Servi bann Levennman aktyel pour stimil Lentere

Problenm ekonomik ek pri lavi i vreman preokip dimoun. Alor, ou kapab dir:

◼ “Ou’n tande lo nouvel ki pri [mansyonn sa komodite] pe mont ankor?” Oubyen ou kapab fer komanter lo problenm lanplwa, si resaman en lakonpanni in met plizyer travayer deor. Depandan lo lafason ki ou anvi pourswiv ou diskisyon, ou kapab kontinyen par demann enn ant sa de kestyon, “Eski ou’n deza demann ou lekor akoz ki i sitan dir pour ganny nou lavi?” oubyen “Eski ou krwar ki i pou touzour difisil pour ganny nou dipen?”

Rapor lo vyolans, tel konman bann trazedi dan fanmiy oubyen parmi bann etidyan lekol, i fourni en baz pour en lot diskisyon. Ou kapab demande:

◼ “Eski ou’n lir dan zournal ki [nonm trazedi dan kominote]?” Apre demann swa, “Kwa ki ou panse i lakoz sitan bokou vyolans dan lemonn?” oubyen “Eski ou krwar pou annan en letan kot en zour nou pou kapab santi nou an sekirite?”

Nouvel lo bann inondasyon ek tranbleman-d-ter terib, oubyen lager sivil dan diferan parti lemonn i osi ofer size ki stimil lentere. Par egzanp, ou kapab demande:

◼ “Eski Bondye i responsab pour [nonm sa dezas natirel]?” Oubyen ou kapab port son latansyon lo sa dernyen lager sivil e dir, “Si tou dimoun i anvi lape, akoz ki i sitan difisil pour ganny li?”