅ ကို ဖတ်ပါ။) တာဝန်​နဲ့ပတ်သက်ပြီး တွေး​မကြောက်ဖို့၊ ယေဟောဝါရဲ့ ထောက်မ​နိုင်စွမ်းကို အာရုံ​စိုက်ဖို့ ထိုးထွင်း​သိမြင်မှုက ယောနကို ကူညီ​ပေးခဲ့တယ်။ ကျွန်တော်တို့လည်း ကိုယ့်ကို အရင်က ယေဟောဝါ ဘယ်လို ကူညီ​ပေးခဲ့တယ်၊ ကာကွယ်​ပေးခဲ့တယ်​ဆိုတာ စဉ်းစားရင် တွေးကြောက်​နေတော့မှာ မဟုတ်ဘူး။ ဒါ့အပြင် ယေဟောဝါကို ကိုးစားရင်း ကြောက်လန့်​စရာ အခြေ​အနေ​တွေကို ရဲရဲ​ဝံ့ဝံ့ ရင်ဆိုင်​နေ​ကြတဲ့၊ ခက်ခဲတဲ့ တာဝန်တွေ ကျေပွန်​နေ​ကြတဲ့ ညီအစ်ကို/မတွေရဲ့ စံနမူနာကို တွေးတော​နိုင်တယ်။a (ဟီ. ၁၃:၆) ယေဟောဝါကို အပြည့်အဝ ကိုးစားခြင်း၊ တခြား​သူတွေ​လည်း ကိုးစား​တတ်လာအောင် ကူညီ​ပေးခြင်း​အားဖြင့် ထိုးထွင်း​သိမြင်မှု ရှိကြောင်း ပြကြရအောင်။

THEIHSIAMNA NEI TAWNTUNGIN

17. Koi bangin theihsiamna nei semsem thei ding i hiam?

^၁၇ ဆွေးနွေးခဲ့တဲ့အတိုင်း၊ ထိုးထွင်း​သိမြင်မှု ရှိရင် အခက်​အခဲတွေ ကြုံလာတဲ့​အခါ နည်းမှန်​လမ်းကျ ဖြေရှင်း​နိုင်မယ်။ ထိုးထွင်း​သိမြင်မှု ဘယ်လို ပိုရှိလာ​နိုင်သလဲ။ ယေဟောဝါဟာ ထိုးထွင်း​သိမြင်မှုရဲ့ ရင်းမြစ် ဖြစ်တယ်။ ကျွန်တော်တို့ ထိုးထွင်း​သိမြင်မှု ရှိလာဖို့ ကျမ်းစာ၊ သန့်ရှင်းသော​စွမ်းအားတော်​ကတစ်ဆင့် ကူညီ​ပေးတယ်။ (နေ. ၉:၂၀။ ဆာ. ၃၂:၈) ဆုံးဖြတ်ချက်ကောင်း ချနိုင်ဖို့၊ ခံစားချက် ထိန်းချုပ်​နိုင်ဖို့ အကြံဉာဏ်တွေ ပေးတယ်။ (ဆာ. ၁၁၉:၉၇-၁၀၁) ဒါကြောင့် ကျမ်းစာကို နှံ့နှံ့​စပ်စပ် လေ့လာတဲ့​အခါ၊ သန့်ရှင်းသော​စွမ်းအားတော် တောင်းခံတဲ့​အခါ ထိုးထွင်း​သိမြင်မှု ရှိလာမယ်။ ထိုးထွင်း​သိမြင်မှု ရှိလာရင် ကိစ္စရပ်​တွေနဲ့​ပတ်သက်ပြီး ယေဟောဝါ မြင်သလို မြင်တတ်​လာမယ်။ ယေဟောဝါ တုံ့ပြန်​စေချင်တဲ့​နည်းအတိုင်း တုံ့ပြန်​တတ်လာမယ်။—ပညာ. ၂၁:၁၁။

18. Bang sem dingin khensat na hiam?

^၁၈ ယေဟောဝါဆီက ထိုးထွင်းဉာဏ်ကို ဆက်​ရှာဖွေ​ကြရအောင်။ (ဆာ. ၁၄:၂) ဒါမှ ထိုးထွင်းဉာဏ် မသုံးတဲ့ လူစားမျိုး မဖြစ်မှာ။ (ပညာ. ၂၁:၁၆) အချိန်တိုင်း၊ အခြေ​အနေတိုင်း ထိုးထွင်း​သိမြင်မှု​ရှိကြောင်း ပြဖို့ ဆုံးဖြတ်ထား​ကြရအောင်။ ဒါဆိုရင် ‘အောင်မြင်​ပါ​လိမ့်မယ်။’