LABIB I SANZ LAVI

Zot in trouv sa “perl ki annan en gran valer”

Zezi ti ansennyen ki Rwayonm Bondye pou rezourd tou problenm imen. (Matye 6:10) Dan Matye 13:44-46, i ti donn de legzanp pour montre valer laverite lo Rwayonm Bondye:

Portre: De zonm dan legzanp Zezi. 1. En zonm pe fouye dan en plantasyon e i sirprann avek sa ki i vwar. 2. En lot zonm i lev en perl anler e i fer en sourir.

En zonm pe travay dan en plantasyon e san ekspekte i trouv en trezor ki’n ganny kasyet.
En marsan ki pe vwayaze pour rod bann zoli perl i vwar en perl ki annan en gran valer.

Avek lazwa, tou le de zonm ti vann tou sa ki zot ti annan pour aste sa trezor ki zot ti’n vwar. Sa de zonm i reprezant bann dimoun ki Rwayonm i annan en gran valer pour zot. Zot fer bokou sakrifis pour ganny son benediksyon. (Lik 18:29, 30) Dan sa video, vwar leksperyans de dimoun ki parey sa de zonm dan legzanp Zezi.