Revizyon Lekol Minister Teokratik

Sa bann kestyon swivan pou ganny egzaminen oralman dan Lekol Minister Teokratik pandan semenn le 31 Oktob, 2005. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 5 Septanm ziska le 31 Oktob, 2005. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Ki mannyer nou kapab fer sir ki ler nou ansenny Parol Bondye nou fer li tous leker dimoun? (Mat. 13:19) [be p. 258 par. 1-2, bwat]

2. Ki nou kapab fer pour fer en dimoun eksprim sa ki i pe santi dan son leker, me ki nou bezwen fer atansyon? [be p. 259 par. 1-2]

3. Ler nou ansennyen, akoz i enportan ki nou met lanfaz lo bann zoli kalite Zeova? [be p. 260 par. 1]

4. Ki mannyer nou ed nou etidyan Labib pour rekonnet laspe dan zot lavi kot zot bezwen amelyore? [be p. 260 par. 4–p. 261 par. 1]

5. Ki nou kapab fer pour ed nou etidyan Labib oubyen sa ki ekout nou pour analiz zot motivasyon par deryer sa ki zot fer? [be p. 262 par. 2-3]

EKSPOZE NO. 1

6. Ki savedir “rod” Zeova, e ki mannyer nou kapab montre ki nou pe fer sa? (Ebre 11:6) [w03 8/15 p. 25 par. 2; p. 26 par. 1-2; p. 27 par. 2 (Angle/Franse)]

7. Kisisa ‘model parol laverite’ e ki mannyer bann ansyen i kapab montre ki zot reste atase avek? (2 Tim. 1:13, 14) [w03 1/1 p. 29 par. 3–p. 30 par. 1 (Angle/Franse)]

8. Ki serten fakter ki determinen si en liv Labib i vreman form parti dan sa lalis liv ki dan Labib? [si p. 299 par. 5-6]

9. Akoz sa dokiman apele Muratorian Fragment ki date ver lafen dezyenm syek N.L., i vreman enportan pour konfirm sa lalis liv dan Lekritir Grek Kretyen? [si p. 302 par. 19]

10. Ki lotorizasyon pour tradwir Labib ki Labib li menm i donnen, e ki rol bann ansyen tradiksyon Labib in zwe? [si p. 307 par. 9]

LEKTIR LABIB LASEMENN

11. Eski 2 Lerwa 13:21 i siport sa krwayans pour ador bann lobze relizye?

12. Eski Izkiya ti fer en lalyans avek Lezip? (2 Rwa. 18:19-21, 25)

13. Menm si rikord istorik bann Asiryen pa ti spesifikman mansyonn sa defet remarkab ki Zeova ti anmennen lo Senakerib, kwa ki enteresan konsernan sa ki’n ganny ekrir dan sa bann resi istorik? (2 Rwa. 19:35, 36)

14. Lekel ki ti papa Sealtyel? (1 Kron. 3:16-18)

15. Dan letan Lerwa Sail, ki mannyer bann Ribenit, Gadit ek lanmwatye tribi Manase in kit en bon legzanp pour tou serviter Bondye ozordi? (1 Kron. 5:18-22)