Revizyon Lekol Minister Teokratik
Sa bann kestyon swivan pou ganny egzaminen dan Lekol Minister Teokratik pandan semenn le 30 Oktob, 2006. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 4 Septanm ziska le 30 Oktob, 2006. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]
PWEN LANSENNYMAN
1. Akoz lasirans i enportan ler nou pe prezant en ekspoze, e ki mannyer nou kapab redwir nou lenkyetid? [be p. 135 par. 5–p. 137 par. 2, bwat]
2. Ler en dimoun i kestyonn nou krwayans, akoz nou devret fer zefor pour servi Labib ler nou pe reponn? [be p. 143 par. 1-3]
3. Ki mannyer nou kapab servi Labib pli byen? [be p. 144, bwat]
4. Akoz i enportan pour servi Labib en kantite ler nou pe ansenny lezot dan predikasyon, e ki mannyer nou kapab ankouraz lezot pour servi li dan bann renyon? [be p. 145-6, bwat]
5. Ki sa de lobzektif nou oule akonpli ler nou entrodwir en verse Labib? [be p. 147 par. 2]
EKSPOZE NO. 1
6. Ki sa mesaz itil pour nou letan ki trouve dan Psonm? [si p. 104 par. 23]
7. Kan ki liv Proverb ti ganny ekrir e ganny mete ansanm? [si p. 107 par. 5]
8. Kwa sa en proverb, e akoz sa tit Ebre pour sa liv i apropriye? [si p. 107 par. 6]
9. Dan Proverb 2:1-5, ki i enplike par sa lankourazman pour kontinyen rod konnesans, konprenezon, ek disernman “konmsi larzan e konmsi en trezor kasyet”? [be p. 38 par. 4]
10. Ki mannyer liv Proverb li menm i revel son bon lobzektif? [si p. 109 par. 19]
LEKTIR LABIB POUR LASEMENN
11. Ki mannyer David ti ‘apez e kalme son nanm parey en zanfan ki’n aret tete,’ e ki mannyer nou kapab imit li? (Ps. 131:1-3)
12. Ki rekonfor nou kapab gannyen atraver parol enspire dan Psonm 139:7-12?
13. Nonm serten keksoz merveye Zeova ki ganny mansyonnen dan Psonm 145 ki fer nou loue li dan nou lapriyer ek dan predikasyon? (Ps. 145:3)
14. Dan ki fason lakrent pour Zeova i “konmansman konnesans” e “konmansman lasazes”? (Prov. 1:7; 9:10)
15. Dan Proverb 7:1, 2, kwa ki enkli ler i dir “mon parol” ek “mon komannman”?