“Pres Mesaz Bondye san okenn Lafreyer”
1 Eski parfwa ou ezite pour koz lo ou krwayans ler ou ganny en loportinite kot lekol oubyen kot travay? Eski ou trouv li difisil pour ou rann en temwannyaz enformel avek ou fanmiy ek vwazen oubyen petet avek bann dimoun ki ou pa konnen? Kwa ki pou ed nou tou pour byen profit bann lokazyon apropriye pour “pres mesaz Bondye san okenn lafreyer”?—Fili. 1:14.
2 Pa ezite: Si enn ou bon zanmi oubyen fanmiy ti pe ganny akize, eski ou ti pou ezite pour defann li? Zeova, nou pli bon zanmi, i’n vreman ganny mal reprezante en kantite toudilon listwar imen. E nou, nou annan en privilez spesyal pour koz lo nou gran Bondye! (Iza. 43:10-12) Nou profon lanmour pour Zeova pou kapab ed nou fer fas avek sa santiman ki fer nou pa alez, akoz nou panse ki lezot pe get nou. Oubyen i kapab ed nou fer fas avek lafreyer. Sa pou osi pous nou pour koz lo li, e pour pa ezite rann temwannyaz lo laverite avek lardyes.—Akt 4:26, 29, 31.
3 Mazinen ki nou mesaz i en bon nouvel. Sa pou anmenn bann byenfe dirab pour bann dimoun si zot obeir sa mesaz. Si nou konsantre lo valer sa travay predikasyon olye lo nou menm oubyen lo bann ki opoz nou, sa pou ed nou pres avek lardyes.
4 Legzanp Lezot: Nou kapab ganny lafors kan nou egzamin lavi sa bann ki’n reste fidel e ki’n pres mesaz Bondye san okenn lafreyer. Par egzanp, avek kouraz Enok ti anons zizman Zeova kont bann peser. (Zid 14, 15) Noe ti fidel, akoz i ti kontinyen pres avek bann dimoun ki pa ti enterese pour ekout li. (Mat. 24:37-39) Bann Kretyen dan premye syek ki ti “senp san gran ledikasyon” ti kontinyen prese menm si zot ti fer fas avek bann lopozisyon kriyel. (Akt 4:13, 18-20) Souvan Latour Veyer ek Awake! i rakont bann leksperyans ki’n arive dan nou letan, kot bann vre Kretyen ki’n demontre lafwa dan Zeova pa ti les lafreyer pour zonm fer zot tonbe e ki ti bann proklanmater devoue.
5 Nou kapab ganny kouraz par egzamin fidelite bann Kretyen fidel dan lepase ki ti fer fas avek bann sitiasyon difisil. (1 Rwa. 19:2, 3; Mark 14:66-71) “Gras a nou Bondye zot ti kapab ganny sa lardyes” e zot pa ti per pour koze. Nou osi, nou kapab fer parey!—1 Tesa. 2:2, NW.