SIN DING THU 10
Jehovah Tecite’ Kikhopnate In Koi Bang Hamphatna Hong Ngahsak Thei A Hiam?
Jehovah Tecite’ kikhopna-ah na kikhawm ngei hiam? Na kikhop ngei nai kei leh a khatveina na kikhop ding pen patau khathei ding hi teh. ‘Kikhopnate-ah bang bawl uh a hiam? Kikhopnate bang hang thupi a hiam? Ka kikhop ding bang hang kisam a hiam? ci-in na ngaihsun kha ding hi. Hih sin ding thu-ah, midangte tawh kimuhkhopna in Pasian tawh na kinaih semsem theih nading le huhna hong ngahsak thei ahihna thu thei ding hi teh.
1. Kikhopna a thupit mahmahna a hang bang a hiam?
Midangte tawh kikhopna ii a thupit mahmahna a hang pen Lai Siangtho a atpa khat in hih bangin gen hi: “Mihon tampi lakah TOPA [Jehovah] ka phat ding hi.” (Late 26:12) Tua mah bangin, Jehovah Tecite’n zong kimukhawma kikhop pen nuamsa mahmah uh hi. Leitung bupah, amaute in Pasian bia dingin, phatna la sa dingin, le thu ngen dingin kal simin kikhawm uh hi. Tua banah kikhoppite zong kum simin bawl uh hi.
2. Kikhopnate-ah bangteng thei ding na hiam?
Kikhopnate-ah, a diakin Lai Siangtho thu kihilh a, ‘a cihnopna a kitelin kigen,’ hi. (Nehemiah 8:8 sim in.) Kikhawm lecin, Jehovah le ama pianzia hoihte thei ding hi teh. Pasian’ hong itna na theih ciang Pasian tawh na kinai semsem ding hi. A lungkimhuai nuntakna na neih theih nadinga Pasian’ hong huh dan zong thei ding hi teh.—Isaiah 48:17, 18.
3. Kikhopnate-ah midangte tawh kikholhna pan koi bang hamphatna ngah thei ding na hiam?
Jehovah in ‘khatlekhat ki-itin a hoih nate i sep nadingin kihanthawnin, kikhop khawmnate pelh lo dingin’ thu hong pia hi. (Hebru 10:24, 25) Kikhopna-ah khatlekhat a kidon mite le nang mah banga Pasian’ thu a kan nuam mite tawh kimu ding hi teh. Lai Siangtho sunga a thangahhuai kammalte zong za ding hi teh. (Rom 1:11, 12 sim in.) Tua banah haksatna a phulzo mite tawh kimeltheihna hunpha na ngah ding hi. Tuate pen Jehovah in kimukhawma i kikhop ding a deihna a hangte lak pan pawlkhat bek hipan hi.
ZON BEH INLA, MUH BEH IN
Jehovah Tecite ii kikhopnate a bawl dan uh le tua kikhopnate-ah hanciama kikhopna in phattuamna a hong ngahsak dan kan in.
4. Jehovah Tecite’ kikhopnate
Kum zalom masa lai-a Khristiante in Jehovah bia dingin manmanin kikhawm uh hi. (Rom 16:3-5) Kolose 3:16 sim in. Tua khit teh hih dotna kikum un:
Kum zalom masa lai-a Khristiante in koi bangin Jehovah bia uh a hiam?
Tu hunin, Tecite in biakinnte-ah manmanin kikhawm uh hi. Kikhop a bawl dan uh na theih nadingin, VIDEO hong in. Tua khit teh pawlpi kikhop a bawlna uh lim pen en inla, hih dotnate kikum un.
Kolose 3:16-a a kigente le Biakinna kikhop a kibawl dante-ah a kibatna bangteng mu na hiam?
Video, ahih kei leh lim sungah kikhopnate tawh kisai-in bangteng hoihsa na hiam?
Korin Nihna 9:7 sim in. Tua khit teh hih dotna kikum un:
Jehovah Tecite’ kikhopna-ah bang hang sumpi kidong lo a hiam?
Tu kal kikhopna-ah bang thute kikum ding cih pen Lai Siangtho hong sinpihte tawh enkhol un.
Kikhopna-ah lungluthuai na sakpen hun le hamphatna hong ngahsakpen hun in bang hun a hiam?
A lungluthuai thu
Leitung mun tuamtuama ka kikhopna uh a hun le a munte pen jw.org website sungah zong thei hi teh.
Kikhopnate-ah Lai Siangtho thugenna, limlahna le video-te kihel hi. Kikhop a kipatna le a tawpna-ah la sakna le thungetna om hi
Kikhop hun pawlkhatte-ah mipite in thudotnate-ah dawnna pia uh hi
Innkuan, tanggawl, khangham, le naupang a kuamah peuh hong kimuak hi
Kikhopnate-ah man piak kul lo-in kikhop theih hi. Sumpi zong kidong lo hi
5. Kikhop ding hanciam kul
Jesuh’ innkuan thu ngaihsun in. Kum sima a kibawl pawi khatah a kikhop theih nadingun Nazareth khua pan Jerusalem khua dongin khamtung lampi tawnin nithum sung bang khe tawh pai uh hi. Luka 2:39-42 sim in. Tua khit teh hih dotnate kikum un:
Jerusalem-a khual zin pen hanciamna kisam dingin na um hiam?
Kikhop ding bang hang hanciam kul a hiam?
Hanciam thaman om dingin na ngaihsun hiam? Bang hang hiam?
Pasian bia dinga kikhop pen thupi mahmah hi, ci-in Lai Siangtho in gen hi. Hebru 10:24, 25 sim in. Tua khit teh hih dotna kikum un:
Manmana i kikhop ding bang hang kisam a hiam?
MI PAWLKHATTE’ GEN: “Midangte tawh kimuhkhop kul sese kei ee. Innah ei bekin Lai Siangtho sim leng zong kingah lel.”
Bang Lai Siangtho mun le bang Lai Siangtho limlahna in Jehovah’ deihnate hong theisak a hiam?
TOMLAKNA
Kikhopnate-ah na kihelna in Jehovah’ thu na theih semsem nading, amah tawh na kinai semsem nading, le midangte tawh Pasian na biak khop theih nadingin hong huh ding hi.
Kikupkikna
I kikhop ding Jehovah in bang hang hong hanthawn a hiam?
Jehovah Tecite’ kikhopna-ah bangteng thei ding na hiam?
Kikhawm lecin adang bang hamphatnate ngah dingin ki-um na hiam?
THEIH BEH NADING
Kikhop ding patau na hih leh bang cih ding na hiam? Tua banga a patau ngei mi khat in kikhop nuam a sakkik dan en in.
Khangno pasal khat in kikhop nuamsa ta ahih manin a kikhop suak theih nadingin bang hih hiam, cih en in.
Kikhop pen mi pawlkhat in bangci ngaihsut uh a hiam?
“Biakinna A Kibawl Kikhopnate-ah Bang Hang Kikhop Ding Kisam A Hiam?” (Website-a thu)
A ngongtat migilo hon laka a kihel mi khat in Jehovah Tecite’ kikhopna-ah a kikhop khit ciang a nuntakna a kikhel dan kan in.
“Thau Pua Lo-in Koimah Pai Ngei Ke’ng” (Vilnatausang, July 1, 2014)