Kwen kestyon

◼ Eski i apropriye pour bann kongregasyon oubyen endividi ­servi logo lasosyasyon legal Temwen ­Zeova?

En logo i en non, senbol, oubyen en trademark ki’n ganny fer pour fasilman idantifye en lorganizasyon. Logo Watch Tower i reprezant Watch Tower Bible and Tract Society of Pennsylvania ek lezot lasosyasyon ki lorganizasyon Temwen Zeova i servi. Association of Jehovah’s Witnesses i servi en pti latour konman logo lo tou bann let ki ganny anvoye. Lezot lasosyasyon ki ganny servi par Temwen Zeova i annan lezot diferan kalite logo.

Bann kongregasyon ek endividi pa devret servi logo, bann non legal ki inikman idantifye lorganizasyon Temwen Zeova oubyen lezot idantifikasyon en pe parey pour met lo zot Lasal Rwayonm, lansenny, let ki kongregasyon i anvoye, lobze personnel ek lezot ankor. Kan logo bann lorganizasyon i ganny servi sa i kapab konfiz bann zofisye piblik, piblisiter ek lezot konsernan relasyon legal ki kongregasyon i annan avek sa idantifikasyon legal lorganizasyon Temwen Zeova. Pareyman, bann let i kapab mal ganny enterprete konman let ki’n ganny aprouve par oubyen sorti kot biro prensipal Temwen Zeova oubyen lezot biro brans.

Logo Watch Tower oubyen en idantifikasyon en pe parey, pa devret ganny servi dan bann proze Lasal Rwayonm dan lavenir menm si Lasal Rwayonm i propriyete Watch ­Tower. I pa neseser ki bann kongregasyon ki deza annan en logo lo zot Lasal Rwayonm pour fer bann sanzman lo lansenny oubyen dekorasyon deswit, vi ki sa i kapab enplik bann gran sanzman, e demann bokou letan, zefor e fer bann gro depans. Parkont, zot devret pran konsiderasyon pour fer sanzman si napa bann gran sanzman oubyen gro travay pour fer. Sinon, sanzman i kapab ganny fer ler i ganny progranmen pour fer renovasyon lo sa batiman oubyen lansenny.