Mazin gran zour Zeova
1 “Gran zour Zeova i pros. I pros e i pe vin byen vit.” (Tsef. 1:14) Tsefanya ek 11 lezot profet ti toultan gard antet gran zour Zeova dan lafason ki zot ti viv. Atraver Letid Liv Kongregasyon nou pou kapab egzamin sa liv Live With Jehovah’s Day in Mind ki pou prepar nou pour sa gran zour Zeova.—Tsef. 2:2, 3.
2 En laspe remarkab: Dan plas konsantre zis lo sinifikasyon bann keksoz senbolik ek leksplikasyon verse par verse dan sa 12 liv profetik, sa liv Jehovah’s Day i eksplike konman sa bann diferan liv enspire dan Labib i relye avek bann sitiasyon ki nou rankontre dan nou lavi tou le zour. I met lanfaz lo akoz nou devret gard antet ki gran zour Zeova i vreman pros e konman i devret annan en lefe lo nou bann desizyon ek nou aksyon. Sa liv i konsantre lo bann sitiasyon parey dan fanmir, nou relasyon avek nou bann frer ek ser Kretyen, swa divertisman, nou minister ek desizyon konsernan lanplwa.
3 Premye seksyon sa liv i idantifye sa 12 profet ek sa ki zot in ekrir. Lekel zot? Ki sitiasyon ki egziste ozordi, ki parey dan zot letan? Seksyon 2 i konsantre lo Zeova ek son bann kalite. Ki konprenezon sa bann profet i donnen lo Zeova ek son personalite? Seksyon 3 i konsantre lo nou prop kondwit ek lafason ki nou azir. Dan en fason pratik ki mannyer nou kapab fer plezir Zeova tou le zour? Seksyon 4 i eksplike konman nou kapab annan en lavi ki ere anmezir nou esper gran zour Zeova.
4 Fer plan konmela menm pour benefisye: Nou devret determinen pour fer tou sa ki neseser afen ki nou benefisye plennman avek letid dan sa liv Jehovah’s Day ki pou konmans semenn le 4 Out 2008. Fer plan pour asiste Letid Liv Kongregasyon sak semenn. Prepar byen ou liv pour sak letid e lir bann verse labib pour ou konpran konman i relye avek sa lenformasyon ki pe ganny egzaminen. Medit lo sa lenformasyon par demann ou lekor: ‘Ki mannyer mon kapab aplik sa lenformasyon dan lakour, kot lekol, dan travay, dan mon minister e dan tou sa ki mon fer avek mon bann frer ek ser Kretyen?’ Nou devret pare pour fer komanter ler nou vin letid liv pour ki nou benefisye avek lankourazman lezot.—Rom. 1:12.
5 Fotespere nou egzamin sa liv Jehovah’s Day e prepar nou depi la konmela menm, pour nou kapab sirviv sa “gran zour efreyan” Zeova. Sa zour i vreman byen pros!—Yoel 2:11.