Kidop Ding Thupiaknate Limtakin Ngai In

1. Jesuh in a sawt lo-in bang sem ding a hiam?

အပြောင်းအလဲကြီးတွေ ဖြစ်မယ့်​ကာလမှာ ကျွန်တော်တို့ အသက်ရှင်နေကြတယ်။ ကမ္ဘာပေါ်မှာ ရှိသူတိုင်းကို ယေရှု မကြာခင် တရားစီရင်တော့မယ်။ တရားစီရင်ချိန် မရောက်ခင် ဘာတွေ ဖြစ်မယ်​ဆိုတာ တပည့်တွေ သိစေ​မယ့် “နိမိတ်” ကို ယေရှု ပေးတယ်။ မိမိ ရောက်ရှိနေ​ပြီ၊ “လောကစနစ် နိဂုံးပိုင်း​ကို ရောက်နေပြီ​ဆိုတဲ့ နိမိတ်” ပါ။ (မ. ၂၄:၃) ဒါကို မဿဲ အခန်းကြီး ၂၄ နဲ့ ၂၅၊ မာကု အခန်းကြီး ၁၃ နဲ့ လုကာ အခန်းကြီး ၂၁ မှာ မှတ်တမ်းတင်ထားတယ်။

2. Hih thulu-ah bang thu kikum ding i hiam? Thugentehnate in bang pen hong theitelsak a hiam?

^၂ ပုံဥပမာ​သုံးခုကို သုံးပြီး ယေရှု သတိပေးတယ်။ သိုးနဲ့ ဆိတ် ပုံဥပမာ၊ အပျိုစင် ပုံဥပမာ၊ တဲလင့် ပုံဥပမာ​တို့ ဖြစ်တယ်။ လူတစ်ယောက်စီရဲ့ လုပ်ရပ်ကို အခြေခံပြီး ယေရှု တရားစီရင်မယ်ဆိုတာ ပုံဥပမာ​တစ်ခုစီက နားလည်စေတယ်။ ပုံဥပမာတွေ​နဲ့ သင်ခန်းစာ​တွေ​အကြောင်း ဒီဆောင်းပါးမှာ ဆွေးနွေးကြပါမယ်။ သိုးနဲ့ ဆိတ် ပုံဥပမာကို အရင်ဆုံး ဆွေးနွေး​ကြရအောင်။

TUU LE KEEL

3. Jesuh in bang hun ciangin thu khen ding a hiam?

^၃ သတင်းကောင်း ကြား​ခွင့်​ရသူတွေ သတင်းကောင်းကို ဘယ်လို တုံ့ပြန်သလဲ၊ ဘိသိက်ခံ ညီတွေကို ထောက်မ​ခွင့်​ရသူတွေ ထောက်မ​သ​လား၊ မထောက်မ​သ​လား​ဆိုတာကို အခြေခံပြီး တရားစီရင်​မယ်​လို့ သိုးနဲ့ ဆိတ် ပုံဥပမာ​မှာ ယေရှု ပြောတယ်။ (မ. ၂၅:၃၁-၄၆) “ကြီးစွာသောဒုက္ခ” အတွင်း၊ အာမဂေဒုန် မရောက်ခင်​လေး​မှာ တရားစီရင်​မှာ ဖြစ်တယ်။ (မ. ၂၄:၂၁) သိုးထိန်း​က သိုးနဲ့ ဆိတ်​ကို ခွဲ​သလို ဘိသိက်ခံတွေကို သစ္စာရှိရှိ ထောက်မ​သူ​တွေ​နဲ့ မထောက်မ​သူတွေကို ယေရှု ခွဲမယ်။

4. Jesuh in mihingte tungah thumanna tawh thu khen ding cih bang hangin muang thei i hiam? (Isaiah 11:3, 4) (Lim zong en in.)

^၄ ယေဟောဝါ​ဘုရား ခန့်အပ်ထားတဲ့ တရားသူကြီး ယေရှု မျှမျှတတ တရားစီရင်​မယ့်​အကြောင်း ကျမ်းစာမှာ ကြိုဟောထားတယ်။ (ဟေရှာယ ၁၁:၃၊ ၄ ကို ဖတ်ပါ။) လူတွေရဲ့ လုပ်ရပ်၊ သဘောထား၊ အပြောအဆိုကို ယေရှု စောင့်ကြည့်နေတယ်။ ဘိသိက်ခံ ညီတွေကို ဘယ်လို ဆက်ဆံ​နေသလဲ စောင့်ကြည့်နေတယ်။ (မ. ၁၂:၃၆၊ ၃၇။ ၂၅:၄၀) ဒါကြောင့် ဘိသိက်ခံ ညီတွေ​နဲ့ သူတို့ရဲ့ လုပ်ငန်းကို ဘယ်သူတွေ ထောက်မ​သလဲ ယေရှု သိနေမယ်။a ဟောပြောခြင်း​လုပ်ငန်းမှာ ထောက်မပေး​တာ​ဟာ ဘိသိက်ခံ ညီတွေကို ထောက်မနိုင်​တဲ့ အရေးကြီးဆုံး နည်း​တစ်နည်းပါပဲ။ ဘိသိက်ခံ ညီတွေကို ထောက်မ​သူ​တွေ​ဟာ “ဖြောင့်မတ်သူတွေ” အဖြစ် တရားစီရင်​ခံရမယ်။ မြေကြီးပေါ်မှာ “ထာဝရ​အသက်” ရဖို့ အ​ခွင့်​အ​လမ်း ရှိမယ်။ (မ. ၂၅:၄၆။ ဗျာ. ၇:၁၆၊ ၁၇) သိပ်ကောင်းတဲ့ ဆု​ကျေးဇူးပါပဲ။ ကြီးစွာသောဒုက္ခအတွင်း​မှာ​ကော ပြီးနောက်မှာ​ပါ သစ္စာရှိနေရင် “အသက်​စာစောင်မှာ” နာမည် ဆက်ရှိနေမယ်။—ဗျာ. ၂၀:၁၅။

5. Tuu le keel thugentehna pan bang sin thei i hiam? Kuate tawh kisai a hiam?

^၅ သစ္စာရှိကြောင်း သက်သေပြပါ။ သိုးနဲ့ ဆိတ် ပုံဥပမာ​ဟာ မြေကြီးပေါ် အသက်ရှင်ဖို့ မျှော်လင့်ချက် ရှိသူတွေနဲ့ အဓိက သက်ဆိုင်တယ်။ ယုံကြည်ခြင်း ရှိကြောင်း သူတို့ ဘယ်လို ပြကြသလဲ။ ဟောပြောခြင်း​လုပ်ငန်းမှာ ခရစ်တော်ရဲ့ ညီတွေကို ထောက်မခြင်း၊ ယေရှု ရွေးချယ်ထားတဲ့ ဘိသိက်ခံ ညီအစ်ကို​အုပ်စု​လေး​ရဲ့ ဦးဆောင်မှု​ကို သစ္စာရှိရှိ လက်အောက်ခံခြင်းအားဖြင့်​ပါ။ (မ. ၂၄:၄၅) ကောင်းကင်သွားဖို့ မျှော်လင့်ချက် ရှိသူတွေလည်း သိုးနဲ့ ဆိတ် ပုံဥပမာ​မှာ ပါတဲ့ သတိပေးချက်ကို အာရုံစိုက်ဖို့ လိုတယ်။ ဘာကြောင့်လဲ။ သူတို့ရဲ့ လုပ်ရပ်၊ သဘောထား၊ အပြောအဆိုကို​လည်း ယေရှု သတိပြု​နေလို့ပါ​ပဲ။ သစ္စာရှိကြောင်း သူတို့လည်း သက်သေပြရမယ်။ မဿဲ အခန်းကြီး ၂၅ မှာ​ပဲ နောက်ထပ် ပုံဥပမာ​နှစ်ခုကို ယေရှု ပြောထားတယ်။ အဲဒီ​ပုံဥပမာတွေ​မှာတော့ ဘိသိက်ခံတွေအတွက် သတ်သတ်မှတ်မှတ် သတိပေးချက်​တွေ ပါတယ်။ အခု၊ အပျိုစင် ပုံဥပမာကို သုံးသပ်ကြည့်​ရအောင်။

NUNGAK PILTE LE NUNGAK HAITE

6. Nungak mi nga pen bang hangin pil kici thei a hiam? (Matthai 25:6-10)

^၆ အပျိုစင် ပုံဥပမာ​မှာ သတို့သား​ကို ထွက်ကြို​တဲ့ အပျိုစင်ဆယ်ယောက်​အကြောင်း ယေရှု ပြောတယ်။ (မ. ၂၅:၁-၄) သတို့သားနဲ့​အတူ ဧည့်ခံ​ကျွေးမွေးတဲ့ နေရာကို ဝင်ဖို့ သူတို့အားလုံး မျှော်လင့်​ထား​ကြ​တာ။ အပျိုစင်​ငါး​ယောက်​က “သတိပညာရှိ​တယ်။” ငါး​ယောက်​က “ဉာဏ်​မရှိဘူး။” သတိပညာရှိတဲ့ အပျိုစင်တွေ​က ပြင်ဆင်​စ​ရာ ရှိတာ ပြင်ဆင်ထားတယ်၊ နိုးကြားတယ်။ သတို့သား ညနက်​မှ ရောက်လာ​ရင်တောင် ဘယ်လောက် စောင့်​ရ စောင့်​ရ စောင့်ဖို့ အသင့်​ပဲ။ ဒါကြောင့် မှောင်ရင် ထွန်းဖို့ မီးခွက် ယူသွားတယ်။ သတို့သား နောက်ကျ​မှ ရောက်လာ​ခဲ့ရင်​လို့ တွေးပြီး ဆီ​အပို​တောင် ယူသွားတယ်။ မီးငြိမ်း​မသွားဖို့ ကြိုတင်​ပြင်ဆင်ထား​ကြ​တာ​ပဲ။ (မဿဲ ၂၅:၆-၁၀ ကို ဖတ်ပါ။) သတို့သား ရောက်လာတော့ သတိပညာရှိတဲ့ အပျိုစင်တွေ​က သတို့သားနဲ့​အတူ ဧည့်ခံကျွေးမွေးတဲ့ နေရာကို ဝင်သွားတယ်။ အဲဒီလိုပဲ ဘိသိက်ခံ ခရစ်ယာန်တွေဟာ ယေရှု ရောက်လာချိန်​အထိ နိုး​ကြားနေခြင်း၊ သစ္စာ​ရှိနေခြင်းအားဖြင့် အသင့်ရှိ​နေ​ရင် သတို့သား ယေရှုနဲ့​အတူ ကောင်းကင်​နိုင်ငံတော် ဝင်ထိုက်​သူ​တွေ​အဖြစ် တရားစီရင်​ခံကြရမယ်။b (ဗျာ. ၇:၁-၃) ဉာဏ်​မရှိတဲ့ အပျိုစင်​ငါး​ယောက်​ကော။

7. Nungak hai minga tungah bang thu piang a hiam? Bang hang hiam?

^၇ သတိပညာရှိတဲ့ အပျိုစင်တွေ​နဲ့ မတူဘဲ ဉာဏ်​မရှိတဲ့ အပျိုစင်​ငါး​ယောက်​ဟာ သတို့သား ရောက်လာချိန်​မှာ အသင့်ရှိ​မနေဘူး။ သူတို့​မီးခွက် ငြိမ်းတော့မယ်။ ဆီ​အပို ပါ​မလာဘူး။ သတို့သား ရောက်တော့မယ်လို့ သိ​လိုက်ရ​ချိန်​မှ ဆီ​သွား​ဝယ်​ရတယ်။ သတို့သား ရောက်လာချိန်​မှာ သူတို့ ပြန်​မရောက်သေးဘူး။ အဲဒီအချိန်မှာ “အသင့်ရှိ​နေတဲ့ အပျိုစင်တွေ​က သတို့သားနဲ့​အတူ ဧည့်ခံ​ကျွေးမွေးတဲ့ နေရာကို ဝင်သွားတယ်။ အဲဒီနောက် တံခါးပိတ်​သွားတယ်။” (မ. ၂၅:၁၀) ဉာဏ်​မရှိတဲ့ အပျိုစင်တွေ ပြန်ရောက်လာ​ပြီး အထဲ ဝင်​မယ် လုပ်တော့ “ခင်ဗျားတို့ကို ကျွန်တော် လုံးဝ မသိဘူး” လို့ သတို့သား ပြောတယ်။ (မ. ၂၅:၁၁၊ ၁၂) သတို့သား​ကို ဘယ်လောက် စောင့်​ရ စောင့်​ရ စောင့်ဖို့ ပြင်ဆင်​မထား​ပဲ​ကိုး။ ဘိသိက်ခံတွေ ဘာ​သင်ခန်းစာ ယူနိုင်သလဲ။

8-9. Nungak thugentehna pan sathau nilh te’n bang sin thei uh a hiam? (Lim zong en in.)

^၈ အသင့်ရှိကြောင်း၊ နိုးကြား​ကြောင်း သက်သေပြပါ။ ဒီလောကစနစ်​အဆုံးအထိ စောင့်ဖို့ အသင့်ရှိ​နေတဲ့ ဘိသိက်ခံ၊ အသင့်ရှိ​မနေတဲ့ ဘိသိက်ခံ​ဆိုပြီး အုပ်စု​နှစ်စု ရှိမယ်လို့ ယေရှု ပြောနေတာ မဟုတ်ပါဘူး။ ဘိသိက်ခံတွေ အဆုံးထိ သစ္စာရှိရှိ ခံရပ်​မနေ​ရင်၊ အသင့်​ရှိမနေရင် ဘာဖြစ်မယ်ဆိုတာ ရှင်းပြ​နေတာပါ။ အသင့်​ရှိမနေရင် သူတို့ ဆုကျေးဇူး ရမှာ မဟုတ်ဘူး။ (ယော. ၁၄:၃၊ ၄) သိပ်​အရေးကြီးတဲ့ သင်ခန်းစာပါပဲ။ မြေကြီးပေါ် အသက်ရှင်ဖို့ မျှော်လင့်ချက် ရှိသည်ဖြစ်စေ၊ ကောင်းကင်သွားဖို့ မျှော်လင့်ချက် ရှိသည်ဖြစ်စေ အပျိုစင် ပုံဥပမာ​မှာ ပါတဲ့ သတိပေးချက်ကို ကျွန်တော်တို့​အားလုံး အာရုံစိုက်သင့်​တယ်။ ယောက်တိုင်း အဆုံးထိ နိုးကြား​နေ​ရမယ်၊ အသင့်​ရှိနေရမယ်၊ ခံနိုင်ရည် ရှိရမယ်။—မ. ၂၄:၁၃။

^၉ အသင့်ရှိ​နေဖို့၊ နိုး​ကြားနေဖို့ အရေးကြီးကြောင်း အပျိုစင် ပုံဥပမာ​မှာ ယေရှု ပြောပြီးနောက် တဲလင့် ပုံဥပမာကို ဆက်ပြောတယ်။ တဲလင့် ပုံဥပမာ​ကတော့ အလုပ်​ကြိုးစားဖို့ အရေးကြီးကြောင်း အလေးပေးထားတယ်။

SUM

10. Nasem mi nih pen citak ahihlam bang hang kigen thei a hiam? (Matthai 25:19-23)

^၁၀ တဲလင့် ပုံဥပမာ​မှာ သခင်​အပေါ် သစ္စာရှိတဲ့ ကျွန်​နှစ်ယောက်​နဲ့ သစ္စာ​မရှိတဲ့ ကျွန်​တစ်ယောက်​အကြောင်း ယေရှု ပြောတယ်။ (မ. ၂၅:၁၄-၁၈) သခင်​က တိုင်းတစ်ပါး မသွားခင် ကျွန်တွေကို ငွေ​အများကြီး အပ်​ခဲ့တယ်။ ကျွန်​နှစ်ယောက်က သခင် စီးပွား​တက်ဖို့ အလုပ်​ကြိုးစားခြင်း၊ အပ်​ခဲ့​တဲ့ ငွေတွေကို အကျိုးရှိရှိ သုံးခြင်းအားဖြင့် သစ္စာရှိကြောင်း ပြတယ်။ ဒါကြောင့် သခင် ပြန်လာ​ချိန်​မှာ ငွေ​နှစ်ဆ ဖြစ်နေပြီ။ သခင် ချီးမွမ်း​တာ ခံရတယ်။ “သခင်​နဲ့​အတူ ဝမ်းမြောက်” ရတယ်။ (မဿဲ ၂၅:၁၉-၂၃ ကို ဖတ်ပါ။) တတိယ​ကျွန်​ကော သခင် အပ်​ခဲ့​တဲ့ ငွေတွေကို ဘာလုပ်သလဲ။

11. “A thadah nasem pa” thungah bang thu piang a hiam? Bang hang hiam?

^၁၁ တစ်​တဲလင့် ရတဲ့ တတိယ​ကျွန်ကတော့ “ကျွန်ပျင်း” ပါ။ သခင်​က အပ်​ခဲ့​တဲ့ ငွေတွေကို အကျိုးရှိရှိ သုံး​စေချင်တယ်။ ဒါပေမဲ့ သူက ငွေတွေကို မြေကြီး​ထဲ မြှုပ်ထားလိုက်တယ်။ သခင် ပြန်လာ​ချိန်​မှာ တစ်​တဲလင့်​ပဲ ပြန်အပ်​နိုင်တယ်။ အဲဒီ​ကျွန်ဟာ စိတ်ဓာတ်​လည်း မကောင်းဘူး။ သခင် စီးပွား​တက်အောင် မ​လုပ်မိတာကို မ​တောင်းပန်​တဲ့​အပြင် “မညှာမတာ ခိုင်း​တတ်” တဲ့ သခင်​လို့ ပြောတယ်။ ဒါကြောင့် သခင့်​မျက်နှာသာ မရဘူး။ အပ်ထားတဲ့ တစ်​တဲလင့် အသိမ်းခံရတယ်။ သခင့်​အိမ်ကနေ ဆွဲထုတ်​ခံရတယ်။—မ. ၂၅:၂၄၊ ၂၆-၃၀။

12. A citak nasem mi nih in kuate etsakna hi a hiam?

^၁၂ သစ္စာရှိတဲ့ ကျွန်​နှစ်ယောက်​ဟာ သစ္စာရှိတဲ့ ဘိသိက်ခံ ခရစ်ယာန်တွေကို ကိုယ်စားပြုတယ်။ “[မိမိ] နဲ့​အတူ ဝမ်းမြောက်” ဖို့ သူတို့ကို သခင် ယေရှု ပြောတယ်။ ပထမ ရှင်ပြန်ထမြောက်ခြင်း​ဆိုတဲ့ ကောင်းကင်​ဆုကျေးဇူးကို သူတို့ ရကြတယ်။ (မ. ၂၅:၂၁၊ ၂၃။ ဗျာ. ၂၀:၅​က) ကျွန်ပျင်း​ရဲ့ မကောင်းတဲ့ နမူနာ​ကလည်း ဘိသိက်ခံတွေအတွက် သတိပေးချက်​ပါပဲ။ ဘယ်လိုနည်းနဲ့လဲ။

13-14. Sum thugentehna pan sathau nilh te’n bang sin thei uh a hiam? (Lim zong en in.)

^၁၃ အလုပ်​ကြိုးစား​ကြောင်း၊ ဝီရိယ​ရှိကြောင်း သက်သေပြပါ။ ဘိသိက်ခံတွေ ပျင်းရိ​သွားမယ်လို့ အပျိုစင် ပုံဥပမာ​က မဆိုလို​သလို တဲလင့် ပုံဥပမာ​ကလည်း မဆိုလိုပါဘူး။ ဇွဲလျော့​သွား​ရင် ဘာဖြစ်မယ်ဆိုတာ ယေရှု ရှင်းပြ​နေတာပါ။ ဇွဲလျော့​သွား​ရင် “ခေါ်တော်မူခြင်း​ခံရသူ၊ ရွေးချယ်ခံရသူတွေ​အဖြစ် သစ္စာရှိမြဲ” မရှိနိုင်တော့ဘူး။ ကောင်းကင်​နိုင်ငံတော် ဝင်ခွင့်​မရတော့ဘူး။—၂ ပေ. ၁:၁၀။

^၁၄ ဘိသိက်ခံ ခရစ်ယာန်​အားလုံး အသင့်​ရှိနေရမယ်၊ နိုးကြား​နေ​ရမယ်၊ အလုပ်​ကြိုးစားရမယ်၊ ဝီရိယ​ရှိရမယ်ဆိုတာ အပျိုစင် ပုံဥပမာနဲ့ တဲလင့် ပုံဥပမာ​က ရှင်းရှင်းလင်းလင်း ဖော်ပြတယ်။ ဘိသိက်ခံတွေကို ယေရှု သတိပေးတာ ရှိသေး​သ​လား။ ရှိပါတယ်။ ဘိသိက်ခံတွေကို နောက်ဆုံး တရားစီရင်ခြင်း​နဲ့ပတ်သက်ပြီး မဿဲ ၂၄:၄၀၊ ၄၁ မှာ သတိပေးထားတယ်။

KUATE “KILA” DING A HIAM?

15-16. Sathau nilh te’n pilvang taka a ngak ding uh a kisaplam Matthai 24:40, 41 in koi bangin kilangsak a hiam?

^၁၅ ပုံဥပမာ​သုံးခု မပြောခင် ဘိသိက်ခံတွေကို နောက်ဆုံး တရားစီရင်ခြင်း​နဲ့ပတ်သက်ပြီး ယေရှု ပြောတယ်။ လယ်မှာ အလုပ်လုပ်နေ​သူ​နှစ်ယောက်​နဲ့ ကြိတ်ဆုံ​ကြိတ်​နေတဲ့ အမျိုး​သမီးနှစ်ယောက်​အကြောင်းပါ။ အလုပ်​တစ်မျိုးတည်းကို နှစ်ယောက် အတူတူ လုပ်နေ​ပုံ​ရပေမဲ့ “တစ်ယောက်ကို ခေါ်သွားပြီး တစ်ယောက်ကို​တော့ ထားခဲ့​လိမ့်မယ်” လို့ ပြောတယ်။ (မဿဲ ၂၄:၄၀၊ ၄၁ ကို ဖတ်ပါ။) အဲဒီနောက် “သခင် ဘယ်​နေ့ လာမယ်​ဆိုတာ ခင်ဗျားတို့ မသိတဲ့အတွက် သတိနဲ့ စောင့်နေကြပါ” လို့ နောက်လိုက်တွေကို အားပေးတယ်။ (မ. ၂၄:၄၂) အပျိုစင် ပုံဥပမာ ပြောပြီးနောက်​မှာ​လည်း ခပ်ဆင်ဆင် စကားတွေနဲ့ ထပ်​အားပေးတယ်။ (မ. ၂၅:၁၃) ယေရှုရဲ့ စကားတွေ ဆက်စပ်မှု ရှိသလား။ ရှိ​ပုံ​ပါပဲ။ တကယ် ဘိသိက်ပေး​ခံရသူတွေ၊ သစ္စာရှိသူတွေ​ပဲ “ခေါ်သွား” ခံရမယ်။ ယေရှုနဲ့​အတူ ကောင်းကင်​နိုင်ငံတော် ဝင်ရမယ်။—ယော. ၁၄:၃။

^၁၆ သတိနဲ့ စောင့်နေကြောင်း သက်သေပြပါ။ သတိနဲ့ စောင့်​မနေတဲ့ ဘိသိက်ခံတွေ​ဟာ “ရွေးချယ်ခံရသူတွေ” နဲ့​အတူ စုသိမ်း​ခံရမှာ မဟုတ်ဘူး။ (မ. ၂၄:၃၁) ဘာမျှော်လင့်ချက်​ပဲ ရှိရှိ ဘုရား​ကျေးကျွန်​အားလုံး သတိနဲ့ စောင့်နေ​သင့်​တယ်၊ သစ္စာ​ရှိနေသင့်​တယ်။

17. Jehovah in a citak mi pawlkhat bang hunin sathau nilh, cih thu bang hang lunghihmawh kul lo a hiam?

^၁၇ ယေဟောဝါအကြောင်း ကျွန်တော်တို့ ကောင်းကောင်း သိလို့ စီရင်တော်မူချက်​တွေ​ကို ယုံကြတယ်။ သစ္စာရှိသူ​တချို့ကို ဒီ​နောက်ပိုင်း​နှစ်တွေ​မှ ဘိသိက်ပေး​ရင် ဘယ်လိုလုပ်​မလဲ​ဆိုပြီး စိတ်မပူကြဘူး။c စပျစ်ခြံ ပုံဥပမာ​မှာ ညနေ ၅ နာရီ​မှ အလုပ်​လာ​လုပ်​သူ​တွေ​နဲ့ပတ်သက်ပြီး ယေရှု ပြောတာကို ကျွန်တော်တို့ သတိရကြတယ်။ (မ. ၂၀:၁-၁၆) နောက်ကျ​မှ အလုပ်​လာ​လုပ်​သူ​တွေ​ကော စောစော အလုပ်​လာ​လုပ်​သူ​တွေ​ပါ လုပ်ခ တန်းတူ ရကြတယ်။ အဲဒီလိုပဲ ဘိသိက်ခံ​အဖြစ် ဘယ်အချိန်မှာ​ပဲ ရွေးချယ်ခံ​ရ​ပါ​စေ သစ္စာရှိနေရင် ကောင်းကင်​ဆုကျေးဇူး ရကြ​မှာ ဖြစ်တယ်။

KIDOP DING THUPIAKNATE LIMTAKIN NGAI IN

18-19. Thugentehnate pan bang sin ding thute le bang kidop ding thute theikhia i hiam?

^၁၈ ဘာတွေ သိခဲ့ရပြီလဲ။ မြေကြီးပေါ် ထာဝစဉ် အသက်ရှင်ဖို့ မျှော်လင့်ချက် ရှိသူတွေဟာ အခု​ကော လာမယ့် ကြီးစွာသောဒုက္ခအတွင်း​မှာ​ပါ ယေဟောဝါအပေါ် သစ္စာရှိနေဖို့ လိုကြောင်း သိုးနဲ့ ဆိတ် ပုံဥပမာ​က ဖော်ပြတယ်။ သစ္စာရှိသူတွေကို အဲဒီအချိန် ရောက်တဲ့အခါ “ထာဝရ​အသက်” ရထိုက်သူတွေ​အဖြစ် ယေရှု တရားစီရင်​မယ်။—မ. ၂၅:၄၆။

^၁၉ ဘိသိက်ခံတွေအတွက် သတိပေးချက်​တွေ ပါတဲ့ ပုံဥပမာ​နှစ်ခုကိုလည်း ဆွေးနွေး​ခဲ့ကြတယ်။ အပျိုစင် ပုံဥပမာ​မှာ အပျိုစင်​ငါး​ယောက်​က သတိပညာရှိ​တယ်။ သတို့သား​ကို ဘယ်လောက် စောင့်​ရ စောင့်​ရ စောင့်ဖို့ အသင့်ရှိတယ်၊ နိုးကြားတယ်။ ပြင်ဆင်​စ​ရာ ရှိတာ ပြင်ဆင်ထားတယ်။ ဉာဏ်​မရှိတဲ့ အပျိုစင်​ငါး​ယောက်ကတော့ အသင့်ရှိ​မနေဘူး။ ဒါကြောင့် သတို့သားနဲ့​အတူ ဧည့်ခံ​ကျွေးမွေးတဲ့ နေရာကို ဝင်ခွင့်​မရဘူး။ ကျွန်တော်တို့လည်း ဒီလောကစနစ်​အဆုံး ရောက်ဖို့ ဘယ်လောက် စောင့်​ရ စောင့်​ရ စောင့်​ဖို့ အသင့်​ရှိနေရမယ်။ တဲလင့် ပုံဥပမာ​မှာ အလုပ်​ကြိုးစားတဲ့၊ ဝီရိယ​ရှိတဲ့ သစ္စာရှိ ကျွန်​နှစ်ယောက်​အကြောင်း ဆွေးနွေး​ခဲ့ကြတယ်။ သခင် စီးပွား​တက်ဖို့ သူတို့ အလုပ်​ကြိုးစားတဲ့အတွက် သခင့်​မျက်နှာသာ ရတယ်။ ကျွန်ပျင်း​ကတော့ သခင့်​အိမ်ကနေ ဆွဲထုတ်​ခံရတယ်။ ဘာ​သင်ခန်းစာ ရသလဲ။ အဆုံးထိ ဘုရားအမှုတော်မှာ ကျွန်တော်တို့ အလုပ်များ​နေ​ရမယ်။ ကောင်းကင်​ဆုကျေးဇူး ရဖို့ ယေရှု “ခေါ်သွား” တာ ခံရသူ ဖြစ်ချင်ရင် ဘိသိက်ခံတွေ သတိနဲ့ စောင့်နေ​ရမယ်ဆိုတာ​လည်း ဆွေးနွေး​ခဲ့ကြတယ်။ ကောင်းကင်မှာ “သခင်​နဲ့​အတူ နေ​ရ” ဖို့ ဘိသိက်ခံတွေ မျှော်လင့်တကြီး စောင့်​နေကြတယ်။ အာမဂေဒုန်စစ်​ပြီးနောက် သိုးသငယ်ရဲ့ မင်္ဂလာပွဲမှာ သိုးသငယ် ယေရှုရဲ့ သတို့သမီး ဖြစ်ခွင့်​ရကြမယ်။—၂ သက်. ၂:၁။ ဗျာ. ၁၉:၉။

20. Jehovah in kidop ding thupiakna limtaka a ngaite adingin bang sepsak ding a hiam?

^၂၀ တရားစီရင်ချိန် နီး​လာပေမဲ့ ကျွန်တော်တို့ ကြောက်ဖို့ မလိုပါဘူး။ သစ္စာရှိနေမယ်ဆိုရင် “လူသား​ရှေ့မှာ ရပ်နေ​နိုင်” ဖို့ “သာမန်ထက် ထူးကဲတဲ့ တန်ခိုး” ကို မေတ္တာရှင်​အဖ ပေးမယ်။ (လု. ၂၁:၃၆။ ၂ ကော. ၄:၇) မြေကြီးပေါ် အသက်ရှင်ဖို့ မျှော်လင့်ချက် ရှိသည်ဖြစ်စေ၊ ကောင်းကင်​တက်ဖို့ မျှော်လင့်ချက် ရှိသည်ဖြစ်စေ ယေရှုရဲ့ ပုံဥပမာတွေ​မှာ ပါတဲ့ သတိပေးချက်တွေကို အာရုံစိုက်​ရင် အဖရဲ့ နှစ်သက်မှု ရမယ်။ အဖ​ယေဟောဝါရဲ့ မဟာကရုဏာတော်ကြောင့် “အသက်​စာစောင်​ထဲ” ကျွန်တော်တို့​နာမည် “ရေးမှတ်​ခံရ” ပါလိမ့်မယ်။—ဒံ. ၁၂:၁။ ဗျာ. ၃:၅။