SIN DING THU 43
Zu Tungtang Khristiante’ Muh Dan
Leitung bupah zu tungtang muh dan a tuamtuam om hi. Pawlkhat in a lawmte tawh dawn khawm thei uh hi. A dawn vet lo mi a om mah bangin kham masiaha a dawn zong om uh hi. Zu tawh kisai Lai Siangtho’ muhna in bang a hiam?
1. Zu dawn pen a khial hiam?
Lai Siangtho in zu dawn pen kham lo hi. Tua sangin, Pasian’ hong piak letsongte lakah “mihing lungsim a nuamsak ding leenggahzu” kihel zaw hi. (Late 104:14, 15) Lai Siangtho sunga mi citak pawlkhat in zong zu na dawn uh hi.—1 Timoti 5:23.
2. Zu a dawn theite adingin Lai Siangtho in bang lamlahna pia a hiam?
Zu tampi dawnna le zukhamna pen Jehovah in kham hi. (Galati 5:21) “Zu nenete tawh kikhawl kei in,” ci-in Lai Siangtho in gen hi. (Paunak 23:20) Tua ahih manin midang tawh i dawn a, khat kia-a i dawn zongin i pilvang zawh loh dong, kampau le gamtatna i kep theih loh zah dong, le i cidamna a siatsak donga dawn ding hi lo hi. Ei le ei kikem zo lo-a tampi i dawn khak zel leh ngawl vet leng hoihzaw ding hi.
3. Zu tawh kisai midangte thu khensatna i zahtaklam koici lak thei ding i hiam?
Zu dawn ding le dawn loh ding pen mi khat ciat ii khensat ding thu ahi hi. A hoih beka a dawnte i gensiat ding ahih loh mah bangin, a dawn nuam lo mite zong dawn dinga i sawl tentan ding hi lo hi. (Rom 14:10) I zu dawnna hangin midangte a puklawh dinga leh i dawn kei zaw ding hi. (Rom 14:21 sim in.) Eite in ‘angsung ding bek zong loin, midangte phattuam nading’ i zong zaw hi.—1 Korin 10:23, 24 sim in.
ZON BEH INLA, MUH BEH IN
Zu dawn ding leh dawn loh ding, ahih kei leh dawn zah ding na khensatna-ah hong huh thei ding Lai Siangtho thubulte ngaihsun in. Zulung na vei a leh na hih theih dingte kan in.
4. Dawn ding leh dawn loh ding khensat in
Zu dawn pen Jesuh in koici muh a hiam? Hih dotna’ a dawnna pen Jesuh ii nalamdang a bawl masak penah kimu thei hi. Johan 2:1-11 sim in. Tua khit teh hih dotnate kikum un:
Hih nalamdang bawlna pan, zu le zu a dawn mite tunga Jesuh’ muh dan bang thei i hiam?
Jesuh in zu dawn kham lo ahih teh Khristiante in zu a dawnte a koici muh ding uh kisam a hiam?
Zu a kidawn theih hangin, bang hun bang hun hita leh kidawn thei cihna hi lo hi. Paunak 22:3 sim in. Tua khit teh a nuai-a dinmunte-ah zu dawn a kilawm leh kilawm loh ngaihsun in:
Mawtaw le saikel na hawl ding ciang, set vante tawh na na sep ding ciang.
Nau paii hun ciang.
Zu dawn lo dinga siavuan in hong gen ciang.
Zu na dawn khak cianga na khawl theih nawn kei leh.
Kumpite’n zu dawn a kham ciang.
Zu a dawn khak ciang a khawl theih loh mana a ngawl vet mi khat tawh na omkhop ciang.
Mopawi ahih kei leh kimuhkhopnate-ah zu na lui ding hiam? Na khensat theih nadingin VIDEO hong in.
Rom 13:13 le 1 Korin 10:31, 32 sim in. Na sim khit ciangin hih dotna kikum un:
Hih Lai Siangtho thubul in Jehovah a lungkimsak thu khensatna na bawl theih nadingin koi bangin hong huh thei a hiam?
Zu dawn ding leh dawn loh ding pen Khristian khat ciat ii khensat ding thu ahi hi. Khat veivei ciang a dawn theih hangin dawn nop loh hun zong nei thei hi
5. Na dawn zah ding khensat in
Zu na dawn ding leh hih thu phawk in: Zu dawn pen Jehovah in a kham loh hang, tampi dawn pen kham hi. Bang hangin kham a hiam? Hosea 4:11, 18 sim in. Tua khit teh hih dotna kikum un:
Tampi dawnna in bang piangsak thei a hiam?
Zu tampi dawnna koici pelh thei ding i hiam? A hoihbek i theih ding, ahih kei leh i zawh ciang i theih ding kisam hi. Paunak 11:2 sim in. Tua khit teh hih dotna kikum un:
Bangzah dawn ding cih ciangtan neih pen bang hangin hoih a hiam?
6. Zu tampi dawn lo dinga i kikep theih dan
Zuhai pa khat in zu a ngawl theih dan en in. VIDEO hong in. Tua khit teh a nuai-a dotnate kikum un.
Hih video sungah Dmitry in zu a kham ciang bang hih a hiam?
Ama’n thakhat thu-in zu a ngawl thei pah hiam?
Zulung a veina pen koici nusia thei a hiam?
Korin Masa 6:10, 11 sim in. Tua khit teh hih dotnate kikum un:
Zukhamna pen bangzah takin mawhna lian a hiam?
Zuhaite kikhel thei uh ahihlam koici theih i hiam?
Matthai 5:30 sim in. Tua khit teh hih dotnate kikum un:
Khut sattan cih pen Jehovah’ lungkim nadingin kipiak khiatna neih ding kisam cihna hi. Zulung vei na hih leh bang hih thei na hiam?a
Korin Masa 15:33 sim in. Tua khit teh hih dotna kikum un:
Zuhaite tawh kikhawl lecin bang piang thei a hiam?
MI PAWLKHATTE’ DOTNA: “Zu dawn pen khial maw?”
Nangh bangci dawng ding?
TOMLAKNA
Jehovah in mite lungnop nadingin zu a piak hangin zu tampi dawnna le zu khamna pen kham hi.
Kikupkikna
Zu tawh kisai-in Lai Siangtho in bang gen a hiam?
Zu tampi dawnna ii a lauhuainate in bang a hiam?
Zu tawh kisai-in midangte thu khensatna i zahtaklam koici lak thei i hiam?
THEIH BEH NADING
Khangnote in zu tawh kisai thu khensatna hoih koi bangin bawl thei ding a hiam?
Zulung na vei a leh na hih theih dingte sim in.
“Zu Tawh Kisai Muh Dan Man Neihna” (Vilnatausang, January 1, 2010)
Khristiante adingin zu hai laamto-a thupha nget a kilawm hiam?
“Lai Simte Kiang Pan Dotna” (Vilnatausang, February 15, 2007)
Zu tampi dawnna pan a kidek zo mi khat ii thu, “Zu Bungpi Tawh Kibang Ing,” cih thulu-ah sim in.
“Lai Siangtho In Nuntakna Kikhelsak” (Vilnatausang, May 1, 2012)
a Zulung veite adingin zu a ngawl nadingun siavuante’ huhna kisam thei hi. Siavuante in zulung veite adingin zu pen dawn ding hi vet lo ci uh hi.