Wahisa Longeso lie lia Wika

MUMU LIAKA CHILI CHILEMU: Kulinga longeso lia wika lia Liji lia Zambi, chakutukwasa kunyingika “utohe, ni usuhe, ni usuku kwilu, ni usuku kwishi” wa umwenemwene. (Efw 3:18) Chakutukwasa nawa hanga tununge kutushi chitela ni upi hano hashi hapi, ni kwambujola “liji lia mwono.” (Fwp 2:15, 16) Kulinga longeso lia wika lia Liji lia Zambi chakutukwasa kusakula yuma yize muyitukwasa ku mwono wetu. Kuchi mutuhasa kuzachisa mashimbu jetu hanga tutange ni kulilongesa Mbimbiliya?

CHIZE TWATAMBA KULINGA:

• Muze mulilongesa Mbimbiliya soneka versu jize watanga ha lifwo hanji ha telefone ye

• Muze unatanga liji lia Zambi muhasa kulihula ngwe: ‘Iya mwenawo? Yika alingile? Tangwa lika? Kulihi? Mumu liaka? Kuchi achilingile?

• Pwako ni shindakenyo. Zachisa yikwata ya kuhengwola nayo yize yiliko hanga uhengwole chimwe chikuma hanji yimwe versu ya mu Mbimbiliya

• Pukuna ha yize watanga hanga unyingike chize muhasa kuyikaula ku mwono we

• Kaula matangwa eswe yize walilongesa ku mwono we.—Lu 6:47, 48

TALENU CHINEMA CHAKWAMBA NGWO, “LIKOLWEZE”—HANGA UPEMESE LONGESO LIE LIA WIKA, MBA NUKUMBULULE YIHULA YINO:

• Kuchi mandumbu amwe akulumbununa longeso lia wika?

• Mumu liaka twatamba kulemba shimbu kanda tuchiputuka longeso lia wika?

• Yika muyihasa kutukwasa kunyingika kanawa jimwe versu ja mu Mbimbiliya?

• Ulombo uka mutuhasa kuzachisa ha longeso lietu lia Mbimbiliya?

• Mumu liaka chili chilemu kupukuna ha yize tunalilongesa mu Liji lia Zambi?

• Yika twatamba kulinga ni yuma yize tunalilongesa?