MWONO WA AKWA-KRISTU

Mulimo Ulemu Uze Alingile ni Ukwaso wa Yehova

Papilo haze hali mutambi wa chinema chinambe ngwo, “Chize Ululikiso wa Yehova Wakukalakala.”

Chize ku mashimbu akunyima ndo musono, tuvumbi twa Zambi kakulinga yuma yinji, ayo keshi kulinga yuma yacho mumu lia utotombo uze akwete, alioze mumu lia ukwaso wa Yehova. Ha mwaka 1954, ululikiso wa Yehova watuhwishile chinema chinambe ngwo, Chize Ululikiso wa Yehova Wakukalakala. Chinema chacho kachilingile kuli Mambetelita waze te kanyingikine yuma yinji hakutwala ku mulimo wa kukopa yinema. Mutuhasa kwamba ngwetu, mulimo wacho kaulingile ni ukwaso wa spiritu yisandu ya Yehova. Chino chinasolola pundu ngwo, nyi twafuliela muli Yehova, mutuhasa kulinga kanawa mulimo weswawo matwaha mu ululikiso wenyi.—Zek 4:6.

SOLOLA CHINEMA CHINAMBE NGWO, SANGO JA “CHIZE ULULIKISO WA YEHOVA WAKUKALAKALA,” MBA NUKUMBULULE YIHULA YINO:

Mumu liaka akwachile chiyulo chakulinga chinema chinahanjika hakutwala ku chishina chinene?
Kuchi chinema chasolwele ngwo Mbetele yili ngwe mujimba wa mutu?—1Ko 12:14-20
Kapinda muka mandumbu apwile nenyi ha kulinga chinema, nawa kuchi amukumbile?
Yika chilweza chino chinatulongesa hakutwala ku spiritu yisandu ya Yehova?