Mushete Wa Yikuma

Kuli atu ja Yehova, kwimba chapwa chihanda chilemu cha uwayilo wo. Chipwe chocho, amwe mahasa kwivwa sonyi ja kwimba hamwe ni akwo. Kuchi mutuhasa kwimbila Yehova uhaliso ni mbunge yeswe? Mutwe uno muutukwasa kwimba ni chiseke nawa muutwaha yimwe yiyulo ya chize mutuhasa kululieka liji lietu hanga twimbile Yehova.

Mutuhasa kuwana malongeso alemu ha ululikiso wa yihunda ya uchinyino mu Izalele. Mu mutwe utangu, mutumona chize yivulumunyi mahasa kufupa uchinyino muli Yehova musono. Mu mutwe uze muusulaho, mutumona chize chilweza cha Yehova muchitukwasa hanga tukonekene akwetu, kulemesa mwono, ni kulinga yuma ya ululi.

Mitwe yino yaali yinakatuka ha mikanda yize Zambi atumine Paulu kusonekena akwa-Kristu mu Kolosu. Mutwe utangu unalumbununa yize mutulinga muze mutwivwa manyonga a hano hashi waze hi apema ko. Mutwe wamuchiali muulumbununa chize mutuhasa kwehuka yitanga yize muyihasa kutukinda kuzuka yiwape ya Yehova.