Fikse ou regar lo sa pri!

1. Kan bann aveg i vwar ankor

E bann ki sourd i tann ankor,

Kan fler i kouver bann dezer,

Labondans delo lo later.

Kan bann malad i grenp ankor

E pou nepli annan lanmor;

Pour viv sa boner enfini,

Fikse ou regar lo sa pri.

2. Kan bann kozpa i koz ankor

E bann vye i vin zenn ankor.

Kan later donn annabondans

Tou son prodwi par ekselans;

Kan zanfan sant leker kontan,

Lazwa, lape i renny toultan,

Pour vwar bann mor reganny lavi,

Fikse ou regar lo sa pri.

3. Kan lelou manz ek pti mouton,

Lours ek pti bef i vin dalon;

Zot pou kapab ganny dirize,

Par en zenn zanfan san danze.

Kan personn pa bezwen plere,

Laper ek douler oubliye;

Pour vwar tou sa dan Paradi,

Fikse ou regar lo sa pri.