Kuchi Mutuhasa Kunyingika Yizulie ya mu Mbimbiliya?

Mu Mbimbiliya muli yizulie yinji. Ewa, chipwe lume akwa-kutanga Mbimbiliya anji kakupinda ha kuwana ulumbunwiso wa yizulie yacho. (Mateu 13:13) Yika muyikukwasa kuwana ulumbunwiso walita ha yizulie yize yili mu Mbimbiliya? Kaula yikuma yino:

• Nyingika kanawa lusango ni chizulie. Tesa lusango ni chizulie. Ngwe chilweza, ha Usolwelo 3:3 kanatese Yesu ni kwiza, mwe (lusango) kwiza ngwe mwiji, che (chizulie).

• Tesa chize lusango ni chizulie muyihasa kulifwa. Wana yikuma yize muyitwala lusango kulifwa ni chizulie.

• Wana ulumbunwiso walita. Kulifwa chimwe hakachi ka lusango ni chizulie, muyihasa kukutwala ku ulumbunwiso uze kuwalitele. Ha chilweza chize twamona helu, Yesu kaso kwiza hanga eye chuma nichimwe. Alioze, contexto yinasolola ngwo iye kaneza ngwe chize akwiza mwiji, chakuhona kushika hanji kutoweza.