Biakinn Kepna-ah Koi Bangin Huh Ka Hi Uh Hiam?

Jehovah Teci-te Biakinn khempeuhin Pasian min siangtho sak hi. Tua ahih manin Biakinn a siangtho nading, a etlawm nading, hoih taka puahkiknate-ah kipiakhia in ka huhnate uh thupha in ka ngaihsun uh a, a siangtho biakpiakna-ah nasep khatin zong ka ngaihsun uh hi. Kuamapeuh kihel thei hi.

A kipiakhia nuamte in hun mankhit ciang Biakinn hah uh hi. Kikhop man ta ciang unaunu le unaupa te’n lungdam takin Biakinn-ah a kisam teng siangtho sak pah uh hi. Kal simin a siangtho’ nading kibawl den hi. Upate ahih kei leh pawlpi nasemte in makaihin nasep dingte, hun gelnate zui-in semkhawm uh hi. A kisapnate tungtawnin a kipiakhia nuamte in munphiat a, sual nawt ahih kei leh set tawh sual hup, ninte siangsakin, tutphahte tangsakin, zunbuk eekbukte siang-a natna a lutloh nading, tawlette le mante siansakna, innmai le innpualamte na siangsak uh hi. Kum khatah khatvei a kicing takin Biakinn hahna kibawl hi. Tua hun teh ka tate uh zong na ka semsak uh a, biakpiakna mun a zahtak nading thu ka hilh uh hi.—Thuhilhna 5:1.

A kipiakhia nuamte ii huhna tawh a kisamte kipuahphakik hi. Kum simin Biakinn a sung le a pua puahphat ding a kisamte hoih takin sitkik uh hi. Tua sitkiknate pan a kisamte manmanin kipuahphakik ahih manin Biakinn hoih takin hong kemsak a, a mawkin sum beina pan hong kidawm sak hi. (2 Khang Tangthu 24:13; 34:10) A thupi mahmah eite ii Pasian i biakna mun ahi Biakinn pen siangtho takin le hoih taka puahphatkik ding kilawm hi. Hih banga sep khopna in Jehovah ka itna uh le amah i biakna mun ka zahtakna uh na lak hi. (Late 122:1) Hih banga sepkhopna in veng sunga om mite’n Pasian min na phat uh hi.—2 Korin 6:3.

• Biakinn pen ba’hang i don loh phamawh hiam?

• Biakinn a siangtho den nading bang gelnate om hiam?