Eski ou’n servi sa ki deryer lo lapo magazin?

Normalman kan en dimoun i anmas en magazin, i get devan lo son kouvertir e apre toudswit i tourn sa magazin pour gete ki i annan lo son dernyen paz. Deryer lo lapo Latour Veyer edisyon piblik i annan plizyer kestyon ek pwen ki kapab evey lentere, enkli nimero paz kot sa bann lenformasyon i kapab ganny trouve.

Nou kapab servi sa laspe pour ganny bann bon lide ek bann kestyon ki kapab ed nou konmans en konversasyon. Si nou travay dan en teritwar ase souvan, nou kapab varye nou prezantasyon par servi diferan kestyon pandan en mwan. Si en met lakour i okipe, nou kapab fer nou prezantasyon pli kourt par montre li enn sa bann kestyon ki deryer lo lapo magazin, e dir: “Si ou ti a kontan konn larepons, mon kapab kit sa magazin avek ou e nou kapab koz plis kan ou pa okipe.” Serten proklanmater i kapab deside pour konmans en konversasyon par montre sa met lakour deryer lo lapo magazin e demann li pour swazir en kestyon ki enteres li. Apre zot kapab montre li kote i kapab trouv larepons e lir en verse ki zot in prepare davans. Petet ou kapab mazin lezot fason pour servi sa ki trouve deryer lo lapo Latour Veyer pour evey lentere bann dimoun.