Revizyon Pour Lekol Minister Teokratik

Revizyon, avek liv fermen, pour bann matyer ki’n ganny trete dan bann ekspoze Lekol Minister Teokratik depi semenn le 3 Zanvye ziska le 17 Avril, 2000. Reponn lo en papye separe, otan kestyon ki ou kapab dan lespas letan ki’n ganny akorde.

[Not: Pandan revizyon ekrir, servi zis Labib pour reponn bann kestyon. Bann referans ki’n donnen apre sak kestyon, i pour ou resers personnel. Pour bann referans avek The Watchtower, nimero paz ek paragraf pa touzour ganny endike, nimero paz dan Insight i fer referans avek sa liv an angle.]

Reponn “Vre” oubyen “Fo” apre bann fraz swivan:

1. Parfwa nou bezwen espere pour ganny benediksyon Zeova, vi ki Zeova i konn nou sitiasyon e i satisfer bezwen sakenn lemoman kot i pou pli benefisye nou. (Ps. 145:16; Zak. 1:17) [w98 1/1 p. 23 par. 6]

2. Prezans lars lalyans li tousel, pa ti garanti sikse pour bann Israelit. Benediksyon Zeova ti depan lo kondisyon spirityel ek lobeisans fidel bann ki ti posed sa lars. (Zoz., sap. 7) [Lektir Labib Lasemenn; vwar it-1 p. 167 par. 2.]

3. Ozordi, nou ganny nouri spirityelman senpleman an lizan bann deklarasyon Zeova. (Det. 8:3) [Lektir Labib Lasemenn; vwar w85 6/15 p. 17 par. 15, 17.]

4. Dapre sa prensip soulinyen dan Lalwa Mozaik dan Deterononm 23:20, en Kretyen i mank lanmour si i demann lentere pour en larzan ki i pe prete. [Lektir Labib Lasemenn; vwar it-1 p. 1212 par. 5; it-2 p. 259 par. 11; w86 10/15 p. 12 par. 9.]

5. Rapor optimis Zozye ek Kaleb ti baze lo zot konfyans, dan lafors ek determinasyon bann Israelit pour sirmont tou lobstak ki ti a kapab anpes zot konkerir Later Promiz. (Nom. 13:30) [w98 2/1 p. 5 par. 4]

6. Kan i ti pe refer lo sa “don” dan 1 Timote, Pol ti pe rapel Timote ki i ti’n ganny wen avek lespri sen e ki en rekonpans seles ti pe esper li. (1 Tim. 4:14) [w98 2/15 p. 25 par. 1]

7. Liv Zozye pa fourni okenn eleman endispansab lo laliny desandans sa Semans Rwayonm. [si p. 46 par. 24]

8. Liv bann Ziz i rikord en lalis bann zonm ki’n ganny swazir e nonmen par Israel, pour renny lo sa nasyon avan peryod bann lerwa. [si p. 46 par. 2]

9. Demann ki Gideonn ti fer, raporte dan Ziz 6:37-39, i montre ki i ti tro pridan e tro mefyan. [Lektir Labib Lasemenn; vwar w88 4/1 p. 30 par. 6.]

10. Kan i ti ordonn son bann disip pour ‘pa may personn pour dir bonzour lo semen’ Zezi ti pe soulinyen ki predikasyon i irzan e i demann tou nou latansyon. (Lik 10:4) [w98 3/1 p. 30 par. 5]

Reponn sa bann kestyon swivan:

11. Akoz ki i enportan ki parol Zeova i dan leker bann paran? (Det. 6:5, 6) [Lektir Labib Lasemenn; vwar w98 6/1 p. 20 par. 4.]

12. Ki mannyer en sef lafanmiy i kapab aplik sa prensip Deterononm 11:18, 19? [Lektir Labib Lasemenn; vwar fy p. 70 par. 14.]

13. Kwa dan lekritir, ki endike ki Onezim, sa lesklav sove, ti’n pas en pe letan avek lapot Pol avan ki Pol ti ekrir Filemon? [w98 1/15 p. 30 par. 2]

14. Kan nou vin temwen oubyen viktim lenzistis, ki nou kapab fer pour nou pa dekouraze oubyen vin negatif? [w98 2/1 p. 6 par. 2-3]

15. Ki mannyer Zozye ek Gideonn ti montre en gran respe pour lalwa Bondye? (Det. 20:8, 15-18) [si p. 41 par. 32]

16. Ki mannyer bann levennman, dekrir dan Zozye 10:10-14, i konparab avek sa ki pou kapab pase zour Armagedonn? [Lektir Labib Lasemenn; vwar w86 12/15 p. 23 par. 12–​p. 24 par. 14.]

17. Nonm trwa lefe pozitif, prodwi par bann konpliman senser ki loue en bon kondwit. (Vwar Proverb 15:23.) [w98 2/1 p. 31 par. 5-6]

18. An armoni avek Zozye 20:4, ki mannyer nou kapab sove dan lavil refiz modern? [Lektir Labib Lasemenn; vwar w86 12/15 p. 24 par. 16.]

19. Kwa ki endike, dan Ziz 5:31, ki laviktwar Ziz Barak lo bann lafors siperyer Sizera dan vale Kisonn, i konsern nou ozordi? [Lektir Labib Lasemenn; vwar w86 2/15 p. 21 par. 4.]

20. Ki mannyer nou kapab respekte sa prensip ki ganny sizere par lekspresyon “zot ti kontinyen tenir sakenn dan son plas,” parey i ganny rikorde dan Ziz 7:21? [Lektir Labib Lasemenn; vwar w82 6/1 p. 25 par. 17.]

Konplet sa bann fraz swivan:

21. Pour nou eksperyans plis ankor bann benediksyon Zeova, nou bezwen kontinyen _________________________ e demann Zeova pour ed nou pour _________________________ bann lansennyman ki dan son Parol enspire. [w98 1/1 p. 24 par. 6]

22. Zeova i deteste flatri akoz i ganny motive par _________________________ , i pa ni _________________________ ni _________________________ , e pli enportan ankor i en mankman _________________________ . [w98 2/1 p. 30 par. 2-3]

23. Non Zozye i sinifye “ _________________________ ,” e Zozye ti en lonbraz profetik _________________________ . [si p. 42 par. 5]

24. An armoni avek ilistrasyon Zezi, raporte dan Matye 7:24-27, bann paran Kretyen saz i kapab ed zot zanfan pour sirmont bann “tanpet,” setadir bann presyon for, an transmetan avek zot en _________________________ ki pou ed zot reste _________________________ . [w98 2/15 p. 9 par. 1]

25. Resi istorik liv bann Ziz, i kouver sa peryod ki konmans depi lanmor _________________________ e i termin avek lepok _________________________ , i kouver anviron _________________________ lannen. [si p. 47 par. 5]

Souliny larepons ki byen dan sa bann deklarasyon swivan:

26. Prevwar transfer pour ou bann byen an ka lanmor, i en (desizyon ki konsern kongregasyon; desizyon personnel; lobligasyon Kretyen). (Gal. 6:5) [w98 1/15 p. 19 par. 6]

27. Pol ti ankouraz Filemon pour resevwar (Onam; Onezifor; Onezim) avek bonte me i pa ti servi son lotorite koman en zapot pour komann li pour fer sa oubyen pour liber son lesklav. (Filem. 21) [w98 1/15 p. 31 par. 1]

28. En defo grav ki ti ganny met an evidans dan resi bann lepre ki ti ganny geri par Zezi, i zot (mankman lafwa, dezobeisans; lengratitid). (Lik 17:11-19) [w98 2/15 p. 5 par. 1]

29. Vi ki Bondye ti aprouv demars Raab, son larepons ki i ti donn sa bann zonm Zeriko, ki ti pe pourswiv bann espyon Israelit, i endike ki (desizyon pour manti ou non i personnel; nou pa oblize revel serten lenformasyon avek bann ki pa devret konnen; i pa ti ankor abandonn tou son bann latitid lemonn). (Zoz. 2:3-5; vwar Romen 14:4.) [Lektir Labib Lasemenn; vwar w93 12/15 p. 25 par. 1.]

30. Dapre Zan 13:5, leson ki Zezi ti donnen i met an valer (labonte; konpasyon; limilite), kalite ki rann nou dispoze pour akonplir bann latas pli enb pour dibyen lezot. [w98 3/15 p. 7 par. 6]

Asosye sa bann verse avek sa bann fraz swivan:

Det. 7:3, 4; 17:7; 25:11, 12; 28:3; Zer. 15:20.

31. Valer ki nou Kreater i akorde avek bann lorgann reprodiktif, i devret enfliyans desizyon ki en Kretyen i fer konsernan en metod kontraseptif apropriye. [Lektir Labib Lasemenn; vwar w99 6/15 p. 28 par. 1-4.]

32. Nou kapab annan konfyans pour ganny sipor Zeova, kan nou akonpli nou misyon pour pres sa bon nouvel lo Rwayonm Bondye. [w98 3/1 p. 28 par. 1]

33. An tenan kont lavertisman biblik, nou evit bann konsekans, souvan penib, ki en Kretyen i gannyen ler i marye avek en enkrwayan. [Lektir Labib Lasemenn; vwar w89 11/1 p. 20 par. 11.]

34. Benediksyon Bondye pa depan lo landrwa kot nou pe viv oubyen servi, ouswa lo sa travay ki nou pe fer dan servis Bondye. [Lektir Labib Lasemenn; vwar w96 6/15 p. 15 par. 15.]

35. Dan bann lenstriksyon ki Pol i donnen dan 1 Korentyen sapit 5 konsernan leksklizyon, i pe sit Lalwa Zeova. [Lektir Labib Lasemenn; vwar si p. 213 par. 24.]