SIN DING THU 33
Pasian Gam In Bang Hong Sem Ding A Hiam?
Pasian Gam in vantungah ukta hi. A sawt loin hih leitungah kikhelna lianpi hong bawlsak ta ding hi. Pasian Gam ukna nuai-a i ngah ding thupha pawlkhat kikum ni.
1. Pasian Gam in leitungah kilemna le thumanna koi bangin omsak ding a hiam?
Pasian Gam Kumpi Jesuh in migilote le mihing ki-uknate pen Armageddon galkidona-ah susia ta ding hi. (Maangmuhna 16:14, 16) Tua hun ciangin: “Tawlkhat sungin migilo pa om nawn lo ding,” cih Lai Siangtho genna hong tangtung ding hi. (Late 37:10) Jesuh in Pasian Gam tungtawnin leitung bupah kilemna le thumanna om dingin hong sem ta ding hi.—Isaiah 11:4 sim in.
2. Leitungah Pasian deihna hong tangtun ciangin koi bang nuntakna nei ding i hiam?
Pasian Gam ukna nuai-ah, “thuman mi in leitung luah ding a, tua leitang tungah teng paisuak ding hi.” (Late 37:29) Thuman mite, Jehovah a it mite le khatlekhat a ki-it mite bek omna leitunga a nungta bangin kingaihsun in. Kuamah cina nawn loin, a tawntungin kinungta ta ding hi.
3. Migilote a suksiat khit ciangin Pasian Gam in bangteng hong sem lai ding a hiam?
Migilote a suksiat khit ciangin Jesuh in Kumpi semin kum 1,000 sung hong uk ding hi. Tua hun sungin Jesuh le amah tawh a ukkhawm mi 144,000-te in leitunga mihingte pen mawhna nei lo a cingtaak mite a suah theih nadingun huh ding uh hi. Kum 1,000 a bei ciangin leitung pen a etlawm mahmah paradais hong suak ding hi. Mi khempeuh in Jehovah’ thukhamte zui ahih manun nuamsa ding uh hi. Tua hun ciangin, Jesuh in a gam ukna pen a Pa Jehovah kiangah apkik ding hi. Tua hun ciangin Jehovah’ “min siangtho” ta ding hi. (Matthai 6:9, 10) Jehovah pen a gam mite a don mahmah Ukpa hoih ahihlam kilang ta ding hi. Tua khit ciangin Jehovah in Satan, dawite, le Ama ukna a nial mite susia ding hi. (Maangmuhna 20:7-10) Pasian Gam in hong piak tua thuphate pen a tawntungin om den ding hi.
ZON BEH INLA, MUH BEH IN
Pasian in Lai Siangtho kamciamte khempeuh a Gam ukna tungtawnin tangtungsak ding hi cih i muan theihna a hang ngaihsun in.
4. Pasian Gam in mihing ki-uknate beisak ding
“Mi khat in midang tungah vangliatna nei-in, a uk sung mite a gimsak gawp hun a om hi.” (Thuhilhna 8:9) Jehovah in ama Gam ukna tawh tua thuman lohnate pen beisak ding hi.
Daniel 2:44 le 2 Thesalonika 1:6-8 sim in. Tua khit teh hih dotnate kikum un:
Mihing kumpite le amau’ ukna a sang mite tungah Jehovah le a Tapa Jesuh in bang cih ding uh a hiam?
Jehovah le Jesuh’ thu na sinkhitsate panin amau’ sepnate pen thumanin paubaang lo ding cih koi bangin muang thei na hiam?
5. Jesuh in a hoihpen Kumpi hi
Pasian Gam Kumpi Jesuh in leitunga ama ukna a sang mite’ hamphat nadingin na tampi sem ding hi. Jesuh in mite huhnopna le huh theih nading Pasian piak vangliatna a neihlam a lahkhiat dan na theih nadingin VIDEO hong in.
Leitunga a om lai-a Jesuh nasepte in Pasian Gama a sep dingte lakkhia hi. Hih thuphate lak pan bang ngaklahpen na hiam? Tua thuphate tawh kisai Lai Siangtho munte sim in.
LEITUNGA A OM LAI-IN JESUH IN . . . |
VANTUNG PANIN JESUH IN . . . |
|---|---|
|
|
|
|
|
|
|
|
6. Pasian Gam in a hoih mahmah mailam hun hong pia ding
Mihingte adinga a kipatcila Jehovah ngimna pen Pasian Gam in tangtungsak ding hi. Leitung paradais-ah mihingte a tawntungin teng ding uh hi. Jehovah in a ngimna a tangtun nadinga Jesuh a zat dan na theih nadingin VIDEO hong in.
Late 145:16 sim in. Tua khit teh hih dotna kikum un:
Jehovah in ‘nuntak husanna a nei khempeuhte’ deihna a kicingin pia ding hi,’ cih na theih ciangin na lungsim bangci om a hiam?
MI PAWLKHATTE’ GEN: “Kithutuakin semkhawm leng, leitung buainate vengsak thei ni.”
Pasian Gam in mihing kumpite’ sep zawh loh bang buainate vengsak ding a hiam?
TOMLAKNA
Pasian Gam in Pasian’ ngimna tangtungsak ding hi. Leitung bup pen paradais suaksakin, a tawntunga Jehovah a bia ding mihoihte tawh kidimsak ding hi.
Kikupkikna
Pasian Gam in koi bangin Jehovah’ min siangthosak ding a hiam?
Pasian Gam in Lai Siangtho kamciamnate tangtungsak ding cih pen bang hang muang thei i hiam?
Pasian Gam in a tangtunsak dingte lakah bang ngaklahpen na hiam?
THEIH BEH NADING
Armageddon a khiatna kan in.
Jesuh in “gimna lianpi” a cih hun sunga a hong tung ding thu piangte en tel in.—Matthai 24:21
Innkuan kima Pasian Gam thuphate a ngah bangin na mitkha tawh bawl in.
Kumpite langpanga gamvai a sem mi khat in a zonzon buaina vensak theih dan a muhkhiat dan pen, “Dotna Tampi Ka Lungsimah Hong Lut,” cih thu-ah sim in.
“Lai Siangtho In Nuntakna Kikhelsak” (Vilnatausang, January 1, 2012)