En Letan pour revel en Keksoz konfidansyel

Gard serten keksoz konfidansyel i kapab anmenn lape e evit dezakor. Me eski i annan en letan pour revel en keksoz konfidansyel? Remark sa ki profet Amos i dir konsernan son Bondye: “Souvren Senyer Zeova pa pou fer en keksoz amwen ki i’n revel son keksoz konfidansyel avek son serviter bann profet.” (Amos 3:7) Atraver sa bann parol, nou kapab aprann serten keksoz konsernan konfidansyalite. Zeova i kapab gard serten keksoz konfidansyel pour en peryod letan e finalman revel li avek serten dimoun. Konman nou kapab imit Zeova dan sa laspe?

Parler, bann ansyen dan kongregasyon Kretyen i trouv li itil pour pa revel serten keksoz. (Akt 20:28) Par egzanp, avek lentere kongregasyon antet, zot kapab deside pour gard lenformasyon lo serten laranzman oubyen sanzman dan kongregasyon konfidansyel ziska en letan spesifik.

Sepandan, dan en ka koumsa, i enportan pour fer kler avek bann ki enplike si vreman sa zafer pou ganny revele, e si wi, kan e konman i pou ganny revele. Ler zot konnen kan en zafer pou ganny piblikman revele sa i kapab ed zot pour gard konfidansyalite.—Proverb 25:9.