Pa perdi ou premye Lanmour
1 Zezi ki ti’n ganny glorifye ti konsey bann Kretyen premye syek dan kongregasyon Efez: “Sa ki mon annan kont ou, ki ou’n perdi ou premye lanmour.” (Rev. 2:4) Aparaman en kantite ti’n perdi zot premye lanmour pour Zeova. Kan nou ti pe aprann laverite, nou ti devlop en lanmour solid pour Bondye ek nou prosen. Sa ti pous nou pour koz konsernan nou nouvo lespwar avek devouman. Kwa ki kapab ed nou pour pa perdi sa premye lanmour ek nou devouman dan predikasyon?
2 Letid personnel ek Lasistans Renyon: Kwa ki ti ed nou pour devlop lanmour pour Bondye ek nou prosen kan nou ti konmans aprann laverite? Eski i pa tou sa ki nou ti aprann konsernan Zeova dan nou letid baze lo Labib? (1 Zan 4:16, 19) Alor, pour ki nou lanmour i “ogmante e vin plis ankor,” nou devret kontinyen ganny plis konnesans egzakt, aprofondir lo “bann keksoz profon Bondye.”—Fili. 1:9-11; 1 Kor. 2:10, NW.
3 I kapab en defi pour mentenir en bon labitid letid personnel dan sa bann dernyen zour ranpli avek lenkyetid ek distraksyon. (2 Tim. 3:1) Nou devret met letan dekote dan nou progranm pour nouri nou spirityelman. I osi enportan pour asiste renyon kongregasyon regilyerman sirtou ki la nou pe vwar “Zour Senyer pe aprose.”—Ebr. 10:24, 25.
4 Predikasyon: Prese avek devouman pou ed nou gard nou premye lanmour pour Bondye. Ler nou pres sa bon nouvel, nou pe rapel nou lekor bann promes Zeova ki ranpli avek lanmour. Sa pou ed nou gard nou lespwar solid ek nou lanmour vivan. Pour ansenny laverite Labib nou bezwen fer resers pour ki nou menm nou konpran klerman sa lansennyman, e sa i fortifye nou lafwa.—1 Tim. 4:15, 16.
5 Zeova i merit resevwar tou keksoz, enkli nou lanmour. (Rev. 4:11) Anpes ou lanmour diminyen. Gard ou premye lanmour par etidye Labib personnelman dan en fason profon, asiste renyon regilyerman e pres avek devouman pour partaz avek lezot sa keksoz ki pli presye pour ou.—Rom. 10:10.