Revizyon Pour Lekol Minister Teokratik

Revizyon avek liv fermen, pour bann matyer ki’n ganny trete dan bann ekspoze Lekol Minister Teokratik depi semenn le 7 Me ziska le 20 Out, 2001. Reponn lo en papye separe, otan kestyon ki ou kapab dan lespas letan ki’n ganny akorde.

[Not: Pandan revizyon ekrir, servi zis Labib pour reponn bann kestyon. Bann referans ki’n donnen apre sak kestyon, i pour ou resers personnel. Pour bann referans avek Latour Veyer, paz ek paragraf pa touzour ganny endike.]

Reponn “Vre” oubyen “Fo” apre bann fraz swivan:

1. Sa lapriyer ki’n ganny raporte dan Neemya 2:4 ti en dernyen lespwar lo dernyen minit. [Lektir Labib lasemenn; vwar w86 2/15 p. 25 par. 8.]

2. Sa mo “kongregasyon” in ganny tradwir apartir mo Grek ek·kle·siʹa, ki donn lide solidarite ek en lesanz soutyen antre kanmarad. [w99 5/15 p. 25 par. 4]

3. Menm si bann serviter Zeova i evit bann koutim ki asosye avek lanmor ki kontrer avek Parol Bondye, zot pa rezet tou bann koutim ki asosye avek lanmor. (Zan 19:40) [rs-E p. 102 par. 4; rs-F 257 par. 4]

4. Diran sa peryod ki Zob ti viv, i ti sel imen ki ti fidel avek Zeova. (Zob 1:8) [Lektir Labib lasemenn; vwar w92 8/1 p. 31 par. 3-4.]

5. Lefe ki Sol, oubyen Pol, ti soutenir son lekor par fer bann latant sa i montre ki i ti sorti dan en fanmiy senp. (Akt 18:2, 3) [w99 5/15 p. 30 par. 2–​p. 31 par. 1]

6. Kantmenm David ti’n komet pese grav, Zeova ti kapab dir ki i “ti swiv mwan avek tou son leker” akoz son latitid repantan ek bann bon kalite. (1 Rwa. 14:8) [w99 6/15 p. 11 par. 4]

7. Amwen ki sa promes ki nou’n fer pour en keksoz i pa Biblik, nou devret fer tou sa ki nou kapab pour akonpli nou bann promes menm si plitar nou vwar li difisil pour fer. (Ps. 15:4) [Lektir Labib lasemenn; vwar w89 9/15 p. 28 par. 5.]

8. Psonm 22:1 i endike ki anba presyon David ti tanporerman perdi son lafwa. [Lektir Labib lasemenn; vwar w86 8/15 p. 20 par. 19.]

9. En Kretyen i kapab “tonbe” pour rezon fristrasyon, dezapwentman, ek bann problenm finans oubyen legal, me avek led lespri Bondye ek Son bann adorater plen avek lanmour, i pa pou “ganny zete ater” konpletman. (Ps. 37:23, 24) [Lektir Labib lasemenn; vwar w86 11/1 p. 30 par. 14.]

10. Zenez sapit 1 i ansennyen ki Bondye ti kree tou keksoz lo later dan sis zour 24 er-d-tan. [rs-E p. 126 par. 1; rs-F p. 128 par. 4]

Reponn sa bann kestyon swivan:

11. Konman ki Ezra ek son bann asistan ti ‘fer konpran’ Lalwa? (Nee. 8:8) [Lektir Labib lasemenn; vwar w86 2/15 p. 26 par. 4.]

12. Kwa ki kapab fer nou eksperyans “lazwa Zeova”? (Nee. 8:10) [Lektir Labib lasemenn; vwar w86 2/15 p. 26 par. 9.]

13. Akoz ki sa bann “ki ti volonter pour reste Zerizalenm” ti ganny beni? (Nee. 11:2) [Lektir Labib lasemenn; vwar w86 2/15 p. 26 par. 12.]

14. Akoz ki Ester ti tarde pour enform lerwa son lentansyon spesifik? (Ester 5:6-8) [Lektir Labib lasemenn; vwar w86 3/15 p. 24 par. 18.]

15. Ki sa de kestyon enportan ki ganny reponn dan liv Zob? [si p. 95 par. 1]

16. Akoz ki konsey Elifaz ti demoraliz Zob e i pa ti kapab ankouraz li? (Zob 21:34; 22:2, 3) [Lektir Labib lasemenn; vwar w95 2/15 p. 27 par. 5-6.]

17. Ki savedir en psonm? [si p. 101 par. 2]

18. Ki “keksoz san valer” ki bann nasyon i kontinyen “gronnyen,” parey i rikorde dan Psonm 2:1? [Lektir Labib lasemenn; vwar w86 8/15 p. 20 par. 5.]

19. Ki leson pratik konsernan pa fer lapliferans nou kapab aprann atraver minister Filip ki ti enplik bann Samariten ek sa zofisye Etyopyen? (Akt 8:6-13, 26-39) [w99 7/15 p. 25 par. 2]

20. Konman ki Zob ti demontre son konviksyon ki Bondye pou kapab resisit li, e ki i ti konsider latonm konman en landrwa kasyet kont son bann problenm? (Zob 14:7, 13-15) [Lektir Labib lasemenn; vwar w00 5/15 p. 27 par. 7–​p. 28 par. 1.]

Konplet sa bann fraz swivan:

21. Ester 8:17 i dir ki bann dimoun parmi lezot nasyon ti “deklare ki zot bann Zwif”; pareyman ozordi, “ _________________________ ” ‘lezot mouton’ in pran zot pozisyon akote _________________________ . (Rev. 7:9; Zan 10:16; Zeka. 8:23) [Lektir Labib lasemenn; vwar w86 3/15 p. 25 par. 14.]

22. Parey Akt 1:7 i endike, menm si Zeova i konsyan _________________________ , son zour pour rann kont pou vin konman en _________________________ , moman ki dimoun pa pe ekspekte. (2 Pyer. 3:10) [w99 6/1 p. 5 par.2-3]

23. Dan 2 Pyer 3:7, 10, sa term “lesyel” ek “later” in ganny servi dan en _________________________ ; parey konteks i montre, “later” i refer avek _________________________ . [rs-E p. 114 par. 2-4; rs-F p. 405 par. 4-p. 406 par. 1]

24. Bon kominikasyon i vin en realite par konfyans ek konpreansyon antre kanmarad, e sa de kalite i egziste letan maryaz i ganny konsidere konman en linyon _________________________ e i annan en vre _________________________ pour fer li marse. [w99 7/15 p. 21 par. 3]

25. Lenfliyans pozitif bann zanmi i kapab ed nou pour met bann legzizans moral ek spirityel an _________________________ e alor ed nou pour servi Zeova _________________________ . [w99 8/1 p. 24 par. 3]

Souliny larepons ki byen dan sa bann deklarasyon swivan:

26. Mordekai “pe asiz dan baro lerwa” i endike ki i ti (gardyen lerwa; en zofisye Lerwa Asweris; pe espere pour al vwar lerwa). (Ester 2:19, 20) [Lektir Labib lasemenn; vwar w86 3/15 p. 24 par. 9.]

27. Parey i’n ganny rikorde dan Zob 19:25-27, Zob ti eksprim son lafwa ki i ti pou “obzerv Bondye” dan lesans ki (i ti pou ganny favorize avek en vizyon; i ti pou ganny resisite pour al dan lesyel; son lizye konpreansyon ti pou ouver pour vwar laverite konsernan Zeova). [Lektir Labib lasemenn; vwar w94 11/15 p. 19 par. 17.]

28. Zob i ganny renonmen sirtou pour son (lanmour; bonte; pasyans). (Zak 5:11) [si p. 100 par. 41]

29. Liv Psonm ti pran (trwa san; senk san; mil) an pour fini ekrir. [si p. 101 par. 4]

30. (David; Azaf; Ezra) ti evidaman sa enn dernyen ki ti rasanble liv Psonm ansanm. [si p. 102 par. 6]

Asosye sa bann verse avek sa bann fraz swivan:

Nee. 3:5; Ps. 12:2; 19:7; 2 Tim. 3:16, 17; Zak 5:14-16

31. Nou devret pare pour donn nou menm e pa annan sa tandans pour konsider travay dir konman initil akoz nou lorgey i fer nou krwar ki sa i ti a abes nou. [Lektir Labib lasemenn; vwar w86 2/15 p. 25 par. 12, 19.]

32. En Kretyen ki’n enplike dan bann fot grav i devret konfes son pese avek bann ansyen. [rs-E p. 83 par. 9; rs-F p. 71 par. 9]

33. Byen ki dan lepase Bondye ti servi bann rev pour donn lavertisman, lenstriksyon e profesi son pep, konmela pour nou delivrans i donn nou son Parol an ekri ki’n ganny enspire. [rs-E p. 106 par. 2; rs-F p. 334 par. 6]

34. Si nou oule lanmitye Bondye, nou bezwen onnet dan nou menm, san ipokrizi. [Lektir Labib lasemenn; vwar w89 9/15 p. 26 par. 7.]

35. Lobeisans pour lalwa Bondye i redonn en dimoun lafors e i promouvwar son prop byennet. [Lektir Labib lasemenn; vwar w00 10/1 p. 13 par. 4.]