Zeova—Sa “gran Enstrikter” an Aksyon!

Pa i en gran privilez pour ganny ansennyen par sa “Gran Enstrikter”! (Iza. 30:20) Nou tou nou pou dakor avek sa parol dan Zob 36:22 ki dir: ‘Gete! Avek son pwisans Bondye pe azir dan en fason ekstraordiner. Lekel sa enstrikter ki parey li?’ Depi ki i’n konmans kominik avek imen, Zeova pe ansenny e form zot, pour ki an retour zot kapab servi li e byen reprezant li.

Bann Temwen Zeova i apresye en kantite sa formasyon ki zot gannyen. Se pour sa rezon ki bann lekol oubyen kour baze lo diferan laspe teokratik dan lorganizasyon, i ganny organize regilyerman dan lemonn antye. Eski ou konn detrwa sa bann lekol? I annan lekol minister teokratik, lekol pionye (ki dir pour 2 semenn), lekol Gilead ki form bann frer ek ser pour vin misyonner (pour 5 mwan), lekol pour bann sirveyan rezyonal (pour 2 mwan), lekol pour bann manm ki lo komite biro brans (pour 2 mwan), lekol formasyon ministeryel pour bann ansyen ek asistan ministeryel ki selibater (pour 2 mwan), lekol minister Rwayonm pour bann ansyen ek asistan ministeryel (ki dir pour 1 wikenn), eksetera. I osi annan bann kour ki ganny fer pour bann betelit e pour serten servis dan en biro brans.

Pour lannen teokratik 2006, i’n osi annan bann lekol ek diferan formasyon. Depi le 15 Septanm ziska le 13 Novanm en asistan ministeryel sorti Larenyon ti asiste sa lekol formasyon ministeryel ki ti ganny fer pour dizwityenm fwa Louviers, Lafrans. Depi mwan Oktob ziska sa mwan, tim tradiksyon Moris ek Sesel in osi ganny en formasyon byen spesifik. Pour sa mwan osi ek Zanvye bann ansyen ek asistan ministeryel pou benefisye avek lekol minister Rwayonm. Trwa lekol in ganny fer Larenyon (ki ti enkli bann frer sorti Mayot), Moris (enkli bann frer sorti Rodrig) e osi Sesel.

Depi ki sa nouvo liv pour bann pionye in sorti, Konsey direkter i swete ki tou bann pionye ordiner, spesyal, ek misyonner i asiste lekol pionye ki pou baze lo sa nouvo liv. Anfet, pour sa lannen teokratik ki’n pase, trwa lekol ti ganny fer Larenyon, Moris ek Sesel. Pour lannen 2006, i pou annan set lekol pionye. Larenyon lekol pou ganny fer le 7 ziska 18 Out, le 21 Out ziska 1 Septanm, le 4 ziska 15 Septanm, e le 18 ziska 29 Septanm. Moris: le 3 ziska 14 Zilyet, le 16 ziska 28 Zilyet, e le 4 ziska 15 Septanm. Tou bann pionye ordiner, spesyal, ek misyonner ki annan plis ki enn an dan servis pionye pou asiste sa bann kour. Plitar bann pionye pou ganny zot lenvitasyon.

Wi, nou vreman rekonesan anver nou Gran Enstrikter pour sa formasyon ki i donn nou atraver son lorganizasyon!