“Kanda Ulipikala”

Yehova kapwile ni kukwasa yiswale mu Izalele ya kushakulu. Kuchi Yehova akukwasa tuvumbi twenyi waze ali yiswale musono?

• Kakwalongesa hanga apwe ni nyonga lialita hakutwala ku mbongo.—Lu 12:15; 1Ti 6:6-8

• Kakwakwasa hanga alemese mwono wo.—Yom 34:19

• Kakwalongesa apwe yikilikita ni kwehuka ndako jipi.—Yis 14:23; 20:1; 2Ko 7:1

• Hanaaneha mu ululikiso wenyi hanga apwe hamuwika ni mandumbu jo a ku ufulielo. —Yo 13:35; 1Yo 3:17, 18

• Kakwaha kutalatala.—Sam 9:18; Iza 65:21-23

Chipwe ngwe tunapalika mu kapinda mweswawo, nihindu kutwatambile kulipikala. (Iza 30:15) Yehova matwaha yize tunahono nyi twanunga ni kusa Wanangana wenyi ha chihela chitangu ku mwono wetu.—Mat 6:31-33.

SOLOLA CHINEMA, ZANGO KULISHI KUHWA CHIPWE NGWE . . . ULI CHISWALE—CONGO, MBA NUKUMBULULE YIHULA YINO:

• 

  Kuchi mandumbu waze atwama hakamwihi ni yihela yize akulingila kukunguluka cha mambonge, akusolola zango lia kuzumbula waze akukatuka kusuku hanga aye ku kukunguluka cha mambonge?

• 

  Yika chinema chino chatulongesa ha zango lize Yehova akwete hali yiswale?

• 

  Kuchi mutuhasa kwimbulula kuhana cha Yehova, chipwe ngwe tuli ni yuma yinji hanji yikehe?