Upna Pen Sepna Tawh Lakkhia Leng Midikin Hong Kisang

1. Abraham’ upna thu i sin ciangin bang dotna ngaihsun khathei i hiam?

အာဗြဟံ​အကြောင်း လူ​တော်တော်​များများ ကြားဖူး​နား​ဝ ရှိပေမဲ့ ကောင်းကောင်း မသိကြဘူး။ ညီအစ်ကို/မ​တို့​ကတော့ အများကြီး သိကြတယ်။ ဥပမာ၊ “ယုံကြည်ခြင်းကြောင့် ဖြောင့်မတ်သူ​အဖြစ် သတ်မှတ်​ခံရသူတွေ​ရဲ့ ဖခင်” ဆိုတာ သိကြတယ်။ (ရော. ၄:၁၁) ‘ငါ​ကော အာဗြဟံရဲ့ ခြေရာ နင်းပြီး ခိုင်မာတဲ့ ယုံကြည်ခြင်း ရှိနိုင်သလား’ လို့ စဉ်းစားမိ​မှာ​ပဲ။ ရှိနိုင်ပါတယ်။

2. Abraham ii etteh ding lim i sin ding bang hangin thupi a hiam? (James 2:22, 23)

^၂ အာဗြဟံ​လို ယုံကြည်ခြင်း ရှိလာနိုင်တဲ့ တစ်နည်းကတော့ အာဗြဟံရဲ့ စံနမူနာကို လေ့လာခြင်း​ပါ။ အာဗြဟံဟာ ဘုရား မိန့်မှာ​တဲ့​အတိုင်း အိမ်နဲ့ ဝေးရာ ဒေသ ပြောင်း​တယ်။ ဆယ်စုနှစ်ချီ တဲ​ထိုး​ပြီး နေတယ်။ ချစ်သား အိဇက်​ကို ပူဇော်​ဖို့​တောင် အသင့်ရှိခဲ့တယ်။ ခိုင်မာတဲ့ ယုံကြည်ခြင်း ရှိကြောင်း ပြတဲ့ လုပ်ရပ်တွေ​ပါပဲ။ ယုံကြည်ခြင်းကို လုပ်ရပ်နဲ့ ပြ​လို့ ဘုရား​နှစ်သက်မှု ရတယ်။ မိတ်ဆွေ​လို့ အခေါ်ခံ​ရတယ်။ (ယာကုပ် ၂:၂၂၊ ၂၃ ကို ဖတ်ပါ။) သင် အပါအဝင် ကျွန်တော်တို့​အားလုံးကို အဲဒီ​ကောင်းချီးတွေ ယေဟောဝါ ရစေချင်တယ်။ ဒါကြောင့် အာဗြဟံရဲ့ စံနမူနာ​အကြောင်း ရေးသား​ဖော်ပြဖို့ ကျမ်း​ရေးသူ ပေါလုနဲ့ ယာကုပ်ကို စွမ်းအားတော်နဲ့ လမ်းညွှန်​တာ။ အခု၊ ရောမ အခန်းကြီး ၄ နဲ့ ယာကုပ် အခန်းကြီး ၂ မှာ အာဗြဟံ​အကြောင်း ဖော်ပြထားတာ ကြည့်ရအောင်။ အာဗြဟံ​အကြောင်း ထူးခြားတဲ့ ဖော်ပြချက်ကို ပေါလု​ကော ယာကုပ်​ပါ ကိုးကား​ထားတယ်။

3. Paul le James in bang Lai Siangtho mun siksan uh a hiam?

^၃ “[အာဗြဟံ] က ယေဟောဝါကို ယုံကြည်တယ်။ ဒါကြောင့် ဘုရားသခင်က သူ့ကို ဖြောင့်မတ်သူ​လို့ သတ်မှတ်တယ်” ဆိုတဲ့ ကမ္ဘာဦး ၁၅:၆ ကို ပေါလု​ကော ယာကုပ်​ပါ ကိုးကား​တယ်။ ဖြောင့်မတ်သူ​လို့ သတ်မှတ်တယ်​ဆိုတာ ဘုရား နှစ်သက်​လက်ခံတာ၊ အပြစ်​ပြောစရာ မရှိသူ​လို့ သတ်မှတ်တာ။ မစုံလင်တဲ့ အပြစ်သား​တစ်ယောက်ကို အပြစ်​ပြောစရာ မရှိသူ​လို့ ဘုရား သတ်မှတ်တယ်​ဆိုတာ အံ့ဩစရာ​ပဲ။ သင်လည်း အဲဒီလို သတ်မှတ်​ခံ​ချင်မှာပဲ။ သတ်မှတ်ခံရ​နိုင်ပါတယ်။ ဘယ်လိုလုပ်​ပြီးတော့​လဲ။ အာဗြဟံ​ကို ဖြောင့်မတ်သူ​လို့ ယေဟောဝါ ဘာကြောင့် သတ်မှတ်​သလဲ လေ့လာ​ကြရအောင်။

MIDIK A HONG KISAN NADINGIN UPNA NEIH LOH PHAMAWH

4. Bang hangin mihingte dik lo uh a hiam?

^၄ ရောမ အသင်းတော်ဆီ ရေးတဲ့ စာမှာ ပေါလု ဖော်ပြသလို လူအားလုံး အပြစ်ရှိသူတွေ ဖြစ်တယ်။ (ရော. ၃:၂၃) ဒါဆိုရင် ကျွန်တော်တို့ကို ဖြောင့်မတ်သူ၊ အပြစ်​ပြောစရာ မရှိသူ​လို့ ယေဟောဝါ ဘာကြောင့် သတ်မှတ်​သလဲ။ နှစ်သက်​လက်ခံ​သလဲ။ အာဗြဟံရဲ့ စံနမူနာကို သုံးပြီး ပေါလု ဖြေ​ထားတယ်။

5. Jehovah in bang hangin Abraham midikin sang a hiam? (Rom 4:2-4)

^၅ ခါနန်ပြည်မှာ အာဗြဟံ ရှိနေတုန်း ဖြောင့်မတ်သူ​လို့ ယေဟောဝါ သတ်မှတ်တယ်။ ဘာကြောင့်လဲ။ မောရှေ​ပညတ် အာဗြဟံ စောင့်ထိန်း​လို့​လား။ မဟုတ်ဘူး။ (ရော. ၄:၁၃) အာဗြဟံ​ကို ဖြောင့်မတ်သူ​လို့ ဘုရား သတ်မှတ်​ပြီးနောက် အနှစ် ၄၀၀ ကျော်မှ အစ္စရေးတွေ​ကို မောရှေ​ပညတ် ပေးတာ။ ဒါဆိုရင် ဘာ​ကြည့်ပြီး အာဗြဟံ​ကို ဖြောင့်မတ်သူ​လို့ သတ်မှတ်​သလဲ။ အာဗြဟံရဲ့ ယုံကြည်ခြင်းကို ကြည့်ပြီး မဟာကရုဏာကြောင့် သတ်မှတ်တာ။—ရောမ ၄:၂-၄ ကို ဖတ်ပါ။

6. Mawh nei mi khat pen midika a san theih nadingin Jehovah in bang sem a hiam?

^၆ ဘုရားကို ယုံကြည်သူဟာ “ယုံကြည်ခြင်းကြောင့် ဖြောင့်မတ်သူ​လို့ သတ်မှတ်ခံရတယ်” လို့ ပေါလု ပြောတယ်။ (ရော. ၄:၅) အဲဒီနောက် ဒီလို​ဆက်ပြောတယ်– “လူတစ်ယောက်က ပညတ်ကို အပြည့်အဝ မစောင့်ထိန်းနိုင်ပေမဲ့ ဘုရားသခင်က သူ့ကို ဖြောင့်မတ်သူ​လို့ သတ်မှတ်တယ်။ သူ​လို​လူရဲ့ ပျော်ရွှင်မှု​နဲ့ပတ်သက်ပြီး ဒါဝိဒ်ကလည်း၊ ‘ကျူးလွန်ခဲ့တဲ့ တရား​မဲ့ လုပ်ရပ်တွေ ခွင့်လွှတ်ခံရသူ၊ အပြစ်တွေ ဖုံးအုပ်​ခံရသူတွေဟာ ပျော်ရွှင်​ချမ်းမြေ့​တယ်။ အပြစ်ရှိတယ်လို့ ယေဟောဝါ လုံးဝ မယူမှတ်တဲ့သူဟာ ပျော်ရွှင်​ချမ်းမြေ့​တယ်’ လို့ ပြောခဲ့တယ်။” (ရော. ၄:၆-၈။ ဆာ. ၃၂:၁၊ ၂) ဘုရားက မိမိကို ယုံကြည်သူတွေ​ရဲ့ အပြစ်ကို ခွင့်လွှတ်ပေးတယ်။ ဖုံးအုပ်​ပေးတယ်။ အပြစ်ရှိတယ်လို့ လုံးဝ မယူမှတ်​တော့​ဘူး။ ယုံကြည်ခြင်းကို ကြည့်ပြီး ဖြောင့်မတ်သူ၊ အပြစ်​ပြောစရာ မရှိသူ​လို့ သတ်မှတ်တယ်။

7. Tanglai-a Pasian a bia a citak mite bang hangin midik kici thei a hiam?

^၇ အာဗြဟံ၊ ဒါဝိဒ်နဲ့ တခြား​သစ္စာရှိ ကျေးကျွန်တွေ ဖြောင့်မတ်သူ​လို့ သတ်မှတ်ခံရပေမဲ့ မစုံလင်သူ၊ အပြစ်သားတွေ ဖြစ်​နေဆဲပဲ။ ဒါပေမဲ့ သူတို့ရဲ့ ယုံကြည်ခြင်းကို ကြည့်ပြီး အပြစ်​ပြောစရာ မရှိသူတွေ​လို့ ဘုရား သတ်မှတ်တယ်။ အထူးသဖြင့်၊ ဘုရားကို မယုံကြည်သူတွေနဲ့ ယှဉ်လိုက်တဲ့အခါ အပြစ်​ပြောစရာ မရှိတာ ပို​ထင်ရှားတယ်။ (ဧ. ၂:၁၂) ဘုရား​မိတ်ဆွေ ဖြစ်ဖို့ ယုံကြည်ခြင်း အဓိက ကျတယ်လို့ ပေါလု ပြောတယ်။ ယုံကြည်ခြင်း ရှိလို့ အာဗြဟံ​နဲ့ ဒါဝိဒ် ဘုရား​မိတ်ဆွေ ဖြစ်ခွင့် ရတယ်။ ကျွန်တော်တို့လည်း ယုံကြည်ခြင်း ရှိရင် ဘုရား​မိတ်ဆွေ ဖြစ်နိုင်တယ်။

UPNA LE SEPNA KIZOM

8-9. Paul le James ii thugenna bulphuhin mi pawlkhat in koi bangin ngaihsut khial uh a hiam? Bang hang hiam?

^၈ ယုံကြည်ခြင်းနဲ့ လုပ်ရပ်​ရဲ့ အရေးကြီးမှုနဲ့​ပတ်သက်ပြီး ဘာသာရေး ခေါင်းဆောင်တွေ ငြင်းခုံ​ကြ​တာ ရာစုနှစ်​ချီပြီ။ ကယ်တင်ခြင်း ရဖို့ သခင် ယေရှုခရစ်ကို ယုံဖို့​ပဲ လိုတယ်လို့ ဓမ္မဆရာ​တချို့ သွန်သင်​ကြတယ်။ “ယေရှုကို ယုံရင် ကယ်တင်ခြင်း ရပြီ” လို့ ပြောတာ ကြားဖူး​ကြ​မှာ​ပါ။ “ပညတ်ကို အပြည့်အဝ မစောင့်ထိန်းနိုင်ပေမဲ့ ဘုရားသခင်က . . . ဖြောင့်မတ်သူ​လို့ သတ်မှတ်တယ်” ဆိုတဲ့ ပေါလု​စကားကို ကိုးကား​ကြ​တာ။ (ရော. ၄:၆) ဓမ္မဆရာ​တချို့ကျတော့ ကယ်တင်ခြင်း ရချင်ရင် သန့်ရှင်း​မြင့်မြတ်တယ်လို့ ချာ့ချ် သတ်မှတ်တဲ့ နေရာ​တွေ သွားရမယ်၊ ချာ့ချ် ညွှန်ကြားတဲ့ ကောင်းမှုတွေ လုပ်ရမယ်လို့ ပြောကြတယ်။ “လူတစ်ယောက်က မိမိ​ယုံကြည်ခြင်းကြောင့်​သာ မဟုတ်ဘဲ လုပ်ရပ်ကြောင့် ဖြောင့်မတ်သူ​အဖြစ် သတ်မှတ်ခံရတယ်” ဆိုတဲ့ ယာကုပ် ၂:၂၄ ကို ကိုးကား​ကြ​တာ။

^၉ ဘာကြောင့် ဒီလိုမျိုး အမြင် ကွဲ​ကြ​သလဲ။ ပေါလုနဲ့ ယာကုပ်​တောင် အမြင် ကွဲ​နေတာကိုး​လို့ ကျမ်းပညာရှင်​တချို့ ကောက်ချက် ချကြတယ်။ ‘ပေါလု အပြော​အရ ဖြောင့်မတ်သူ​အဖြစ် သတ်မှတ်ခံရဖို့ ယုံကြည်ခြင်း​ပဲ လိုတယ်၊ လုပ်ရပ် မလိုဘူး။ ယာကုပ် အပြော​အရ ဘုရား​နှစ်သက်မှု ရဖို့ လုပ်ရပ် လိုတယ်’ လို့ ဓမ္မဆရာတွေ ပြောကြတယ်။ “ဖြောင့်မတ်သူ​အဖြစ် သတ်မှတ်ခံရဖို့ ယုံကြည်ခြင်း​ပဲ လိုတယ်လို့ ပေါလု ဘာကြောင့် ပြောတယ်ဆိုတာ ယာကုပ် သဘောမပေါက်​ဘူး။ သဘောမတူဘူး” လို့ ဘာသာတရား​ဆိုင်ရာ ပါမောက္ခ​တစ်ယောက် ဆိုတယ်။ ဒါပေမဲ့ ပေါလုနဲ့ ယာကုပ်​နှစ်ယောက်စလုံး ယေဟောဝါ စွမ်းအားတော် လမ်းညွှန်​တဲ့​အတိုင်း ရေးခဲ့​ကြောင်း သတိရပါ။ (၂ တိ. ၃:၁၆) သူတို့​နှစ်ယောက် အမြင် မ​ကွဲ​ပါ​ဘူး​ဆိုတာ ရှင်းရှင်းလင်းလင်း နားလည်နိုင်မယ့် နည်း ရှိတယ်။ အဲဒီ​နည်းကတော့ အထက်အောက် စကားတွေ လေ့လာခြင်း​ပါ။

10. Paul in a thupi penin bang thu gen a hiam? (Rom 3:21, 28) (Lim zong en in.)

^၁၀ ရောမ အခန်းကြီး ၃ နဲ့ ၄ မှာ ဘာအကြောင်း ပေါလု ပြောသလဲ။ ဆိုင်းနိုင်း​တောင်​မှာ ပေးတဲ့ မောရှေ ‘ပညတ် စောင့်ထိန်း’ ခြင်း​အကြောင်း အဓိက ပြောနေတာ။ (ရောမ ၃:၂၁၊ ၂၈ ကို ဖတ်ပါ။) မောရှေ​ပညတ် စောင့်ထိန်းစရာ မလိုတော့ဘူး​ဆိုတာ ပေါလု​ခေတ်က ဂျူး​ခရစ်ယာန်​တချို့ လက်ခံရ ခက်​နေ​ကြ​ပုံ​ပဲ။ ဒါကြောင့် အာဗြဟံရဲ့ စံနမူနာကို သုံးပြီး ပေါလု ရှင်းပြတာ။ ဖြောင့်မတ်သူ​လို့ သတ်မှတ်ခံရတာ ‘ပညတ် စောင့်ထိန်း’ လို့ မဟုတ်ဘူး။ ယုံကြည်ခြင်း ရှိလို့ ဖြစ်တယ်။ ဘုရားနဲ့ ခရစ်တော်ကို ယုံကြည်ရင် နှစ်သက်​လက်ခံမှု ရနိုင်​မှန်း သိရတာ အားရှိစရာ​ပဲ။

11. James ii gen sepnate in bang a hiam?

^၁၁ ယာကုပ် အခန်းကြီး ၂ မှာတော့ မောရှေ​ပညတ်​အရ လုပ်ရမယ့် လုပ်ရပ်တွေ​အကြောင်း ပြောနေတာ မဟုတ်ဘူး။ ခရစ်ယာန်တစ်ယောက်ရဲ့ နေ့စဉ်​ဘဝမှာ လုပ်ရမယ့် လုပ်ရပ်တွေ​အကြောင်း ပြောနေတာ။ ဘုရားကို တကယ် ယုံ​မယုံ အဲဒီ​လုပ်ရပ်တွေ​က ဖော်ပြတယ်။ လုပ်ရပ်​နှစ်ခု ကြည့်ရအောင်။

12. Upna le sepna a kizoplam James in koi bangin hilhcian a hiam? (Lim zong en in.)

^၁၂ ပထမ၊ တခြားသူတွေကို မျက်နှာမလိုက်တမ်း ခရစ်ယာန်တွေ ဆက်ဆံ​ရမယ်လို့ ယာကုပ် ပြောတယ်။ ကြွယ်ဝသူကို မျက်နှာသာ ပေးပြီး ဆင်းရဲသူကို နှိမ်​တဲ့ လူတစ်ယောက်နဲ့ ဥပမာ ပေးတယ်။ ယုံကြည်ခြင်း ရှိတယ်လို့ အဲဒီ​လူ ပြောပေမဲ့ ယုံကြည်ခြင်း မရှိဘူး​ဆိုတာ လုပ်ရပ်တွေ​က ပြနေတယ်။ (ယာ. ၂:၁-၅၊ ၉) ဒုတိယ၊ ‘ဝတ်စရာ၊ စားစရာ မရှိတဲ့ ညီအစ်ကို၊ ညီအစ်မ’ ကို မြင်ပေမဲ့ လက်တွေ့ မကူညီ​သူနဲ့ ဥပမာ ပေးတယ်။ ယုံကြည်ခြင်း ရှိတယ်လို့ အဲဒီ​လူ ပြောရင်တောင် အကျိုးမရှိဘူး။ ယာကုပ် ပြောသလို​ပဲ “လုပ်ရပ် မပါတဲ့ ယုံကြည်ခြင်းဟာ အသေပဲ။”—ယာ. ၂:၁၄-၁၇။

13. Upna pen sepna tawh lah ding a kisaplam James in a etteh huai kua thu tawh hilhcian a hiam? (James 2:25, 26)

^၁၃ ယုံကြည်ခြင်းကို လုပ်ရပ်နဲ့ ပြတဲ့ ရာခပ်​အကြောင်း ယာကုပ် ဖော်ပြတယ်။ (ယာကုပ် ၂:၂၅၊ ၂၆ ကို ဖတ်ပါ။) ယေဟောဝါ​ဘုရားအကြောင်း ရာခပ် ကြား​ထားတယ်။ အစ္စရေးတွေ​ကို ဘုရား ထောက်မပေးတယ်ဆိုတာ ယုံတယ်။ (ယောရှု ၂:၉-၁၁) အသက်ဘေး ကြုံတဲ့ အစ္စရေး သူလျှို​နှစ်ယောက်ကို ကာကွယ်​ပေးခြင်းအားဖြင့် ယုံကြည်ခြင်းကို လုပ်ရပ်နဲ့ ပြတယ်။ ဒါကြောင့် မစုံလင်ပေမဲ့၊ မောရှေ​ပညတ် စောင့်ထိန်းသူ မဟုတ်ပေမဲ့ အာဗြဟံလိုပဲ ဖြောင့်မတ်သူ​လို့ သတ်မှတ်ခံရတယ်။ ယုံကြည်ခြင်းကို လုပ်ရပ်နဲ့ ပြဖို့ အရေးကြီးတယ်ဆိုတာ ရာခပ်​ဆီကနေ သိရတယ်။

14. Paul le James a muhdan uh kibang ahihlam bang hangin gen thei i hiam?

^၁၄ တကယ်တော့ ယုံကြည်ခြင်းနဲ့ လုပ်ရပ်​အကြောင်း ကျမ်း​ရေးသူ ပေါလုနဲ့ ယာကုပ် မတူညီတဲ့ ရှုထောင့်​တွေ​ကနေ ရှင်းပြ​နေကြတာ။ မောရှေ​ပညတ် စောင့်ထိန်းရုံနဲ့ ဘုရား​နှစ်သက်မှု မရနိုင်ဘူး​လို့ ဂျူး​ခရစ်ယာန်တွေကို ပေါလု ပြောတယ်။ ယာကုပ်​ကျတော့ တခြားသူတွေကို ကောင်းမှု ပြုခြင်း​အားဖြင့် ခရစ်ယာန်​အားလုံး ယုံကြည်ခြင်းကို လုပ်ရပ်နဲ့ ပြရမယ်ဆိုတာ အလေးပေး ဖော်ပြတယ်။

15. Upna pen sepna tawh lahkhiat theih dan lampi pawlkhat in bang a hiam? (Lim zong en in.)

^၁၅ ဖြောင့်မတ်သူ​လို့ သတ်မှတ်​ခံ​ချင်ရင် အာဗြဟံ လုပ်သမျှ တစ်ထပ်တည်း လိုက်လုပ်ရမယ်လို့ ယေဟောဝါ မပြောဘူး။ ယုံကြည်ခြင်းကို လုပ်ရပ်နဲ့ ပြနိုင်တဲ့ နည်း အများကြီး ရှိတယ်။ အသင်းတော်မှာ လူသစ်တွေကို ကြိုဆို​လက်ခံနိုင်တယ်။ အကူအညီ လိုနေတဲ့ ညီအစ်ကို/မတွေကို ကူညီနိုင်တယ်။ မိသားစုကို ကြည့်ရှု​စောင့်ရှောက်​နိုင်တယ်။ (ရော. ၁၅:၇။ ၁ တိ. ၅:၄၊ ၈။ ၁ ယော. ၃:၁၈) ယုံကြည်ခြင်းကို လုပ်ရပ်နဲ့ ပြနိုင်တဲ့ အရေးကြီးဆုံး နည်းကတော့ တခြားသူတွေကို သတင်းကောင်း ထက်ထက်သန်သန် ပြောပြခြင်း​ပါ။ (၁ တိ. ၄:၁၆) ဘုရား​ကတိတွေ ပြည့်စုံ​လာမယ်၊ ဘုရား​လမ်းစဉ် အကောင်းဆုံး ဖြစ်တယ်ဆိုတာ ယုံကြည်​ကြောင်း ကျွန်တော်တို့​အားလုံး လုပ်ရပ်နဲ့ ပြနိုင်တယ်။ ဒါဆိုရင် ဖြောင့်မတ်သူ​လို့ ဘုရား သတ်မှတ်မယ်၊ မိတ်ဆွေ​လို့ ခေါ်မယ်​ဆိုတာ စိတ်ချနိုင်တယ်။

UPNA NEIH NADINGIN LAMETNA NEIH LOH PHAMAWH

16. Abraham in bang pen umin, bang pen lamen a hiam?

^၁၆ အာဗြဟံ​ဆီကနေ သင်ယူ​နိုင်​တဲ့ နောက်ထပ် အရေးကြီး သင်ခန်းစာကို ရောမ အခန်းကြီး ၄ မှာ ဖော်ပြထားတယ်။ မျှော်လင့်ချက် အရေးကြီးတယ်ဆိုတာ​ပါ။ အာဗြဟံ​ကြောင့် “လူမျိုးများစွာ” ကောင်းချီး ခံစားရမယ်လို့ ယေဟောဝါ ကတိပေးတယ်။ ကတိ ပြည့်စုံ​လာဖို့ အာဗြဟံ ဘယ်လောက် မျှော်နေ​လိုက်မလဲ။ (က. ၁၂:၃။ ၁၅:၅။ ၁၇:၄။ ရော. ၄:၁၇) အာဗြဟံ အသက် ၁၀၀၊ စာရာ အသက် ၉၀ ရှိတဲ့​အချိန်ထိ သား မရသေးဘူး။ လူ့ရှုထောင့်က​နေ ကြည့်ရင် မရနိုင်​တော့​ပုံ​ပဲ။ အာဗြဟံ​အတွက် တကယ့် စမ်းသပ်မှု​ပဲ။ ဒါပေမဲ့ “ကတိတော်ကို သူ ယုံကြည်ပြီး လူမျိုးများစွာ​ရဲ့ ဖခင် ဖြစ်လာဖို့ မျှော်လင့်ခဲ့တယ်။” (ရော. ၄:၁၈၊ ၁၉) မျှော်လင့်တဲ့​အတိုင်း ဖြစ်လာတယ်။ အချိန်​အတော်ကြာ မျှော်လင့်​ခဲ့​ရတဲ့ သား​အိဇက် မွေးလာတယ်။—ရော. ၄:၂၀-၂၂။

17. Midik le Pasian’ lawm ci-in hong kisang thei ahihlam koici theih i hiam?

^၁၇ “‘ဖြောင့်မတ်သူ​အဖြစ် သူ သတ်မှတ်​ခံခဲ့ရတယ်’ ဆိုတဲ့ ကျမ်း​စကားဟာ အာဗြဟံ​အတွက်ပဲ ရေးထားတာ မဟုတ်ဘူး။ ဖြောင့်မတ်သူတွေ​အဖြစ် သတ်မှတ်ခံရမယ့် ကျွန်တော်တို့အတွက်လည်း ရေးထားတာ ဖြစ်တယ်။ သခင်​ယေရှုကို သေရာကနေ အသက်ပြန်ရှင်​စေ​တဲ့ အရှင်ကို ကျွန်တော်တို့ ယုံကြည်တာ​ကိုး” လို့ ပေါလု ပြောတယ်။ (ရော. ၄:၂၃၊ ၂၄) ဒါကြောင့် အာဗြဟံလိုပဲ ကျွန်တော်တို့ ဘုရား​နှစ်သက်မှု ရနိုင်တယ်။ ဖြောင့်မတ်သူ၊ မိတ်ဆွေ​လို့ သတ်မှတ်ခံရ​နိုင်တယ်။ အာဗြဟံ​လို ယုံကြည်ခြင်းကို လုပ်ရပ်နဲ့ ပြဖို့၊ မျှော်လင့်ချက် ရှိဖို့တော့ လိုတယ်။ မျှော်လင့်ချက်အကြောင်း ရောမ အခန်းကြီး ၅ မှာ ပေါလု ဆက်​ပြောထားတယ်။ ဒီအကြောင်း နောက်ဆောင်းပါးမှာ လေ့လာ​ကြ​မယ်။