Revizyon Pour Lekol Minister Teokratik

Sa bann kestyon swivan pou ganny egzaminen oralman dan Lekol Minister Teokratik pandan semenn le 27 Desanm, 2004. Sirveyan lekol pou kondwir en revizyon 30 minit baze lo lenformasyon ki’n ganny trete dan bann ekspoze depi semenn le 1 Novanm ziska le 27 Desanm, 2004. [Not: Kot napa referans apre kestyon, ou pou bezwen fer ou prop resers pour trouv larepons.—Vwar liv Lekol Minister, p. 36-7.]

PWEN LANSENNYMAN

1. Nonm enn parmi bann pli bon fason pour stimil lentere lodyans dan en size. [be p. 218 par. 3]

2. Mansyonn senk laspe en konklizyon efikas. [be p. 220 par. 4–p. 221 par. 4]

3. Ki nou kapab fer pour fer sir sa ki nou dir i egzakt? [be p. 224 bwat]

4. Ki mannyer nou kapab fer sir ki nou prezantasyon dan bann renyon i demontre ki nou annan en gran respe pour rol kongregasyon konman “pilye ek sipor laverite”? (1 Tim. 3:15) [be p. 224 par. 1-4]

5. Ki mannyer nou kapab aplik Proverb 14:15 an rapor avek bann levennman resan, sitasyon ek leksperyans? [be p. 225 par. 1]

EKSPOZE NO. 1

6. Ki mannyer sa letan ant Deliz ek kreasyon Adan i kapab ganny kalkile? [si p. 286 par. 12]

7. Konman nou kapab konn dat ki Zezi ti konmans son minister, e ki rezon i annan pour krwar ki son minister ti dir zis trwa zan edmi? [si p. 291 par. 16]

8. (a) Kan “sa parol pour repar e rebatir Zerizalenm” ti ganny anonse? (b) Ki kantite lannen ti pou pase depi ki sa lanons ti ganny fer ziska ki Zezi ti pou aparet konman Mesi? (Dan. 9:24-27) [si p. 291 par. 18-19]

9. Kwa ki enplike dan en leskiz senser ki pou fer ‘lape avek nou frer’? (Mat. 5:23, 24) [w02-SC 1/11 p. 6 par. 1, 5]

10. Ki nou aprann atraver 2 Lerwa 13:18, 19 konsernan akonpli travay ki Bondye i donn nou? [w02 1/12 p. 31 par. 1-2 (Angle/Franse)]

LEKTIR LABIB LASEMENN

11. Akoz bann Izraelit ti kapab vann oubyen donn en rezidan etranze en zannimo mor ki pa’n sennyen, ki zot zot menm pa ti pou manze? (Det. 14:21)

12. Ki leson nou aprann dan Deterononm 20:5-7?

13. Akoz sezi moulen en dimoun konman en garanti ti konmsi pe sezi “en nanm”? (Det. 24:6)

14. Vi ki bann Izraelit pa ti annan drwa manz okenn lagres, ki i vedir ler i dir zot manz “lagres bann mal mouton”? (Det. 32:13, 14)

15. Lekel ozordi ki pran menm move semen parey Akan? (Zoz. 7:1-26) [w86 12/15 p. 20 par. 20 (Angle/Franse)]