Revizyon Lekol Minister Teokratik

Sa bann kestyon revizyon pou ganny egzaminen dan Lekol Minister Teokratik pandan semenn le 25 Desanm, 2006. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 6 Novanm ziska le 25 Desanm, 2006. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Ki nou devret pran an konsiderasyon kan nou pe rode konman pour entrodwir en verse Labib? [be p. 148 par. 4–p. 149 par. 1]

2. Ki serten teknik nou kapab servi pour met lanfaz apropriye lo bann mo oubyen lekspresyon? [be p. 151 par. 4–p. 152 par. 3]

3. Lefe ki ansenny lezot Parol Bondye i en keksoz serye, ki nou bezwen fer pour kapab “anons byen mesaz laverite”? (2 Tim. 2:15) [be p. 153 par. 1-3, bwat; p. 154 par. 1-2]

4. Konman nou kapab fer laplikasyon en verse ki nou lir kler? [be p. 154 par. 4–p. 155 par. 3]

5. Akoz i enportan pour fer kler valer pratik dan nenport size ki nou fer, e konman nou kapab fer sa? [be p. 157 par. 1-4, bwat; p. 158 par. 1]

EKSPOZE NO. 1

6. Dan ki sans Salomon ti ganny apele sa enn ki rasanble? [si p. 112 par. 1-3]

7. Ki mannyer liv Eklezyast i an akor avek lansennyman Zezi? [si p. 114 par. 16]

8. Ki levidans nou annan ki Kantik Salomon i vreman form parti dan Labib? [si p. 115 par. 3-4]

9. Ki mannyer sa roulo ki kontyen liv Izai ki ti ganny trouve kot Lanmer Mor, i prouve ki sa Labib ki nou annan ozordi i ankor parey ler i ti ganny ekrir? [si p. 118 par. 6]

10. Kwa ki kapab ed en orater pour pa servi en kantite not? [be p. 42 par. 1]

LEKTIR LABIB POUR LASEMENN

11. Ki mannyer sa ‘bann ki pe rod Zeova i kapab konpran tou keksoz?’ (Prov. 28:5)

12. Ki mannyer ‘travay bann ki bet i fer zot epwize’? (Ekle. 10:15)

13. Ki mannyer sa fiy Soulamit ti vin parey en “zarden ki’n bare toultour,” e konman i en bon legzanp pour bann ser Kretyen ki pa ankor marye? (Sal. 4:12)

14. Vi ki Zeova ti dir bann Izraelit “annou remet keksoz drwat parmi nou,” eski sa i vedir ki Zeova ti annan lentansyon fer en negosyasyon avek son pep? (Iza. 1:18a)

15. Dan ki fason Izai 11:6-9 ti ganny akonpli, e ki son pli gran lakonplisman?