Akweze—Lihanenu ni “Mbunge Yeswe” mu Mulimo wa Zambi

Kupalikila mu mukanda uze anakasonekena Titu, postolo Paulu yasonekena akweze ni Titu ha kwamba ngwenyi, likolwezenu hanga nupwe “chilweza cha yitanga yipema.” (Tit 2:6, 7) Yasolola nawa mu kapitulu yozemwene ngwenyi, Yesu te mapemesa atu ja Yehova hanga alinge mulimo wa Zambi “ni mbunge yeswe.” (Tit 2:14) Mulimo wacho uli kwambujola ni kulongesa hakutwala ku Wanangana wa Zambi. Nyi uli mukweze, shina muhasa kuzachisa mashimbu je hanga ukalakale ngwe pionelu wa shimbu likehe hanji wa shimbu lieswe?—Yis 20:29.

Nyi unazange kukalakala ngwe pionelu, linga katalilo wa yuma yize unazange kululieka ku mwono we. (Lu 14:28-30) Chakutalilaho, kuchi muhasa kulikwasa ku musunya, muze mukalakala mu mulimo wa mashimbu eswe? Shina muhasa kukalakala chinji mu munda hanga uhane maola waze mapionelu akuhana? Lemba hanga wite ukwaso wa Yehova hakutwala ku chikuma chacho. (Sam 37:5) Hanjika ni yisemi je hanji mapionelu waze akulinga kanawa mulimo wo. Likolweze hanga uputuke mulimo uno. Yehova mawahisa tachi jize musa hanga ulinge kanawa mulimo wenyi!

TALENU CHINEMA CHAKWAMBA NGWO, AKWEZE LEMESENU YEHOVA, MBA NUKUMBULULE YIHULA YINO:

• Yipikalo yika akumbile amwe mandumbu waze te akukalakala ngwe mapionelu, nawa kuchi achilingile?

• Kuchi yisemi mahasa kukwasa ana jo hanga akalakale ngwe mapionelu a shimbu lieswe?

• Mumu liaka chili chilemu kulinga katalilo wa kwambujola nenyi?

• Kuchi mandumbu a mu chikungulwila mahasa kutakamisa mapionelu ni kwakwasa?

• Yiwape yika akupwa nayo waze akukalakala ngwe mapionelu?