Biakinnte—Ba’hang Kilam A, Koi Bangin Kilam Hiam?

Ko ii kikhopna Biakinn pen Mangam Innpi zong ki ci hi. Ahang pen tua munah a kihilh Lai Siangtho thubul pen Jesuh in Pasian nasepna-ah bulphuhin a gen—Pasian Gam Ukna thu ahih man hi.—Luka 8:1.

Veng sungah biakna man ii phualpi-in a kizat nading mun hi. Tua mun pan lungdamna thu tangkona kisem hi. (Matthai 24:14) Biakinnte a golna le a lam dante a kibat loh hang etlawmin zepluatnate le a kisam lo pi-a lianlua cih te om lo hi. Leitung mun kima Biakinn a tamzaw pen pawlpi khat sanga a tamzaw in zang khawm uh hi. Pawlpi le pawlpi mite hong tam semsem ahih manin a sawtlo kum sungin (nikhat in inn 5 bang) Biakinn thak tulsawm val bang kilam hi. Hih teng khempeuh koi bangin kilam zo hiam?—Matthai 19:26.

Biakinn lam nading a kipia sumpite tawh kilam hi. A kipia sumpite branch office-te ah kipuak hi. Tua sumte pen Biakinn a lam nuamte le puahphat ding a kisam pawlpite in zang thei uh hi.

Khan’na nungthu kibang lo, a kipiakhia mite in thaman la lo in hong lam sak uh hi. Gam tampi-ah Biakinn lamte kiphuan hi. Tua innlamte le thaman a la lo, a kipiakhia mite’n a tunna muna pawlpite’ Biakinn lamna-ah a huh theih nading gam khat sunga om pawlpi mun khat pan mun khatah kituah kawikawi-in khuatawng pek dong tung uh hi. A kiciangtan na muna om Biakinn kilamnate le puahphat ding a kisam Biakinnte a en dingin a picing Tecite kiseh hi. Inn lam nasepna khempeuhah nasep siam a kipiakhiate a om hang nasempi pen tua muna pawlpi mite hi uh hi. Tua nasepte khempeuh a kizawhna in Jehovah ii kha siangtho panpihna le ama mite’n lungsim khempeuh tawh hanciam takin a sep man uh hi.—Late 127:1; Kolose 3:23.

• Ko ii kikhopna munte pen ba’hang Mangam Innpi ci ka hi uh hiam?

• Leitungbupa Biakinn-te koi bangin lamzo ka hi uh hiam?