A Om Den Ding Khuapi Zong In

1. Jerusalem khuapi tawh kisai Jesuh in bang na gen khol a hiam?

တစ်နေ့ကျရင် “ဂျေရုဆလင်​မြို့ကို စစ်တပ်​ဝိုင်းရံထား” မယ်​ဆိုပြီး ယေရှုခရစ် မသေဆုံးခင် ရက်​ပိုင်း​အလိုမှာ ကြိုဟောတယ်။ (လု. ၂၁:၂၀) စစ်တပ်​ဝိုင်းရံထားတာ မြင်တာနဲ့ ယုဒနယ်က​နေ ချက်ချင်း ထွက်ပြေးဖို့ နောက်လိုက်တွေကို မှာတယ်။ ဂျေရုဆလင်​မြို့ကို ရောမ​စစ်တပ် ဝိုင်းရံထား​ပြီး မြို့နဲ့ ဗိမာန်တော်ကို ဖျက်ဆီး​လိုက်​ချိန်​မှာ အဲဒီ​ကြိုဟောချက် ဦးဆုံး​အကြိမ် ပြည့်စုံခဲ့တယ်။—လု. ၂၁:၂၁၊ ၂၂။

2. Sawltak paul in Judea gam le Jerusalem khua a Khristiante bang thuhilhna na pia a hiam?

^၂ ဂျေရုဆလင်​မြို့ကို ရောမ​စစ်တပ် လာ​မ​ဝိုင်းရံ​ခင် နှစ်​အနည်းငယ်​အလိုမှာ​ပဲ ယုဒ​နယ်​နဲ့ ဂျေရုဆလင်​မြို့က ခရစ်ယာန်တွေ​ဆီ တမန်တော် ပေါလု စာရေးတယ်။ အဲဒီ​စာကို ဟီဘရူး​ကျမ်းလို့ အခု သိထားကြတယ်။ ရှေ့မှာ ဖြစ်လာမယ့်​အရာတွေအတွက် ဟီဘရူး​ခရစ်ယာန်တွေကို အသင့်​ဖြစ်နေ​စေ​မယ့် အကြံပြုချက်တွေ အဲဒီ​စာမှာ ပါတယ်။ ရှေ့မှာ ဘာတွေ ဖြစ်လာမလဲ။ ဂျေရုဆလင်​မြို့ ဖျက်ဆီးခံရမယ်။ အိမ်တွေ၊ စီးပွားရေး​လုပ်ငန်းတွေ စွန့်လွှတ်​နိုင်​မှ သူတို့ အသက်ရှင်​လွတ်မြောက်မယ်။ ဒါကြောင့် ဂျေရုဆလင်​မြို့​နဲ့ပတ်သက်ပြီး “ဒီ​နေရာမှာတော့ ကျွန်တော်တို့အတွက် တည်မြဲတဲ့​မြို့ မရှိဘူး” လို့ ပေါလု ပြောတယ်။ “နောင်​တည်​မယ့်​မြို့ကို​ပဲ စိတ်ထက်သန်စွာ ကျွန်တော်တို့ စောင့်မျှော်နေတယ်” လို့လည်း ဆက်ပြောတယ်။—ဟီ. ၁၃:၁၄။

3. Paul ii a gen “a hong piang lai ding khuapi” cih in bang a hiam? Bang hang in ngak i hiam?

^၃ ဂျေရုဆလင်​မြို့နဲ့ ယုဒနယ်က​နေ ထွက်ပြေးဖို့ ဆုံးဖြတ်ချိန်မှာ ခရစ်ယာန်တွေ လှောင်ပြောင်​ခံကြရ​ပုံ​ပဲ။ ဒါပေမဲ့ ထွက်ပြေးဖို့ ဆုံးဖြတ်​လို့သာ သူတို့ အသက်ဘေး​ကနေ လွတ်မြောက်သွားတာ။ ဒီနေ့ခေတ်မှာလည်း ကမ္ဘာ့​ပြဿနာတွေ ပြေလည်​ဖို့ လူကို​ကော ငွေကို​ပါ အားမကိုး​လို့ ကျွန်တော်တို့ လှောင်ပြောင်​ခံကြရတယ်။ လူနဲ့ ငွေကို ကျွန်တော်တို့ ဘာကြောင့် အားမကိုး​သလဲ။ ဒီလောကစနစ် မတည်မြဲ​ဘူး​ဆိုတာ သိထားလို့​ပါပဲ။ ဒါကြောင့် “နောင်​တည်​မယ့်​မြို့” ဖြစ်တဲ့ ဘုရားသခင့်​နိုင်ငံတော်ကို​ပဲ စောင့်မျှော်နေကြတယ်။ ဘုရားသခင့်​နိုင်ငံတော်ကသာ “စစ်မှန်တဲ့ အုတ်မြစ်တွေ ရှိတဲ့​မြို့” ဖြစ်တယ်။a (ဟီ. ၁၁:၁၀။ မ. ၆:၃၃) (၁) “နောင်​တည်​မယ့်​မြို့” ကို ပထမရာစု ခရစ်ယာန်တွေ ဆက်​စောင့်မျှော်​ဖို့ ပေါလုရဲ့ အကြံပြုချက်​က ဘယ်လို ကူညီပေးသလဲ၊ (၂) ရှေ့မှာ ဖြစ်လာမယ့်​အရာတွေအတွက် သူတို့ကို ပေါလု ဘယ်လို ပြင်ဆင်​ပေးသလဲ၊ (၃) ကျွန်တော်တို့ကို​ကော ပေါလုရဲ့ အကြံပြုချက်​က ဘယ်လို ကူညီပေးသလဲဆိုတာ ဒီဆောင်းပါးမှာ ဆွေးနွေး​သွားပါမယ်။

CIKMAH HUN IN HONG NUSIA NGEI LODING PA PEN MUANG IN

4. Jerusalem khua pen kum zalom masa lai-a khristiante adingin bang hang thupi a hiam?

^၄ ဂျေရုဆလင်​မြို့ဟာ ပထမရာစု ခရစ်ယာန်တွေ​အတွက် အရေးပါတယ်။ ဘာကြောင့်လဲ။ ဦးဆုံး ခရစ်ယာန်​အသင်းတော်ကို အေဒီ ၃၃၊ ဂျေရုဆလင်​မြို့မှာ တည်ထောင်​တယ်။ အုပ်ချုပ်ရေးအဖွဲ့ ရှိတာ​လည်း အဲဒီမြို့မှာ​ပဲ။ ဒါ့အပြင် ခရစ်ယာန်​များစွာဟာ ဂျေရုဆလင်​မြို့မှာ အိမ်နဲ့ ပိုင်ဆိုင်ရာတွေ ရှိကြတယ်။ ဒါပေမဲ့ ဂျေရုဆလင်​မြို့ကနေ​သာမက ယုဒနယ်က​နေပါ ထွက်သွားဖို့ နောက်လိုက်တွေကို ယေရှု သတိပေးတယ်။—မ. ၂၄:၁၆။

5. Mai lamah a hong piang ding thute ading Paul in kumzalom masa lai-a khristiante koi bangin kithawi kholsak a hiam?

^၅ ရှေ့မှာ ဖြစ်လာမယ့်​အရာတွေအတွက် ပထမရာစု ခရစ်ယာန်တွေကို ပေါလု ဘယ်လို ပြင်ဆင်​ပေးသလဲ။ ဂျေရုဆလင်​မြို့ကို ယေဟောဝါ ဘယ်လို ရှုမြင်ကြောင်း သဘောပေါက်ဖို့ ကူညီပေးတယ်။ ဂျေရုဆလင်​မြို့က ဗိမာန်တော်၊ ပုရောဟိတ်​အစီအစဉ်၊ ပူဇော်သက္ကာတွေ​ကို ယေဟောဝါ လက်မခံတော့​ကြောင်း သတိပေးတယ်။ (ဟီ. ၈:၁၃) ဒါ့အပြင် မြို့သား​အများစုက မေရှိယကို ငြင်းပယ်ခဲ့​ကြတယ်။ ဒါကြောင့် ဂျေရုဆလင် ဗိမာန်တော်ဟာ စင်ကြယ်တဲ့ ဝတ်ပြုရေးရဲ့ အချက်အချာ​နေရာ မဟုတ်တော့​တဲ့​အပြင် ဖျက်ဆီးခံရမယ်။—လု. ၁၃:၃၄၊ ၃၅။

6. Hebru 13:5, 6 a Paul’ gen pen Khristiante ading ba’hang a hun tawh a kituak lian thuhilhna hi a hiam?

^၆ ပေါလု စာရေးချိန်မှာ ဂျေရုဆလင်​မြို့ဟာ သိပ်​စည်ပင်​ဖွံ့ဖြိုး​နေတယ်။ “အရှေ့တိုင်း​ဒေသမှာ အကျော်ကြားဆုံး​မြို့” လို့ အဲဒီခေတ်က ရောမ​စာရေး​ဆရာ​တစ်ယောက် ပြောတယ်။ ပွဲတော်တွေ တက်ဖို့ နေရာ​ဒေသ​များစွာ​က ဂျူးတွေ တစ်နှစ်​သုံးကြိမ် ရောက်လာတတ်လို့ ဂျေရုဆလင်​မြို့ဟာ စီးပွား​ရှာ​လို့ သိပ်ကောင်းတယ်။ ခရစ်ယာန်​တချို့​လည်း စီးပွား​ဖြစ်နေကြ​ပုံ​ပဲ။ ဒါကြောင့် “ခင်ဗျားတို့ရဲ့ ဘဝမှာ ငွေ​တပ်မက်​တာကို ရှောင်ပါ။ ရှိတာလေးနဲ့ ရောင့်ရဲတင်းတိမ်ပါ” လို့ ပေါလု ပြောတာ ဖြစ်မယ်။ အဲဒီနောက် “မင်းတို့ကို ငါ ဘယ်တော့မှ ပစ်ထား​မှာ မဟုတ်ဘူး။ ဘယ်တော့မှ စွန့်ခွာ​မှာ မဟုတ်ဘူး” ဆိုတဲ့ ယေဟောဝါရဲ့ အာမခံချက် ပါတဲ့ ကျမ်းစကားကို ပေါလု ကိုးကား​တယ်။ (ဟီဘရူး ၁၃:၅၊ ၆ ကို ဖတ်ပါ။ တရား. ၃၁:၆။ ဆာ. ၁၁၈:၆) ဂျေရုဆလင်​မြို့နဲ့ ယုဒနယ်က ခရစ်ယာန်တွေ ဒီ​အာမခံချက်ကို သတိရဖို့ လိုအပ်​လာမယ်။ ဘာကြောင့်လဲ။ ဒီ​စာ ရပြီး သိပ်မကြာခင်မှာပဲ အိမ်တွေ၊ စီးပွားရေး​လုပ်ငန်းတွေ​နဲ့ ပိုင်ဆိုင်ရာ​အများစုကို သူတို့ စွန့်လွှတ်​ရတော့မှာ ဖြစ်လို့၊ နေရာသစ်မှာ ဘဝ​သစ် စ​ရတော့မှာ ဖြစ်လို့​ပါပဲ။

7. Tu-a kipanin Jehovah i muan ding bang hang kisam a hiam?

^၇ သင်ခန်းစာ။ မကြာခင် ဘာတွေ ဖြစ်လာမလဲ။ “ကြီးစွာသောဒုက္ခ” စတင်​မယ်။ ဒီလောကစနစ် ဖျက်ဆီးခံရမယ်။ (မ. ၂၄:၂၁) ပထမရာစု ခရစ်ယာန်တွေ​လိုပဲ ကျွန်တော်တို့ နိုးကြား​နေ​ရမယ်၊ အသင့်ဖြစ်နေရမယ်။ (လု. ၂၁:၃၄-၃၆) ကြီးစွာသောဒုက္ခအတွင်း ပိုင်ဆိုင်ရာ​တချို့ ဒါမှမဟုတ် အားလုံးကို စွန့်​ရနိုင်တယ်။ ကျွန်တော်တို့ကို ယေဟောဝါ ဘယ်တော့မှ မစွန့်ပစ်​ဘူး​ဆိုတာ အဲဒီအချိန်မှာ အပြည့်အဝ ယုံကြည်​နေဖို့ လိုတယ်။ ကြီးစွာသောဒုက္ခ မစတင်ခင် အခု​အချိန်မှာ​တောင် ယေဟောဝါကို အားကိုးကြောင်း ပြဖို့ အခွင့်အရေး ရှိပါတယ်။ ‘စည်းစိမ်​ကို မဟုတ်ဘဲ ယေဟောဝါကို အားကိုးကြောင်း ငါ့​လုပ်ရပ်တွေ၊ ပန်းတိုင်တွေ​မှာ ပေါ်လွင်နေ​ရဲ့​လား’ လို့ ဆန်းစစ်​ကြည့်ပါ။ (၁ တိ. ၆:၁၇) ပထမရာစု ခရစ်ယာန်တွေ​ဆီ​က သင်ခန်းစာ ယူ​နိုင်​တာ မှန်ပေမဲ့ “ကြီးစွာသောဒုက္ခ” ဟာ သူတို့ ကြုံခဲ့​သမျှ​ထက် အများကြီး ပို​ခက်ခဲ​မယ်။ ကြီးစွာသောဒုက္ခ စတင်တဲ့အခါ ဘာ​လုပ်ရမယ်ဆိုတာ ဘယ်လို သိ​မလဲ။

HONG MAKAITE THU MANG IN

8. Jesuh in a nungzuite kiangah bang lamlahna pia a hiam?

^၈ ပေါလုဆီကနေ စာ​ရပြီး နှစ်​အနည်းငယ်​အကြာမှာ​ပဲ ဂျေရုဆလင်​မြို့ကို ရောမ​စစ်တပ် ဝိုင်းရံ​တာ ဟီဘရူး​ခရစ်ယာန်တွေ မြင်ရတယ်။ ထွက်ပြေး​ရမယ့်​အချိန် ရောက်ပြီ၊ ဂျေရုဆလင်​မြို့ ဖျက်ဆီး​ခံရတော့မယ်​ဆိုတဲ့ နိမိတ် ဖြစ်မှန်း သူတို့ သိလိုက်တယ်။ (မ. ၂၄:၃။ လု. ၂၁:၂၀၊ ၂၄) ဒါပေမဲ့ “ယုဒနယ်မှာ နေတဲ့သူတွေ တောင်ပေါ်​ကို ပြေးကြ” လို့​ပဲ ယေရှု ပြောခဲ့တာ။ (လု. ၂၁:၂၁) အဲဒီဒေသမှာ တောင်​အများကြီး​ပဲ။ ဘယ်​တောင်ပေါ် ပြေး​မလဲ။

9. Khristiante in a tai nading uh mual thu ba’hang ngaihsun kha thei a hiam? (Gam lim zong en in.)

^၉ ခရစ်ယာန်တွေ ပြေး​နိုင်​တဲ့ တောင်​တချို့ စဉ်းစားကြည့်ပါ။ ရှမာရိ​တောင်တန်း၊ ဂါလိလဲ​တောင်တန်း၊ ဟေရမုန်​တောင်၊ လက်ဘနွန်​တောင်တန်း၊ ဂျော်ဒန်​မြစ်​တစ်ဖက်​ကမ်း​က တောင်တန်း စသဖြင့် ရှိတယ်။ (မြေပုံ​ကို ကြည့်ပါ။) အဲဒီ​တောင်တန်း​ဒေသက မြို့​တချို့ဟာ ဘေးကင်းတယ်လို့ ထင်​စရာ​ပဲ။ ဥပမာ၊ ဂမ်လာ​မြို့ဟာ မြင့်မားတဲ့ တောင်ရိုး​ပေါ်မှာ တည်ရှိလို့ သွားရေးလာရေး တော်တော်​ခက်တယ်။ ဒါကြောင့် အဲဒီမြို့မှာ သွား​ခိုလှုံ​ရင် ဘေးကင်းမယ်​လို့ ဂျူး​တချို့ ယူဆကြတယ်။ ဒါပေမဲ့ ဂမ်လာ​မြို့မှာ ဂျူးတွေနဲ့ ရောမတွေ တိုက်ပွဲ အပြင်းအထန် ဖြစ်သွား​လို့ အဲဒီမြို့က လူအများကြီး သေဆုံးသွားတယ်။b

10-11. (a) Jehovah in Khristiante koi bangin lamlahna na pia a hiam? (Hebru 13:7, 17) (b) Hong makaite thu manna hangin Khristiante’n bang hamphatna na ngah uh a hiam?(Lim zong en in.)

^၁၀ အသင်းတော်ကို ဦးဆောင်နေသူ​တွေ​ကတစ်ဆင့် ခရစ်ယာန်တွေကို ယေဟောဝါ လမ်းညွှန်​ခဲ့​ပုံ​ပါပဲ။ “ဦးဆောင်နေသူ​တွေ​ကတစ်ဆင့် ဂျေရုဆလင်​မြို့မှာ ရှိတဲ့ ခရစ်ယာန်တွေကို ဘုရားသခင် လမ်းညွှန်တယ်။ စစ်​မဖြစ်ခင် မြို့ထဲကနေ ထွက်​ပြီး ပေရိယ​နယ်၊ ပဲလ္လ​မြို့မှာ သွား​အခြေချ​ဖို့ . . . သူတို့ လမ်းညွှန်​ခံရတယ်” လို့ သမိုင်း​ပညာရှင် ယူစီးဘီးယပ်စ် ပြောတယ်။ ပဲလ္လ​မြို့ဟာ ခရစ်ယာန်တွေ သွား​အခြေချ​ဖို့ နေရာကောင်း​ပါပဲ။ ဂျေရုဆလင်​မြို့နဲ့ သိပ်​မဝေး​လို့ သွားဖို့ လွယ်တယ်။ ပဲလ္လ​မြို့သား​အများစုဟာ ဂျူးတွေ မဟုတ်ဘူး။ ဒါကြောင့် လွတ်လပ်ရေး​အတွက် ရောမတွေကို ပြန်​တိုက်ခိုက်တဲ့ တစ်ယူသန်​ဂျူးတွေရဲ့ ဩဇာ​ကနေ၊ တိုက်ပွဲ​ကနေ လွတ်ကင်း​တဲ့ နယ်မြေ ဖြစ်တယ်။—မြေပုံ​ကို ကြည့်ပါ။

^၁၁ “ဦးဆောင်နေသူ​တွေ” ကို နာခံ​တဲ့ ခရစ်ယာန်တွေဟာ ပဲလ္လ​မြို့ကို ထွက်ပြေး​ကြတယ်။ (ဟီဘရူး ၁၃:၇၊ ၁၇ ကို ဖတ်ပါ။) ဒါကြောင့် သူတို့ အသက်ရှင်​လွတ်မြောက်သွားကြတယ်။ “စစ်မှန်တဲ့ အုတ်မြစ်တွေ ရှိတဲ့​မြို့” ဖြစ်တဲ့ ဘုရားသခင့်​နိုင်ငံတော်ကို စောင့်မျှော်​သူတွေကို ယေဟောဝါ မစွန့်ပစ်​ကြောင်း သမိုင်းက သက်သေပါပဲ။—ဟီ. ၁၁:၁၀။

12-13. Haksatna hun sungah Jehovah in a mite koi bangin na lamlak a hiam?

^၁၂ သင်ခန်းစာ။ မိမိလူမျိုးကို သတ်သတ်မှတ်မှတ် လမ်းညွှန်ချက်တွေ ပေးဖို့ ဦးဆောင်နေသူ​တွေ​ကို ယေဟောဝါ သုံးတယ်။ ဒုက္ခ​ကာလအတွင်း လူမျိုးတော်ကို လမ်းပြ​ဖို့ သိုးထိန်း​တွေ ပေါ်ထွန်း​စေ​ကြောင်း ကျမ်းမှတ်တမ်း​အများကြီး ရှိတယ်။ (တရား. ၃၁:၂၃။ ဆာ. ၇၇:၂၀) ဒီနေ့ခေတ်မှာလည်း ဦးဆောင်နေသူ​တွေ​ကို သုံးပြီး လမ်းပြ​နေတဲ့ အထောက်အထား အများကြီး​ပါပဲ။

^၁၃ ဥပမာ၊ ကိုဗစ်-၁၉ ကပ်ရောဂါ​ကာလ စတင်ချိန်​မှာ “ဦးဆောင်နေသူ​တွေ” က လိုအပ်တဲ့ လမ်းညွှန်ချက်တွေ ပေးတယ်။ ဘယ်လို ဆက်​စည်းဝေး​ဝတ်ပြုရမလဲ​ဆိုတာနဲ့ပတ်သက်ပြီး အကြီးအကဲတွေကို ညွှန်ကြားတယ်။ ကပ်ရောဂါ​ကာလ စတင်ပြီး လအနည်းငယ်​အတွင်းမှာပဲ အင်တာနက်၊ တီဗီ၊ ရေဒီယို​ကတစ်ဆင့် ဘာသာစကား ၅၀၀ ကျော်​နဲ့ ကြည့်ရှု​နားဆင်​နိုင်​တဲ့ ခရိုင်​အစည်းအဝေး​အစီအစဉ် ရှိခဲ့တယ်။ ဒီလို​ခရိုင်​အစည်းအဝေး​မျိုး တစ်ခါမှ မရှိဖူးဘူး။ ကပ်ရောဂါ​ကာလအတွင်းမှာ​တောင် အချိန်တန် အစားအစာနဲ့ လမ်းညွှန်ချက်တွေ ပြတ်တောက်​မ​သွား​လို့ ကျွန်တော်တို့ ဆက်​စည်းလုံး​နေကြတယ်။ အနာဂတ်မှာ​လည်း ဘာအခက်အခဲ​ပဲ ကြုံ​လာပါစေ ဦးဆောင်နေသူ​တွေ ဆုံးဖြတ်ချက်ကောင်း ချနိုင်ဖို့ ယေဟောဝါ ဆက်​ကူညီပေးမယ်​ဆိုတာ စိတ်ချနိုင်တယ်။ ကြီးစွာသောဒုက္ခ​အတွက် အသင့်ဖြစ်နေဖို့၊ အဲဒီ​ကာလအတွင်း သတိပညာရှိရှိ ပြုမူ​နိုင်ဖို့ ယေဟောဝါကို အားကိုး​ရမယ်၊ လမ်းညွှန်ချက်တွေ နာ​ခံရမယ်ဆိုတာ ရှင်းနေပါတယ်။ ဒါ့အပြင် တခြား​ဘာအရည်အသွေးတွေ လိုအပ်​သေးသလဲ။

UNAU KI-ITNA LAK INLA ZIN DO SIAM IN

14. Jerusalem khuapi a kisuksiat ma kumte-ah Khristiante’n bang pianziate a neih uh kul a hiam? (Hebru 13:1-3)

^၁၄ ဂျေရုဆလင်​မြို့နဲ့ ယုဒနယ်က ခရစ်ယာန်တွေဟာ အချင်းချင်း အမြဲ မေတ္တာ​ပြကြတယ်။ (ဟီ. ၁၀:၃၂-၃၄) ဒါပေမဲ့ ဂျေရုဆလင်​မြို့ ဖျက်ဆီး​မခံ​ရင်​ခင် နှစ်တွေ​မှာတော့ တစ်ခါ​နဲ့​မှ မတူတဲ့ အတိုင်းအတာနဲ့ “ညီရင်း​အစ်ကို​မေတ္တာ” ပြဖို့၊ “ဧည့်ဝတ်​ကျေပွန်” ဖို့ လိုခဲ့တယ်။c (ဟီဘရူး ၁၃:၁-၃ ကို ဖတ်ပါ။) ကျွန်တော်တို့လည်း ကြီးစွာသောဒုက္ခ စတင်တဲ့အခါ အချင်းချင်း အရင်ကထက် မေတ္တာ​ပြဖို့၊ ဧည့်ဝတ်​ကျေပွန်​ဖို့ ပို​လို​လာမယ်။

15. Hebru khristiante mual tungah a tai khit uh ciang unau ki-itna lak ding, le zin do siam ding bang hangin kisam a hiam?

^၁၅ ဂျေရုဆလင်​မြို့ကို ရောမ​စစ်တပ် ဝိုင်းရံပြီး​နောက် ရုတ်တရက် တပ်ဆုတ်​သွားချိန်​မှာ ခရစ်ယာန်တွေ ထွက်ပြေးဖို့ အခွင့်အရေး ရသွားတယ်။ ဒါပေမဲ့ ပစ္စည်း​များများစားစား ယူ​မ​သွား​နိုင်​ကြ​ဘူး။ (မ. ၂၄:၁၇၊ ၁၈) တောင်ပေါ် ထွက်ပြေးတဲ့ လမ်းမှာ​ကော ပဲလ္လ​မြို့မှာ အခြေချ​တဲ့​အချိန်မှာ​ပါ အချင်းချင်း အားကိုး​ကြရတယ်။ စားစရာ၊ ဝတ်စရာ၊ နေစရာ “အရေးပေါ် လိုအပ်ချိန်” အများကြီး ရှိလို့ ညီရင်း​အစ်ကို​မေတ္တာ​ပြဖို့ အခွင့်အရေး ရကြ​မှာ​ပဲ။ အချင်းချင်း ဖေးမ​ရင်း၊ ရှိတာ​လေး​တွေ ဝေမျှ​ရင်း ဧည့်ဝတ်​ကျေပွန်ကြောင်း ပြဖို့ အခွင့်အရေး ရကြ​မှာ​ပဲ။—တိ. ၃:၁၄။

16. Huhna a kisam unaute koi bangin itna lak thei i hiam? (Lim zong en in.)

^၁၆ သင်ခန်းစာ။ ညီအစ်ကို/မတွေကို ကျွန်တော်တို့ ချစ်တဲ့အတွက် လိုအပ်ချိန်​မှာ ကူညီပေးကြတယ်။ စစ်​ဘေး၊ သဘာဝ​ဘေးကြောင့် နေရပ်​စွန့်ခွာ​လာရတဲ့ ယုံကြည်သူချင်းတွေ​ကို ညီအစ်ကို/မများစွာ​က လိုအပ်တာတွေ စေတနာ​အပြည့်​နဲ့ ထောက်ပံ့​ကြတယ်။ ယေဟောဝါကို ဆက်​ဝတ်ပြုနိုင်ဖို့ အားပေးကြတယ်။ “ညီအစ်ကိုတွေက​တစ်ဆင့် ယေဟောဝါ လမ်းပြ​တာ၊ ကူညီပေးတာ ကျွန်မတို့ ကိုယ်တွေ့​ပါပဲ။ ယူကရိန်း​နဲ့ ဟန်ဂေရီ​မှာ​တုန်းက​ကော အခု ဂျာမနီ​နိုင်ငံ ရောက်လာချိန်​မှာ​ပါ ညီအစ်ကို/မတွေ​က ကျွန်မတို့​အပေါ် သိပ်​နွေးထွေး​ကြတယ်၊ ဖေးမ​ကူညီပေးကြတယ်” ဆိုပြီး စစ်ကြောင့် နေရပ်​စွန့်ခွာ​ခဲ့​ရတဲ့ ယူကရိန်း​နိုင်ငံက ညီအစ်မ ပြောတယ်။ ညီအစ်ကို/မတွေကို ဧည့်ဝတ်ပြု​တာ၊ လိုအပ်တဲ့အခါ ကူညီပေးတာ​ဟာ ယေဟောဝါရဲ့​အသုံးတော် ခံ​နေတာပါ​ပဲ။—ပညာ. ၁၉:၁၇။ ၂ ကော. ၁:၃၊ ၄။

17. Tu hun a kipan unau ki-itna lah ding le zin do siam ding ba’hang thipi a hiam?

^၁၇ ကြီးစွာသောဒုက္ခအတွင်း အချင်းချင်း အခု​ထက် ကူညီပေးဖို့ ပို​လိုအပ်​လာမယ်။ (ဟဗ. ၃:၁၆-၁၈) အဲဒီအချိန်မှာ သိပ်​လိုအပ်​လာမယ့် ညီရင်း​အစ်ကို​မေတ္တာ၊ ဧည့်ဝတ်​ကျေပွန်​မှု စတဲ့ အရည်အသွေးတွေ ရှိဖို့ ကျွန်တော်တို့ကို ယေဟောဝါ အခုကတည်းက လေ့ကျင့်ပေးနေတယ်။

I MAILAM AH BANG TENG HONG PIANG DING A HIAM?

18. Kum zalom masa lai-a Khristiante koi bangin etteh thei i hiam?

^၁၈ နာခံမှု​ရှိရှိ တောင်ပေါ် ပြေးတဲ့ ခရစ်ယာန်တွေဟာ ဂျေရုဆလင်​မြို့ ဖျက်ဆီး​ခံရချိန်မှာ အသက်ရှင်​လွတ်မြောက်သွားကြတယ်။ သူတို့ အရာရာ စွန့်ခဲ့​ရပေမဲ့ သူတို့ကို ယေဟောဝါ မစွန့်ဘူး။ ဘာ​သင်ခန်းစာ ရသလဲ။ အနာဂတ်မှာ ဖြစ်လာမယ့်​အရာအားလုံး ကျွန်တော်တို့ သိ​မထားဘူး။ ဒါပေမဲ့ ဘာတွေ သိထားသလဲ။ အသင့်ရှိ​နေပါ​ဆိုတဲ့ ယေရှုရဲ့ သတိပေးချက်ကို သိထားတယ်။ (လု. ၁၂:၄၀) ပထမရာစု ခရစ်ယာန်တွေကို ပေါလု ပေးတဲ့ အကြံပြုချက်တွေ သိထားတယ်။ အဲဒီ​အကြံပြုချက်တွေက သူတို့ကို ကူညီပေး​ခဲ့​သလို ကျွန်တော်တို့ကို ကူညီပေးနိုင်တယ်။ ဒါ့အပြင် ကျွန်တော်တို့ကို ဘယ်တော့မှ ပစ်ထား​မှာ မဟုတ်ဘူး၊ စွန့်ခွာ​မှာ မဟုတ်ဘူး​ဆိုတဲ့ ယေဟောဝါရဲ့ အာမခံချက်ကို သိထားတယ်။ (ဟီ. ၁၃:၅၊ ၆) ဒါကြောင့် တည်မြဲ​မယ့်​မြို့ ဖြစ်တဲ့ ဘုရားသခင့်​နိုင်ငံတော်ကို စိတ်ထက်သန်စွာ စောင့်မျှော်​ကြရအောင်။ ဒါဆိုရင် ထာဝရ​ကောင်းချီးတွေ ခံစားရပါလိမ့်မယ်။—မ. ၂၅:၃၄။