Nou pou etidye Liv Sekre pour en Fanmiy ere
1 En dimoun ki’n lir sa liv Sekre pour en Fanmiy ere ti ekrir: “Sa bann bon konsey ki’n vin atan ti fer mwan plere. Mon’n vreman ganny touse e enpresyonnen par son bann detay ek lafason ki i abord bann sitiasyon difisil ki kapab devlope dan en fanmiy. . . . Mon’n aret lo sapit 8 pour ekrir zot. Mon pa ti kapab esper plis ki sa.” Sa lekter rekonesan sorti North Carolina, Letazini, ti azoute: “Mon priye ki mon fanmiy, ensi ki bokou lezot fanmiy partou lo later, pou port en gran latansyon lo bann keksoz ki annan dan sa liv.” Dan Lasanble Distrik “Donn Bondye Laglwar,” nou ti byen kontan pour resevwar liv Sekre pour en Fanmiy ere an Kreol. Serten in lir sa liv deswit. Ou pou kontan pour konnen ki apartir semenn le 15 Mars, 2004, nou pou egzamin liv Sekre pour en Fanmiy ere dan Letid Liv Kongregasyon. Sirman nou pa pou anvi mank letid liv pour egzamin sa bon gid baze lo Labib pour annan en lavi fanmiy ere.
2 Progranm letid pou permet ase letan pour en egzaminasyon profon lo sak paragraf ek verse Labib dan sa liv. Premye sapit sa liv pou ganny egzaminen dan premye semenn letid, vi ki i annan zis detrwa verse Labib ki pa’n ganny site. Pour sa menm rezon, sapit 15 pou ganny egzaminen dan en sel letid. Me lezot sapit pou ganny divize an de parti, apepre lanmwatye en sapit pou ganny egzaminen sak semenn. Alors, pou annan ase letan pour lir e diskit tou bann verse Labib ki’n ganny mansyonnen, osi pour byen egzamin laplikasyon tou bann verse ki’n ganny site dan sak paragraf.
3 Diskisyon lo sa bwat alafen sak sapit i en laspe enportan sa letid. Alors, i devret annan ase letan pour egzamin bann kestyon ek verse Labib ki’n ganny mansyonnen dan bwat. Bann sirveyan Letid Liv Kongregasyon i ganny ankouraze pour byen prepar zot letid e osi ankouraz tou bann ki dan zot group, enkli bann nouvo, pour byen prepare, pour asiste regilyerman, e pour partisipe.—om 74-6.
4 Nou pou ganny loportinite pour egzamin nou lavi fanmiy e vwar konman pour amelyore. Serten fanmiy i kapab anvi repas lo sa liv ansanm. Apre sak letid liv, akoz ou pa esey vwar konman ou kapab met an pratik bann bon konsey ki ou gannyen. Ou kapab ganny loportinite pour vwar konman pour ed sa dimoun ki ou fer letid Labib. Si nou fer sa, nou pou byen benefisye avek letid liv en Fanmiy ere.