Konteni

Dan zot ladorasyon, pep Zeova in touzour vwar li enportan pour sante. Par kont, serten pa santi zot alez pour sant devan lezot dimoun. Ki mannyer nou kapab aprann sant bann louanz pour Zeova avek konfidans? Sa lartik i donn nou bann bon rezon pour sant avek lazwa e i donn nou serten sizesyon konman nou kapab amelyor nou lavwa ler nou sante.

Nou kapab aprann bann leson enportan atraver sa laranzman ki ti ganny fer dan letan bann Izraelit pour annan bann lavil refiz. Dan sa premye lartik, nou pou vwar ki mannyer bann ki fer pese i kapab pran refiz dan Zeova ozordi. Dan sa dezyenm lartik, nou pou vwar konman legzanp Zeova i ed nou pour pardonn lezot, annan respe pour lavi e azir dan en fason zis.

Sa de lartik i baze lo sa let ki zapot Pol ti ganny enspire pour ekri bann Kretyen Kolos. Sa premye lartik i eksplike ki nou devret fer ler nou tann bann keksoz ki mal dan sa lemonn me ki kapab paret rezonnab. Sa dezyenm lartik i eksplike ki mannyer pour rezet bann latitid ki kapab anpes nou ganny bann benediksyon ki Zeova in promet.