Depi lepok bann lerwa ziska ler Zerizalenm i ganny rekonstrir

Sa seksyon i kouver en peryod apepre sis syek. Nou pou konmans avek Zonatan, garson Lerwa Sail e apre nou pou koz lo David, sa premye lerwa ki ti vreman fidel Izrael. Apre nou pou ariv sa letan kot pep Bondye ti retournen sorti an egzil Babilonn e rekonstrir Zerizalenm. Legzanp Abigel, Natan, Eliya, Danyel, Ester, Neemya ek lezot ankor pou vreman ankouraz nou. Zot tou zot ti bezwen kouraz dan diferan sityasyon. Par egzanp serten ti bezwen diriz pep Zeova ki ti’n rebele, serten ti bezwen reste fidel menm si zot bann dirizan ti’n abandonn Bondye e serten ti bezwen averti pep Bondye ler zot ti konmans ador bann fo bondye e fer bann move keksoz.