SIN DING THU 57
Mawhna Lian Bawlkha Lecin Bang Cih Ding?
Jehovah it mahmahin Pasian’ lungsim a liamsak thei thute pelh ding na hanciam hang, khat veivei ciangin mawhna bawl khathei ding hi teh. Ahih hangin, mawhna pawlkhat pen adang sangin lianzaw thei hi. (1 Korin 6:9, 10) Tua bang mawhna lian na bawlkhak ciangin zong Jehovah in nang hong it lai veve a, na mawhna hong maisak nuamin hong huh nuam lai hi, cih phawk den in.
1. Jehovah’ mawhmaisakna i ngah nadingin bang i hih ding kisam a hiam?
Jehovah a itte in mawhna lian a bawlkhak ciangun khasia mahmah uh hi. Ahih hang, “Na mawhnate uh puansan a bat hangin vuk bangin hong ngo ding hi,” cih Jehovah’ kamciamna hangin lungmuanna ngah uh hi. (Isaiah 1:18) Lungsim takpi tawh kisikkik leng, Jehovah in i mawhna hong maisiangsak ding hi. Koi bang danin kisikkik i hiam? Mawhna i bawlkhakte adingin nakpi takin khasia-in, mawhna bawlkik nawn lo-in Jehovah kiangah mawhmaisakna i ngen hi. Tua khit teh, mawhna hong bawlsak thei a hoih lo ngaihsutnate le gamtatnate kikhelin Jehovah ii a siangtho tehna banga nungta dingin nakpi takin i hanciam hi.—Isaiah 55:6, 7 sim in.
2. Mawhna i bawlkhak cianga hong huh dingin Jehovah in upate koici zat a hiam?
Mawhna lian i bawlkhak ciang, “pawlpi upate sam” dingin Jehovah in hong hilh hi. (James 5:14, 15 sim in.) Upate in Jehovah le a nasemte it uh hi. Jehovah tawh i kizopna a hoihkik nadingin zong hong huh thei uh hi.—Galati 6:1.
Mawhna lian i bawlkhak ciangin upate in koi bangin hong huh uh a hiam? Upa nih ahih kei leh thum in Lai Siangtho bulphuhin thu hong hilh ding uh hi. Mawhna i bawlkik loh nadingin thuhilhnate le tha piaknate hong nei ding uh hi. Mawhna a bawl mi khat a kisikkik kei leh a lauhuai thuzawhnate pana pawlpi a kepcing nadingun pawlpi panin amah lakhia ding uh hi.
ZON BEH INLA, MUH BEH IN
Mawhna lian a bawlkhate Jehovah in huhna a piak dan na tel nadingin hanciam in.
3. Mawhna pulakna in Pasian thu lamah hong cidamkiksak
Mawhna i bawlkhak sialin Jehovah’ lungsim liamsak ihih manin mawhna i pulak ding kisam hi. Late 32:1-5 sim in. Tua khit teh hih dotna kikum un:
Mawhna seelcip lo-in Jehovah kiangah bang hangin i pulak ding kisam a hiam?
Jehovah kianga mawhna i pulak banah upate kiangah huhna i nget ciangin phattuamna kingah hi. VIDEO hong in. Tua khit teh hih dotna kikum un.
Hih video-ah, Jehovah lama Canon hong kiheikik nadingin upate in koi bangin huh uh a hiam?
Hong huh ding upate kiangah thu man tak le kician taka i gen ding kisam hi. James 5:16 sim in. Tua khit teh a nuai-a dotna kikum un:
Upate kiangah thu man i gen ciangin tua in huhna hong piak ding uh bang hangin baihsak a hiam?
Na mawhna pulakin, upate kiangah thu man gen inla, itna tawh Jehovah’ hong huhna sang in
4. Jehovah in mawhna a bawlte tungah hehpihna lak hi
Mawhna lian a bawl khat in Jehovah’ tehnate a zuih nop kei leh pawlpi panin kilakhia ding a, amah tawh kikhawl nawn lo-in, i hopih nawn kei hi. Korin Masa 5:6, 11 sim in. Tua khit teh hih dotna kikum un:
Silngo in annel lompi a pawmsak mah bangin a kisikkik lo mawhna a bawl mi khat tawh kikholhna in pawlpi koici siasak thei a hiam?
Pawlpi upate in mawhna a bawlte tunga Jehovah hehpihna ettehin, pawlpi pana lakkhiat a thuakte a huh uh hi. Thuhilhna in thuak a haksak hangin, mi tampite thu ngaihsut theihna neisak ahih manin pawlpi sungah hong lutkik uh hi.—Late 141:5
Mawhna a bawlte tunga Jehovah sep danin, a kilawm a kituak a thei, mi hehpih thei, le mi it thei mahmah ahih lam koici lakkhia a hiam?
5. I kisikkik ciangin Jehovah in mawhna hong maisak hi
Mi khat a kisikkik cianga Jehovah’ lungsim om dan i tel theih nadingin Jesuh in thugentehna khat zang hi. Luka 15:1-7 sim in. Tua khit teh hih dotna kikum un:
Hih thugentehna in Jehovah’ thu bang hong hilh a hiam?
Ezekiel 33:11 sim in. Tua khit teh hih dotna kikum un:
Kisikkikna-ah bang kihel a hiam?
Tuucingpa mah bangin Jehovah in ama tuute don mahmah hi
MI PAWLKHATTE’ GEN: “Upate kiangah ka mawhna pulak leng, pawlpi pan hong lakhia ding uh hi ven.”
Tua banga a ngaihsun mi khat kiangah bang thu gen ding na hiam?
TOMLAKNA
Mawhna lian i bawlkhak hang, lungsim takpi tawh khasia-in mawhna bawl nawn lo dingin khensat leng Jehovah in i mawhna hong maisak ding hi.
Kikupkikna
Jehovah kiangah mawhna i pulak ding bang hang kisam a hiam?
Mawhmaisakna i ngah nadingin bang i sep ding kisam a hiam?
Mawhna lian i bawlkhak ciangin bang hang upate kiangah huhna i nget ding kisam a hiam?
THEIH BEH NADING
Isaiah 1:18-a a gen bangin, Jehovah’ hehpihna a ngah mi khat’ thu en in.
Pawlpi upate in mawhna lian a bawlte koi bangin huh sawm uh a hiam?
“Pawlpi Upate Aw, Mawhna A Bawlte Tungah Hehpihna Lak Un” (Vilnatausang, August 2024)
Hawlkhiatna thu tawh kisai Teci a hi lo mi khat na hilhcian theih dan ding kan in.
“Pawlpi Upate Aw, Pawlpi Pan Lakkhiat A Thuakte Huh Un” (Vilnatausang, August 2024)
Thuman pana lam a pial mi khat Jehovah lama a hong kiheikik dan thu “Jehovah Lamah Ka Kiheikik Ding Kisam,” cih thulu-ah sim in.
“Lai Siangtho In Nuntakna Kikhelsak” (Vilnatausang, April 1, 2012)